العربية فيها مشاكل كتير والاعضاء دائما بيشتكوا اية ظروف العربية دية انا بعد مكنت ناوى اجيبها شيلت الفكرة من دماغى خالص يعنى عربية لسة زيروا وفيها مشاكل
عرض للطباعة
العربية فيها مشاكل كتير والاعضاء دائما بيشتكوا اية ظروف العربية دية انا بعد مكنت ناوى اجيبها شيلت الفكرة من دماغى خالص يعنى عربية لسة زيروا وفيها مشاكل
اعضاء مين اللى دائما يشتكوا !!!! حضرتك متأكد انك تقصد 301؟!
مش علشان اتنين او تلاته من الاعضاء حصل معاهم موقف فى عربياتهم تبقى العربية مش كويسة
هما مين دول اللي بيشتكوا يا بشمهندس
وايه هي المشاكل اللي عند الاعضاء
يابشوات انتة بتدافعوا عنها لية شوف التوكيل بيعمل مع الناس اية
وبعدين انا بدافع عشان انا عضو ومعايا العربية ومشتكتش لامن العربية ولا من التوكيل ولا حتي حد هنا اشتكي من حاجة والعربية معايا من 6 شهور وعامل 11000 كم وزي الفل هي ايه بقي المشكلة عند حضرتك
ممكن توضح اية الشكاوى و التوكيل بعمل اية
العربيه نهاية من شهرين والحمد لله زي الفل اختيار موفق لسه متعاملتش مع التوكيل بس كلهم في مصر اي كلام لاي نوع عربيه
اكيد حضرتك تقصد الستروين سى اليزيه
البيجو لم يشكو منها احد بالمرة
العربية معايا من اسبوع و قبلها انا كنت متابع البيجو و الستروين و كنت اقرب ما يكون انى اشترى الستروين و ممكن حضرتك تتتبع بداية مشاركاتى و كلامى و كلام الناس مع ا اسلام و ا احمد امين
لكن استقريت على البيجو و الحمد لله مش ندمان و بنصح بيها الجميع
يا ريت حضرتك تشوف المشاركات السابقة و هتعرف كتير عنها و تشوف اراء الجميع من ملاكها و اللى اجمعوا على تميزها
حتى الستروين-اختها التوأم- مشكلتها اتحلت من مدة
غالبا انت غلطان فى العنوان الى كاتبه لا الاعضاء كل شويه يشتكو و لا حد اشتكى من التوكيل و انا متابع لانى بحب العربيه و بفكر فيها لو تقصد السى اليزيه او عربيه تانيه ياريت تركز فى انت عايز تقول ايه بالظبط صدقنى احنا مش فاهمينك لانك بتتكلم عن حاجه مش موجوده فى الواقع
معلهش يااخوانى انا غلطت بس يااربت كل حاجة عن البيجو301لانى بفكر جديا فى حجزها ممكن السعر وقطع الغيار والعيوب والممميزات
لو حكم أحد علي الإليزيه أن بها مشاكل ففي البيجو نفس المشاكل بالنص مفيش حاجة اسمها دي احسن من دي لان الإتنين نقس المصنع و نفس التقفيل ما في ايه فرق
ثانيا : البيجو فعلا يوجد بها مشكلة محيرة فعلا هو ضعف مستوي صيانة التوكيل و ترك العملاء سيارتهم لأيام عند الصيانة لحين وصول الرد من فرنسا . أنا نفسي أسلئهم هل ينفع تركيب سماعات علي المانيول أجد أحدهم يقول لي لا أظن و الاخر يقول ينفع و نفس الكلام في مثبت السرعة ما هذا التضارب فلا ينم إلا عن ضعف و خوفهم في وضع ايديهم في السيارة .
مما لا شك فيه أن السيارة أفضل ما فيها هي الهايلاين غير كدا سوف تشتري سيارة معمولة ببخل و فاضية حتي الجنوط بخلوا ان يضعوا نفس ماركة جنوط الهاي لاين .
أنا أري من يريد أن يشتري البيجو عليه أن يتجه إلي الهاي لاين غير كدا السيارة من وجه نظري فاضيه و مخيفة . فقط هذا رأي شخصي و شكرا .
لا يا باشا في فرق مهم
هو فرق التوكيل
عز العرب قرف الناس لحد مجاب تحديث السوفت وير و ده كان سبب عزوف ناس كتير عن الإليزيه و تقديمهم شكاوى لحماية المستهلك
العربية جديدة و طبيعي التوكيل هياخد وقت قبل ميلعب فالضفيرة
الللي معكول حسابه هيركبهولك فثواني
اللي عايز لعب....زاصبر شوية لحد مالتوكيل يفوق من الصيانات و يمد ايده فالعربية
أكيد الهيلاين أحسن عشان كده اسمها هايلاين
لكن العربية معمولة ببخل ده بقى كلام عجيب
هاتلي عربية في نفس قئتها السعرية فيها عوالم الأمان أو الرفاهية أو جودة تقفيل زيها أو حتى قريب منها
هتقولي الريو هقولك أغلى 12 ألف و مفيهاش نفس عوامل الأمان
الصني لا تقارن بيها أصلا
يبقى مين اللي ب108 للمانيوال و 124 للأوتو و فيه
ABS-EBD-2 air bags- تقفيل أسباني-أوسع صالون و شنطة في فئتها
موضوع مخيفة بقى مليش رد عليه عشان أنا مش فاهم يعني ايه مخيفة؟؟؟:004-005:
تقبل تحياتي
ليه النيسان لا تقارن بيها بل هي أفضل منها النيسان كاملة في كل شيء أولا النيسان صني النيو شيب ب109 الف من التوكيل أتوتوماتيك 2 ايرباجز abs ebd ba فوجات كل الكماليات موجودة فيها ناهيك عن خدمة التوكيل المحترمة طحن بصراحة و كل الناس بيشكروا فيه أكيد النيسان من وجهة نظري أفضل و عملية يعيبها ضعف صاجها و بعض مشاكل الفرامل ...للعلم أنا لا معايا بيجوا ولا معايا نيسان فقط أنا حاجز البيجو لكن أن اتكلم بيحايدية .
ثانيا التوكيل كذا عضو من المنتدي ذهب و رأي تعتنهم ف يالمعاملة و ترك سيارته بالخمس ساعات و دون حل تستطيع مراجعة أحد المشاركات تيل الفرامل فيه مشكلة و كان عندي في صيانة العشرة آلف فيقول له الوكيل لو جتلي بكرا حتكون خرجت من الضمان .أنا الصراحة متخوف جدا من الشكل العجيب دا
ولا يهمك وأهلاً بيك معانا,,
ممكن تاخد معلومات عامة عن العربية وأسعارها من اللنك دا,
http://www.nilemotors.net/Nile/379551-301-2013-a.html
وممكن تراجع علي المواضيع اللي في اللنك دا ,
http://www.nilemotors.net/Nile/3875200422-post5.html
وهتلاقي فيها كل حاجة تحتاج تعرفها عن العربية من أسعار قطع الغيار وتقرار الملاك اللي جربوها, :tumb:
وهتعرف كل المزايا والعيوب(لو كان فيها عيوب تذكر أصلاً) قدام مميزاتها مع سعرها.
وبالتوفيق في الأختيار.
النيسان أقل من البيجو بكتير
1-صاج ضعيف
2-تقفيل مصري
3-موتور هندي
4-سوء تقفيل و خاماته
5-الشكل (و دي أذواق طبعا)
6-آراء ملاكها
7- كاوتش صيني
و يمكن غيري يكون له رأي مختلف و يشوف مميزات الصني دافع لشرائها
عربية أوتوماتيك و أبشنز كويسة بالسعر ده
توكيلها قوي و سمعته طيبة
قطع غيار متوفرة
سعر إعادة بيع
لكن بالنسبة لي الأمان و جودة الخامات و التقفيل و قوة الصاج أمور ضرورية و مقدرش أتنازل عنها مقابل سعر إعادة بيع أو قوة وكيل (لأنها أمور غير ثابتة و ممكن تتغير مع الزمن)
و دي مشاركة ل Ahmed Amin ممكن تفيد أي حد عايز يقارن
http://www.nilemotors.net/Nile/361176-2013-301-a-8.html
في راي
توكيل بيجو ماشي بتعليمات فرنساوي صارمه و بتحكم من شركه بيجو فعلا و الناس دي بتقولك القطعه دي ضمان 10000 كيلوا يبقي مينفعش تعيرها و هي ماشيه 10001 كيلو
من الاخر لضمان السلامه .. كل اللي احنا محتاجينه الالتزام .. و بكده غصب عن التوكيل حيعملك شغله مظبوط
روح الصيانه قبل 10000 كيلو ب 500 كيلو مش حتفرق في التكلفه علي المدي الطويل كتير و لا حاجه
لكن نيسان شغاله بالمحبه زي موظف الحكومه اللطيف .. واخد مصلحته مقابل انه بيعمل اللي عليه بابتسامه في وشك و احنا في مصر بنعشق الموظف ده :)
ده مجرد راي :)
هههههه ماتور هندي مين بلغ ساعدتك بإنو ماتور هندي ؟؟؟ حخضرتك ممكن تخش علي موقع نيسان و تكتب كود الماتور hr15de و شوف هندي ولا لاء انا بالفعل تطرقت للفكرة دي قبل ذلك و ذهبت للتوكيل و و اكدو لي أنه ياباني و سأتلهم علي الإثبات قالوا تعالي شوف الورق عندنا و سُئل أحد كبار منتدي النيسان أخبر بأنه يابني 100% والله أعلم
بقول لحضرتك ايه يا باشمهندس شوف رد واحدة من ملاك الصني علي الفيس بوك
http://im38.gulfup.com/PoTIV.jpg
الموتور متقفل ومتجمع بالكامل في الهند.
الكود بتاعه فعلاً HR15DE وهوا بيتبعت كا قطع من اليابان للهند وبيتجمع هناك,
وأي حاجة بتتقفل برة اليابان وخصوصاً في المواتير او الفتيس من وجهة نظري لا يصح يتقال عنها ياباني.!
راجع دول عشان تعرف عن الموتور اكتر
http://www.nilemotors.net/Nile/31944...post3874643401
http://www.nilemotors.net/Nile/33393...post3874791840
والنيسان صني رخيصة عشان صاجها ضعيف (مش مخدومة) و ورق.
وعشان التقفيل سئ مصري وهندي,
ودول أكتر بلدين تقفيلهم سئ, بس بيقللو من تكلفة الأنتاج وبيجو علي حساب الجودة.!
يعني تقفيل الصني مش زي تقفيل الأوروبي طبعاً ولا يمكن تتقارن بيه.
عشان كدا ممكن نعرف ليه النيسان أرخص من البيچو والفرق جه منين. :S_thum1[1]:
أشكرك سيدي علي المشاركةالتي أكدت لي أن الماتور و الفتيس يابني 100% حضرتك قرأت مشاركة و تركت البقية ترد عليه أنو الماتور و الفتيس ياباني 100% ثانيا البينة علي المدعي ائيوا لنا بدليل أنه غير ذلك لان الحقيقة لو تأكدت أن الماتور ياباني سأضطر لسحب حجزي من بيجو كن أنا معك أن بها عيوب مثل ضعف الصاج .
أولاً أنا مقولتش إن الموتور ياباني ١٠٠٪, :thinking:
فامتقولش كلام أنا مقولتهوش الله يكرمك.!! :pffft:
ثانياً أنا برضه مقولتش إن الفتيس ياباني ,,!! :grinder:
لأن ردي كان علي الكلام اللي أتقال ما بينكم علي الموتور وكان فيه أختلاف,
وعموما الفتيس فعلاً ياباني ١٠٠٪ ودا واضح لأي حد في اللينكات اللي أنا حطيتهالك تقرأ منها,
بس معلش فهمني هوا أيه الوااااو في كدا.؟:girlsthink:
يعني فتيس ياباني وموجود في عربية المفروض أنها ياباني,, أيه اللي في كدا.؟!
مع العلم أن العربية مش ياباني بما إن داخل فيها قطع غيار مصري علي هندي,, وكمان متقفلة برة اليابان.! يعني مهياش عربية ياباني ١٠٠٪
بس أنا عايز أفهم مسكت في كلمة إن الفتيس ياباني ١٠٠٪ دي كدا ليه وكررتها مرتين ليه.؟؟:grin54:
فين المعجزة في كدا يعني عشان أفهم.؟؟! :biggrin: :grinder:
هعيد لك كلامي تاني, :pffft:
أنا قلت إن الموتور بيتبعت كا قطع غيار في كراتين من اليابان علي الهند,,
وبيتجمع وبيتقفل بالكامل في الهند,,:crashcomputer3:
وبكدا بيكون خسر كلمة أنو ياباني ١٠٠٪ لأنو متقفلش بنفس جودة التقفيل الياباني ولا الدقة العالية بتاعتهم. :ANSmile23::ANSmile23:
وبالمناسبة أنت اللي قلت أن الموتور ياباني مش أنا في المشاركة دي,
فاياريت تبقي تركز في مين اللي قال أيه, :coolio:
والعربية فيها عيوب تانية غير عيب الصاج اللي حكيت عنه,
عندك مشاكل في الثبات بسبب تصميمها الأيروديناميكي السئ, وكمان بسبب الكاوتش الصيني التعبان
غير مشكلة الفرامل العامة واللي أتعمل للعربية بسببها recall في أكتر من بلد, وتوكيل نيسان مصر أدي ضهره للمشكلة و كانو بيصنفرو للناس التيل في التوكيل عشان ميغيروش التيل في الأول.
في بيچو مثلاً اللي ظهر معاه مشاكل في الفرامل كانت مشاكل فردية, ومكنتش مشكلة عامة زي فرامل النيسان,
واللي راحو التوكيل في بيچو أتغيرلهم التيل والطنابير كمان مع التيل في الضمان من غير صنفرة ولا تحوير علي العميل زي ما حصل في نيسان.
يعني الخلاصة إن النيسان صني عربية بموتور تقفيل هندي, وكمان تقفيل مصري, وداخل فيها خامات مصري,!!
وثباتها فيه مشاكل وفراملها فيها مشاكل تصميمها الايروديناميكي الغلط واللي بيعدي هوا كتير من تحت العربية و بيخليها مش ثابته علي الطريق
غير إن كاوتشها اللي بتنزل بيه صيني سئ جداً وكله بيغيرة أول ما بتستلمها زيرو لو كنت عايز تمشي زي أي واحد جايب عربية زيرو ونفسه يتمتع بيها ويمشي براحته علي ١٤٠ و ١٦٠ من غير مشاكل.؟
+ زود علي كل دا إن قطع غيارها أغلي من البيجو, ومش فاهم علي أيه الصراحة.
البيجو من الأخر, شكل وثبات وفرامل وأمان وراحة, وتقفيل أوروبي محترم وخامات محترمة وتجميع سرعة عالي من موتور أوروبي محترم وكعادة سحب مواتير البيجو, مهياش ورقة علي الطريق زي الصني, البيجو جيب بيها ١٦٠ و ١٨٠ عادي
في الصني لو عدت ال ١٢٠ وحد عدي من جنبها بسرعة بتتمرجح يمين وشمال, وأبقي جرب وشوف.
وبعد كل دا قطع غيار البيچو كمان أرخص.!!
أنت بتتكلم في أيه.؟!!!
عموماً حضرتك لو عاجباك النيسان صني أوووي كدا, ممكن تروح تشتريها وتخلص فيها علي طول طالما عاجباك.
أنا مش فاهم ليه الجدال دا كله بما أنك مقتنع بيها كدا,,
بس متبقاش تزعل بعد كدا لو حسيت انو كان أختيار سئ,
ولو كان أختيار كويس ليك بالتوفيق.
وبالمناسبة الحجز اللي أنت هتسحبه من بيچو مش هيضر,, دا هيبقي مصلحة كبيرة جدا لينا ولناس كتير هنا, :coolio:
لأن فيه ناس كتير هنا أعرفها مستنية بقالها أكتر من شهر تستلم والطلبات أعلي من الكمية المتاحة. :wink14: :F_eyeb1[1]:
فا خد قرارك براحتك,
وبالتوفيق في الاختيار. :bye2:
السلام عليكم جميعا
اولا تعليقا علي عنوان الموضوع فيدل علي ان في استشارة وخصوصا من مالكي السياره وده الي للاسف مشوفتوش خلال قرائتي لكل تعليقات الاعضاء
ثانيا مش عارف الموضوع معمول علشان يخلي مالكي السيارة يقلقو مثلا ولا ايه ؟؟
ثالثا انا قرات اعتذار كاتب الموضوع ومع ذلك برده مش مقتنع لان مفيش حاجة واضحة لا في السبب في المموضوع ولا المشاكل الي بيقول عليها ولا حتي مشاكل التوكيل الي اقال عليها بدون اي توضيح
بالاضافة الي انه اعتذر عن اللغبطة , بس اللغبطة مع ايه ؟؟ يعني ياريت التوضيح
رابعا وده الاهم دخول الاعضاء في جدال حول الصني والبيجو وامكانياتهم وده مش مكان المقارنة دي
اخيرا بالنسبة لالغاء الحجز فاحب اقول حاجة صغيرة ان احنا هنا مش بنروج لماركة سيارة او لينا نصيب في الارباح , كل ما في الامر ان كل واحد بيعرض تجربته لتعم الاستفاده علي الاخرين وتلافي العيوب ان وجدت , وبنكون سعداء لدخول عضو جديد للعائلة ولا ينقصنا خروج احد منها
اعتذر علي الاطالة وعن اي سوء فهم لكلامي الي قد يساء فهمه
تحياتي
فعلا" احنا هنا بنحاول نوضح التجارب الشخصية ليستفاد بها الأخرين وكذلك الوصول لأفضل نتيجة ممكنة لجميع الأعضاء . ولكن ذى باقى المصريين عموما" كل واحد بيدافع عن وجهة نظره فى الموضوع والى من الممكن يوصل فى بعض الأحيان لحد الزعل . اتمنى للجميع الخير والصالح فى كل الظروف
مساء الخير استاذ رامي
احب اعلق علي تالت سطر فتعليقك انه مش سوء نيه منك ولكن حقيقي هيه نيه كامنه عند صاحب الموضوع عشان الناس تقلق بدل ما صواريخ الحجز فالمعارض قفلت السوء علي النوع دا ففي محاولات لإرباك الوضع وانت عارف الإرباك هيطلع ناس من الحجوزات ويتصاد:crashcomputer3:
والدليل الاعتذار الواهي بعد وقوف أسود ميدان بيجو فالمنتدي امامه بالحجه والدليل:S_thum1[1]:
ما شاء الله تبارك الله هيه فعلا طالعه من دماغ نابليون بغزو العالم وبصراحه ريفيوهاتها علي النت مش من الصين ولا كوريا ولا امريكا واليابان
من كل مكان فأوروبا كلها وشمال افريقيا وامريكا الجنوبية شيلي وكولومبيا
النيسان الصني الاخوان قتلوها بحثا هنا وقالوا كل صغيرة وكبيرة ومش مكان مقارنه من الأصل.
ربنا يهدينا ويهدي الجميع.
السلام عليكم
مقااارنة ظالمة جدااا لبيجو لما تقارن بالصنى:S_thum1[1]:
دخلت شوفت تقرير واحد للصنى خالنى مافكرش فيها والعيوب اللى اتقالت مشكلة فى التيل و الطنبورة قالك التوكيل مهتم بالمشكلة طب ويعدين اعمل اية بالاهتمام مش فاهم وعربيتى فيها مشكلة
اشتكوا من سوء الخامات والطابلوه بالذات وتكيفها مع الجو فى الصيف فى الزحمة مبيسقعش وانا هقتبس من اللى عامل التقرير كان قايل بالكملة (يا فرحتى لما ادفع 117 الف فى عربية زيرو تكيفها مبيسقعش) :oops1:
وفسم المقارنات لو عايز تدخل وتشوف العربية مش احسن من الصنى وبس هتلاقى الاستطلاع معدى عربيات كتير اوبترا وشارك واكسنت ومفيش وجة مقارنة برده :crashcomputer3:
بالنسبة لاستاذ منعم كلامك غير منطقى بالمره ومشوفتش حد من الملاك قال حاجة عن العربية :pffft:
وهقولك تجربتى مع العربية وانا داخل على 2000 كيلو وتجربتى مع التوكيل
العربية دفعت فيها 143 الف باوفر برايس 7 الاف علشان العربية مش موجوده ومبسوط جدا من العربية وادائها وكل حاجة فيها اللى دافعته رجعلى وزيادة كمان
التوكيل عن تجربة شخصية روحت رخصت العربية اللى بيرفع البصمة زق خرطوم الدرياتير على المروحه وانا راجع اتقطع كلمت التوكيل وحط 100 خط على اللى هيتقال عن التوكيل علشان الكلام يتقفل فى الموضوع ده
بعتولى ونش فى التجمع فى ساعه ونص بالكتير خد العربية وراحت مركز غمرة روحت نمت كلمونى الساعه 1 الضهر تانى يوم تعال استلم عربيتك خلصت :coolio:
غير الخرطوم ورجع العربية زى ماكانت ببلاش ولا دفعت ونش ولا دفعت مصنعية ولا تمن التغيير مع انه مش غلطهم فى حاجة واخر ادب واحترام
يبقى من الاخر العربية ولا فيها مشاكل الحمد لله ولا التوكيل وحش والعربية الايام اللى جاية هتقوم وهتمسك سوق باذن الله :unhappy:
صفقة مربحه جدااااا من البداية ومبروك مقدما للى هيجيب سواء جاب بيجو ولا نيسان ولاحتى جابله صاروخ وخرج بره الكوكب انت اللى هتركب فى الاخر
+1
نايل موتورز - NileMotors.net[1].gif
السلام عليكم زملائى الأعزاء
الموضوع ده شكلة كده والله وأعلم فيه حاجة مش مظبوطة حتى مع اعتذار كاتب الموضوع
أولآ / عنوان الموضوع موجه لأصحاب بيجو 301
ثانيآ / داخل الموضوع كلام مبهم واسئلة لصاحب الموضوع ومبيردش عليها
ثالثآ / بمجرد ما ابو هند رفيق حجز المانيوال جاب سيرة نيسان:x1[1]: الدنيا ولعت واصبح الموضوع مقارنه بين بيجو ونيسان
رابعآ / وده رأئى ان النيسان لا يجوز وضعها فى مجال للمقارنة مع بيجو انا قبل محجز البيجو كنت حاجز نيسان سوبر صالون :36_1_2[1]:ومكنتش مقتنع بيها وحاولت اقنع نفسى بس والله ما قدرت العربية سيئة شكلآ وموضوعآ وبالرغم من انى كنت حاجز اعلى فئه فى النيسان قررت انى الغى واحجز اول فئه فى البيجو لأنى وجدت انها تفوق النيسان سوبر صالون فى كل شئ وبحمد ربنا على انى لغيت حجز النيسان لأن 3 اصحاب جابوا نيسان و خسروا فلوس كتير لما باعوا العربيات ومكنتش كملت 5000 كم بسبب الصاج الضعيف والكاوتش الصينى السئ اللى بيلم زلط وانت ماشى ومشاكل الفرامل ( التيل والطنابير ) وبلى العجل وتزييق الكراسى وخامات الطابلوه والدهان السئ وفوق كل ده تصميم الشكل اللى لحد دلوقتى الناس مش قادرة تفهم هم عملوه ازاى ووافقو علية ازاى انا نفسى اللى بيحاول يدافع عن نيسان الجديدة مش لازم الناس كلها تغلط غلطتك علشان تحس ان انت اختيارك صح لازم كل واحد يتحمل غلطته وربنا يبارك لكل واحد فى عربيته :44:
أهلا بيك سيدي و أشكرك علي ردك مع بعض التحفظات علي بعض النقط
وجه نظري أن السيارتين ممتازين هنا يوجد بعض المشاكل و الناحية الاخري مشاكل من نوع آخر ولولا اختلاف الأذواق لبارت السلع لكن أنا فقط أتكلم أن النيسان سعرها كام مقارنة بالبيجوا بيكام ؟ 109ألف أتومتيك أما البيجو 126 ألف أتوامتيك و هنا يوجد مشاكل و هناك أكيد مشاكل لكن أنا مقتنع أن كل السيارات ممتازة و كله يمشي علي الأرض و الدليل أن النيسان بالمشاكل التي تتكلم عنها أصبحت أكتر من الميكروباص في مصر . و البيجوا بدأت تنتشر .
وجه نظري الموضوع مادي إلي حد ما . موضوع الكفاءة فهو للمتخصصين أكثر من العامة
و لكم مني جزيل الشكر و الإحترام
يعني لغاية اخر سطر كنت بحاول ابلع اسلوبك انما فالاخر طينتها
سؤال مجرد من الشك....
انت ليه عاوز تحيد أراء الناس هنا عن انهم يبدوا اللي لاحظوه او شافوه او مارسوه او اي حاجه تعجبهم!!!
انت مالك ومال الكفاءه خليك فالسبوبه وخلاص فرق السعر المغري اللي انت شايفه ومش مهم مقارنة المواصفات لإننا عامه وانت عارف ان رأي المتخصصين مش هيكون مظبوط لان كله مسستم كل اللي تبعه.
يعني أرجو من إدارة المنتدي بإغلاق الموضوع الفاقد للحيادية كسياسه المنتدي ويقوم بترويج شائعات بدون اي دليل او ممارسه منه شخصيا او حتي سمع صح.
فالأصح انهاء هذا الحوار الذي يتردي أكثر فأكثر منه قبلنا. وشكرا
فعلاً لولا اختلاف الأذواق لبارت السلع,
عشان كدا قلت لك وفر علي نفسك وقت والكلام دا وروح أشتري الحاجة اللي تريحك,,
من غير ما تحاول تشتت نفسك ولا تدخل في مقارانات مالهاش لازمة بما أنك مقرر من الأول أنت ناوي تشتري أيه ومقتنع بيه,
يعني مالوش لازمة أنك تحاول تثبت لنا أن فيه حاجة أحسن من التانية.!
عشان أحنا هنا لينا وجهة نظر مختلفة,
مينفعش تاني تقارن النيسان صني بالبيجو 301.!
دي عربية تقفيل مصري هندي, وأهم جزء فيها وهوا المحرك متقفل في الهند,
وباقي العربية متقفلة في مصر وداخل فيها خامات مصرية,, والتقفيل المصري معروف بجودته طبعاً وأنو لا يقارن بصناعة اليابان ولا الصين,, ومبيتكسرش.! :pffft:
‫ولا صنع اليابان ولا الصين صنع بلدي ومبيتكسرش‬‎ - YouTube
أما البيجو فهيا عربية تقفيل أوروبي, تقفيل أفضل, صاج أقوي, راحة وأمان أعلي من الصني, :tumb:
والتقفيل الأوروبي معروف بجودته, ولو كانت البيجو متقفلة في مصر أو المغرب كان تمنها هيكون أقل من الصني, :coolio:
خد مثال علي دا الرينو اللوجان وسعرها,, طبعاً عربية أفرس وأجدع من الصني 100 مرة. :S_thum1[1]:
وأخر حاجة معظم اللي بيشتري الصني الجددة بيجهل عدة نقط عنها,, :ma(30):
أولاً أكتر الناس بتشتريها علي أنها ياباني,, وهيا طبعاً بعيدة كل البعد عن كلمة ياباني دي,, :oops1:
يعني مهياش عربية ياباني 100%, ولا حتي كل مكوناتها ياباني وأهمهم من الموتور والخامات الداخلية مش ياباني
فا فيه ناس كتير بتفكر أنها عربية ياباني وسعرها حنين ومعقول وبتشتريها علي هذا الأساس,
ودي طبعاً سياسة تسويق غلط, وفيها غش للمستهلك اللي مش عارف دا ولا فاهم.
تاني حاجة النيسان الصني الجديدة بتتباع علي سمعة وتاريخ النيسان الصني القديمة,,
يعني دا مش نجاح بعينه للصني الجديدة,, :nosebleed:
مش زنب المشتري اللي أشتراها علي أنها عربية محترمة وساعد علي أنتشارها
وبعدين ولاقاها حاجة تانية عكس ما كان متوقع سواء من سوء ثباتها علي الطريق, أو أنها مش ياباني علي الأقل وداخل فيها شغل كتير هندي علي مصري.
يعني مش معني أنها منتشرة تبقي ناجحة, :tongue32::tongue32:
ثالثاً الصني بقالها أكتر من 10 سنين في السوق,
وحضرتك جاي بتقارنها بالبيجو 301 اللي هيا لسه جديدة في السوق ومكلمتش سنة وبتقول علي البيجو أنها منتشرة,!! :arab:
راعي لما تيجي تتكلم يكون الكلام موضوعي,, :3_3_102[1]:
البيجو لحد يومنا هذا فيه ناس بتشوفها في الشارع بتستغربها ومتعرفش أيه موديل العربية دي لأنها لسه أول سنة ليها في السوق.
وناس كتير بتفكر أنها غالية, لأن معروف إن البيجو عموماً غالي,, وعليه أشاعات إن قطع غياره نار فالناس بتخاف منه, لكن أنت شوفت إن فيه قطع غيار للبيجو أرخص من الصني.!
دا غير إن الكمية اللي معروضة من اليبجو أقل من الطلب اللي عليها, :tongue06:
يعني لما الناس اللي حاجزة تستلم, ولما المصنع يزود طاقته الأنتاجية والعربية تبقي متوفرة في المعارض,,
ولما يعدي علي العربية سنتين أو 3 سنين علي الأقل في السوق, أبقي قارنها ساعتها وشوف مين اللي هيكسب المقارنة,:shine[1]::Copy of m-s5:
فا لو حضرتك عايز تتكلم منطقي وموضوعي, :3_3_102[1]:
ممكن تقرأ الموضوعين دول وأنت تعرف بنفسك إذا كانت البيجو أنتشرت ولا لأ قبل ما تقول منتشرتش لمجرد أنك مشوفتهاش في الشارع, وهيا لسه في أول سنة ليها,,
http://www.nilemotors.net/Nile/376062-301-7-a.html
http://www.nilemotors.net/Nile/392923-301.html
وأبقي ضيف علي الكلام دا صفوف الأنتظار الطويلة اللي مستنية تستلم العربية, :bye2:
وبالتوفيق يا أستاذ إيهاب في شراء العربية اللي أنت مقتنع بيها. :bye2:
براحه علي الراجل مش كده
انا نفسي لما شفت ال 301 اول مره كان في شهر 7 اللي فات .. كنت متخيل ان تمنها في حدود ال 200 الف من علامه بيجو عليها بس :) و ان اللي سايقها جوه ده معاه 200 الف غيرهم يصرفهم علي صيانتها
اما لو في حد رايه النيسان صني افضل من البيجو 301 في 2013 و 2014
اتمني ليه التوفيق و اتمني انه يكون بيشتري للسوق و طبعا دي خساره فلوس من غير متعه ( يعني للي حيشتريها منه ) و مش بيشتري لنفسه
لان العربيه دي مينفعش حد يروح يشتريها زيروا لنفسه و يقول انا حركب صني في شهر 12 .. بعد ما اتفرمت انتقاد من ملاكها و وضوح مشاكل الفرامل زي الشمس و البلاستيك اللي جواها و الصاج الورق علي عكس الصني بتاع زمان
و برغم انها ازواق بس الشكل الجديد سئ جدا .. مش مفهوم .. ملخبط
علي عكس البساطه في بيجو 301 و الشكل الانيق و االلي كان موجود في الصني القديم
و اخيرا انا اتكلمت مع واحده اشترت صني و باعتها قبل ما توصل 1000 كيلو
و كان تعليقها انها بتخاف تسند علي العربيه لحسن الصاج يتطبق و حجزت بيجو اكتيف
نصيحه شوف انت عايز ايه من العربيه و معاك كام و اشتري .. و سيبك من الناس بتاعت السوق دي الله يخليك
واحد منهم قالي بلاش بيجو دي صاجها ورق .. قلت له انت شفت ال 301 اصلا ؟ .. قالي الهاتش باك و لا السيدان :) و نصحني باوبترا :))
و في الاخر انا حاجز 301 و ربنا يقرب معاد الاستلام :)
بالتوفيق :)
يكفى النيسان شهادة من يشتريها
اول مرة اشوف فى حياتى ينزل موديل من عربية ....فالناس تروح تشترى الموديل السابق منها
عربية جميلة