التقرير الشامل للستروين C-Elysee بالصور

**amirz** · 30-09-2014 01:33 AM

الف مبروك وتقرير رائع تسلم ايدك

**pioneer** · 05-11-2014 04:20 PM

السيارة مع حضرتك لسه
وأيه إنطباعك عنها بعد مرور سنة
أخيرا أرجوا من إدارة المنتدى تثبيت الموضوع

**islam.3bada** · 16-11-2014 08:14 AM

العربية لسه معايا الحمد لله، بقالها سنة فعلا 23000 كم لحد دلوقت
بصراحة العربية كويسة و مازالت حتي الان افضل قيمة مقابل سعر في فئتها و لو رجع بيا الزمن كنت هشتريها برضو
العربية بتديك اكتر من اللي ممكن تديهولك اي عربية في الفئة دي، وسع داخلي و شنطة واسعة، خامات كويسة ، امان. ثبات و فرامل جيدة جدا، شكل جديد و مميز برا و جوا و اوبشنز كويسة، قطع غيارها مش غالية و ابتدت تبفي موجودة خارج التوكيل

**GoldenEgyption** · 23-07-2015 05:53 PM

ولو ان الموضوع قديم شوية لكن عجبني جداااااا

أسلوب راقي ومحترم في تفاصيل العربية

وخاصة أنا اليومين دول ناوي اشتري عربية إن شاء الله وبفاضل مابين الشيفروليه كروز والإليزيه، والتقرير ده خلاني أفكر جديا في الإليزيه

ممكن حضرتك تقولي انطباعك عن العربية بعد سنة ونص؟ خاصة انا معايا بيجو 307 والفتيس مضايقني حبتين وحاسس انها قريبة أوي منها

إيه أخبار الفتيس والحرارة؟

**tamerhaikal** · 29-07-2015 09:11 PM

المشاركة الأصلية كتبت بواسطة goldenegyption

ولو ان الموضوع قديم شوية لكن عجبني جداااااا

أسلوب راقي ومحترم في تفاصيل العربية

وخاصة أنا اليومين دول ناوي اشتري عربية إن شاء الله وبفاضل مابين الشيفروليه كروز والإليزيه، والتقرير ده خلاني أفكر جديا في الإليزيه

ممكن حضرتك تقولي انطباعك عن العربية بعد سنة ونص؟ خاصة انا معايا بيجو 307 والفتيس مضايقني حبتين وحاسس انها قريبة أوي منها

إيه أخبار الفتيس والحرارة؟

و انا كمان حابب اعرف رايك بعد المدة دي ايه؟

**سارة شرف** · 30-07-2015 04:26 PM

السلام عليكم
انا اشتريت سيارة ستروين سي اليزيه من شهرين و راكباها بقالي 3 شهور المشكله اني كل مل اشغل التكييف بسمع صوت عالي اوي من الموتور لدرجة اني بسمعه حتي و انا رافعه الزجاج فهل الصوت دة.طبيعي في الستروين سي اليزيه و هل ينفع الصوت دة يوطي شوية. ارجو الافادة

**islam.3bada** · 31-07-2015 02:20 AM

المشاركة الأصلية كتبت بواسطة سارة شرف

السلام عليكم
انا اشتريت سيارة ستروين سي اليزيه من شهرين و راكباها بقالي 3 شهور المشكله اني كل مل اشغل التكييف بسمع صوت عالي اوي من الموتور لدرجة اني بسمعه حتي و انا رافعه الزجاج فهل الصوت دة.طبيعي في الستروين سي اليزيه و هل ينفع الصوت دة يوطي شوية. ارجو الافادة

ده طبيعي مفيش داعى للقلق ده صوت المروحة مش صوت الموتور
المروحة مع التكييف بتشتغل على السرعة التانية مع كبر حجم المروحة و كبر حجم و عرض الريش بتاعتها فا طبيعى يكون صوتها عالى
ده مش عيب ولا يوثر على اى حاجة فى العربية

**islam.3bada** · 31-07-2015 02:22 AM

المشاركة الأصلية كتبت بواسطة tamerhaikal

و انا كمان حابب اعرف رايك بعد المدة دي ايه؟

ادعو حضراتكم للدخول على جروب السيارة على الفيس بوك حيث يوجد به كل التفاصيل عن السيارة و المعلومات و التجارب و به تقرير مفصل من اعدادى عن العربية بعد عام ونصف من الاستخدام

**e.swilam** · 17-07-2016 11:17 PM

بصراحة عجبنى جدا طريقة عرض التقرير وإصرار حضرتك انك تكمل التقرير لنهاية ..مجهود متميز
حضرتك حبيبتنا فى السيارة رغم انى احترت فيها كتير هى البيجو 301 وفى تقريبا استبعدت الأوروبى كله بس تقريبا بعد التقرير رجعت نفسى كتير ..حابب تكلمنا على الصيانه
شكرا جزيلا

**Sharkas** · 03-02-2018 02:59 AM

طب حضرتك دلوقتي وبعد الكام سنة دول رأيك في العربية زي ما هو ولا اتغير بعد كول فترة الاستخدام؟ انا اصلي قدامي واحدة مو ٢٠١٥ اكسلوسف ماشية ٨٧٠٠٠ ك وعايز اخلص فيها ب ١٦٥ الف جنية ومتردد علشان كلام السوق عنها مش مطمئن خصوصا في توفر قطع الغيار. رايك اتوكل علي لله واشتريها ولا ايه؟ انا راكب صني شكل قديم مو ٢٠١١. ارجو سرعة الرد يا استاذنا