عايز رأيكم ضروري

**Mahmoudyoussif** · 23-12-2013 12:43 AM

السلام عليكم انا من منتدى فولكس
معايا فولكس بولو كوبية 1300 كنت بفكرابيعها و اجيب نيون 98 اوتوماتيك
يا ترى قطع الغيار بتاعتها متوفرة و الميكانيكية بتاعتها موجودين
انا عارف انها من ضمن العربيات المظلومة هنا يا ترى استهلاكها و التكيف و الثبات
و اخبار المانيوال بتعاها ايه و لكم جزيل الشكر

**saddam** · 23-12-2013 08:17 AM

صديقي المواطن
من.أقل ما أنتجت كرايسلر هي العربية نيون أولا بتحب اﻷعطال وتعز الميكانيكية جدا ومصلحينها محتاجين طولة بال شديدة والحاجة تتفك مرتين تلاته وقطع الغيار مستعمل بس وفي مكان أو مكانين فقط والتعب اللي تتعبوا.عليها هو هو نفس التعب على أي عربية أمريكاني فخمة فليه أتعب نفسي على مصغر عربية فأختار عربية أمريكاني فخمة وخلاص والخلاصة أرجوك إنسى النيون وهي ولا مظلمومة ولا حاجة بالعكس ده أكتر بلد عربي باعت فيه هي مصر وباقي الدول كانت هي عنوان الفشل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Mahmoudyoussif** · 23-12-2013 10:45 AM

يعني انفد بجلدي ولا ايه انا عايز حاجة اتوماتيك في رنج التلاتينات
و لقيت دي مناسبة ... طب حضرتك ترشح ايه

**saddam** · 24-12-2013 08:07 AM

المشاركة الأصلية كتبت بواسطة mahmoudyoussif

يعني انفد بجلدي ولا ايه انا عايز حاجة اتوماتيك في رنج التلاتينات
و لقيت دي مناسبة ... طب حضرتك ترشح ايه

صديقي المواطن
أوتوماتيك في رينج الثلاثينات عندك عشرات العربيات ودي أذواق عندك تويوتا كراون من 84 وحتى 91 عندك تويوتا كورولا في أحسن إصداراتها من 88 وحتى 92 عندك كريسيدا تويوتا من 87 وحتى 92 عندك ألتيما نيسان من 89 وحتى 91 عندك نيسان ماكسيما من 89 وحتى 95 عندك كابريس أمريكاني 90 و 91 و 89 كل دي بثلاثينات عندك كورونا بأواخر العشرينات من 84 وحتى 87 عربيات عظيمة كلها وعندك بقه تخش عالكلاسيك عندك نرسيدس 190 و 200 موديلات 66 نزلت منها أوتوماتيك عندك عشرات العربيات وعندك جولف 2 من 88 وحتى 91 بأواخر الثلاثينات عندك الفولفو 460 بأواخر العشرينات شوف إتجاهك وتفكيرك ماشي فين وبعدين نختار عربية مناسبة ليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**darine wahby** · 24-12-2013 05:53 PM

المشاركة الأصلية كتبت بواسطة mahmoudyoussif

السلام عليكم انا من منتدى فولكس
معايا فولكس بولو كوبية 1300 كنت بفكرابيعها و اجيب نيون 98 اوتوماتيك
يا ترى قطع الغيار بتاعتها متوفرة و الميكانيكية بتاعتها موجودين
انا عارف انها من ضمن العربيات المظلومة هنا يا ترى استهلاكها و التكيف و الثبات
و اخبار المانيوال بتعاها ايه و لكم جزيل الشكر

طبعا الاستاذ " صدام " صدمك و كرهك فى العربية دى, دى عربية محترمة جدا جدا جدا ولو جربتها واللة يا استاذ محمود ماهتعرف تركب اى عربية تانية دى عربية اصيلة قوى بخصوص معلومات عن العربية فى " توبيكس" كثيرة عنها ممكن تشوفها

**OMARAMR** · 25-12-2013 09:15 AM

darine wahby

الواد خالد .. طلع حدوتة .. الله يباركلك

**م أحمد** · 25-12-2013 10:41 AM

انا كنت بفكر فى النيون ، واحد زميلى قالى فى السعودية كان فيها عيب خطير انا الدريكسيون ممكن يسوجر و انت مدور العربية , و متهيألى انها 2000 سى ىسى ضريبة قليلة ممكن لكن استخدام بنزين صعب

لو عايز حاجة اوتوماتيك موديلات جديدة KIA pride sedan

**Mahmoudyoussif** · 25-12-2013 11:42 AM

طيب في دايو اسبيرو اتوماتيك برضه ما رايكم دام عزكم

**م أحمد** · 26-12-2013 11:56 AM

و أنأح من دول كلهم بمناسبة الدايو ، الكيا سيفيا ، عربية قوية و عملية

**ahmed2012** · 16-01-2014 03:15 PM

مركزالريان (صقرقريش المعادي الاوتوستراد عماره 166)
موبيل (01067776159-01067776095-01067815558)
لقطع الغيار الجديده والاستيراد ويوجد لديه صيانه وجميع اجهزه كشف الاعطال