السلام عليكم و رحمة الله و بركاته
اخوكم من قسم رينو و حابب اسجل شكري للتوكيل مودرن موتورز فرع مصر الجديدة برئاسة المهندس اسامه
القصة بإختصار ان اختي اشترت سوزوكي ماروتي زيرو موديل 2013 من ثلاث اسابيع و للأسف اكتشفنا بعد الترخيص ان الفتيس فيه مشكلة (بيعض في الاول و الثانى) روحنا بيها التوكيل اللي في اول شارع جوزيف تيتو يوم الاثنين قبل اللي فات و كانت العربية عاملة 95 كيلو فقط
و بعد قضاء يوم كامل من الساعة 10 صباحا حتي 3 مساء قالوا ان المشكلة كبيرة و محتاجة ان العربية تفضل عندهم شوية
ماطولش عليكم الحمد الله استلمنا العربية امبارح بعد تغيير الفتيس بالكامل و جربتها لقيت الفتيس بقى ناعم جدا
بالتوفيق ان شاء الله