إيه الفرق بين الكيا بيكانتو 2014 الخليجي والعاديه ؟

**Innovation** · 24-12-2013 08:51 PM

السلام عليكم

استفسار صغير ..

لاحظت ان فيه ناس كتير بتشترى كيا بيكانتو خليجى من بعض المعارض المتخصصه في الخليجي
ليه بيشتروها خليجى ومش بيجيبوها من التوكيل العادي اللي في مصر ؟؟

فيه فرق فى الامكانيات ؟ والا السعر ؟ والا ايه ؟

وبالنسبه للكيا بيكانتو مانيوال فول اوبشن 2014 يا ترى هيكون فيه فرق ؟ والا الفرق بيكون فى الهاي لاين بس ؟

ياريت لو تعرفو تساعدوني بالاجابات لأن انا حاليا بأفاضل بين ال i10 والبيكانتو وعايزه اعرف الفرق فى البيكانتو الخليجى دي ايه فى اقرب وقت عشان اخد قرار بأه بعد التفكير الكتير ده كله

**raedegypt** · 24-12-2013 08:55 PM

اى 10الشكل الجديد 2014سيكون احلى من البيكانتو . وهو شكل جديد بالكامل

**ENG\AHMED** · 24-12-2013 10:12 PM

البيكانتو احسن من ال i10

بالنسبة للخليجى والوكيل
اول فئة فى الخليجى الاوتو اعلى من اعلى فئة اوتو وكيل

**Innovation** · 25-12-2013 12:25 AM

المشاركة الأصلية كتبت بواسطة eng\ahmed

البيكانتو احسن من ال i10

بالنسبة للخليجى والوكيل
اول فئة فى الخليجى الاوتو اعلى من اعلى فئة اوتو وكيل

احسن في ايه يعنى ؟ ياريت توضحلى اكتر
والفرق في السعر هيكون اد ايه ؟

**ENG\AHMED** · 25-12-2013 12:47 PM

المشاركة الأصلية كتبت بواسطة Innovation

احسن في ايه يعنى ؟ ياريت توضحلى اكتر
والفرق في السعر هيكون اد ايه ؟

البكانتو وال i10 اخوات نفس الشاسية واعتقد فيهم حاجات مشتركة
ال i10 الموجودة دلوقتى نفس الشاسية بتاع البكانتو الشكل القديم
ابيكانتو الشكل الجديد نفس شاسية ال i10 الجديدة اللى لسه منزلتش هنا

انا هقولك على اللى اعرفة لأنى لسه جديد مع البيكانتو وال i10 سوقتها مرة واحدة بس
كشكل سواء دلخلى او خارجى البييكانتو احسن
كماليات البيكانتو اعلى
كوسع داخلى البيكانتو
كموتور البيكانتو احسن ... النقطة دى بالذات تتقارن مع البيكانتو القديمة وبرضوا اعتقد ان البيكانتو كانت احسن (البيكانتو الجديدة 1250cc والقديمة 1100cc زى ال i10)

اسعار البيكانتو
الوكيل 95000 اوتو اول فئة ودى فيها تكييف وباور وكاسيت عادى LG و 2 زجاج كهربا
99000 اوتو فول اوبشن زيادة على اللى فات سنتر وريموت ومرايات كهربا و 4زجاج كهربا وفوجات وايموبلايزر وانذار ومفتاح folding وجنوط 14

الخليجى
اول فئة 94000 وزيادة عن الفول اوبشن بتاعة الوكيل مرايات ضم كهربا واشارات فى المرايات واوكر نيكل
هاى لاين 102000 وزيادة عن اللى فات فرش جلد نبيتى للكراسى وابواب جلد والكاسيت الاصلى built in وبلوتوث ومالتى فانكشن و usb وipod وومخرج كهربا واوتو لايت والتابلوة كله اسود مفهوش حليات فضى وجنوط 14 مختلف عن كل اللى فات
هاى لاين بفتحة سقف 105000

**sonybony** · 25-12-2013 05:29 PM

بكل المقاييسالخليجي افضل

**eslamsubaru** · 25-12-2013 07:09 PM

بص انا لفيت و اتفرجت على النوعين : الخليجى اوبشنز اكثر زى ما الشباب قالوا بس فيه نقطة مهمة جدا لا يمكن اغفالها و لازم تكون عارفها قبل ما تشترى : الخليجى من غير ضمان حط 1000 خط تحت الكلمة دى .. و ناس هتقولك ضمان ايه مفيش ضمان فى مصر و الكلام ده.. انا من تجربتى مع كذا عربية و بتوكيلات مختلفة الضمان شئ مهم جدا و انا كان حصلى مشكلة اثناء الضمان فى ابو غالى و تم التعامل بدون دفع ايه مصاريف نهائيا . وفيه كذا واحد اعرفه كان حصلهم برضه نفس الموضوع فى توكيلات مختلفة .. انا مجربتش توكيل كيا قبل كده بس مهما كان كل توكيل تهمه سمعته فالضمان شئ مهم فى رأى. و مفيش عربية مضمونة 100% ضد عيوب الصناعة.

**Dr_Moustafa** · 25-12-2013 08:05 PM

المشاركة الأصلية كتبت بواسطة eslamsubaru

بص انا لفيت و اتفرجت على النوعين : الخليجى اوبشنز اكثر زى ما الشباب قالوا بس فيه نقطة مهمة جدا لا يمكن اغفالها و لازم تكون عارفها قبل ما تشترى : الخليجى من غير ضمان حط 1000 خط تحت الكلمة دى .. و ناس هتقولك ضمان ايه مفيش ضمان فى مصر و الكلام ده.. انا من تجربتى مع كذا عربية و بتوكيلات مختلفة الضمان شئ مهم جدا و انا كان حصلى مشكلة اثناء الضمان فى ابو غالى و تم التعامل بدون دفع ايه مصاريف نهائيا . وفيه كذا واحد اعرفه كان حصلهم برضه نفس الموضوع فى توكيلات مختلفة .. انا مجربتش توكيل كيا قبل كده بس مهما كان كل توكيل تهمه سمعته فالضمان شئ مهم فى رأى. و مفيش عربية مضمونة 100% ضد عيوب الصناعة.

ممكن شراء ضمان من تربل ايه أو امان الشرق
وده بيديك ضمان زى ضمان الوكيل
ضمان الـ 3 سنوات يتراوح بين بين 2000 و 2500 جنيه

**M_SALLAM** · 25-12-2013 08:11 PM

البيكانتو الشكل القديم هى نفسها الــ I10 نفس الشاسيه و الابعاد و العفشة و الموتور و نفس الشركة المصنعة الاختلاف فقط فى الشكل الخارجى .
بالنسبة للنيو بيكانتو فهى تتفوق على I10 الشكل الحالى من حيث قوة الموتور و الابشنز و لكن اعتقد ان الجراند I10 هتنافسها بقوة بس للأسف لسة منزلتش مصر

-------------

ممنوع وضع روابط لمواقع منافسة طبقا للقاعدة رقم 15 من قواعد المنتدى مع العلم فى حالة التكرار
سيتم تطبيق القاعدة وهى توقيع عقوبة الايقاف لمدة اسبوع

مشرف 6 ب
10.42pm
25/12/2013