شكر وتقدير

**ebrahim portsa** · 24-12-2013 08:54 PM

لا يسعني في بدايه أنضمامي لهذا المنتدي الرائع سوي شكر الساده القائمين عليه ....
والساده الاعضاء الكرام بمعلوماتهم وتجربتهم القيمة
أمتلك سياره هيونداي أكسنت وأود التغير فاحتار دليلي ولم أجد خير منكم يدلني
من بين السيارات الاتية الرينوا اللوجان زيرو .... نيسان صني الشكل القديم مستعمل
bydf3 جديد فيهما ترشحون لي جزاكم الله خير

**ahmedalaahosny** · 24-12-2013 10:33 PM

نيسان صني بس التقفيل الياباني المصري كان فيه شوية عيوب تقفيل بس اعتقد انها اكيد اتظبطت ف التوكيل

**kokowasfy** · 24-12-2013 10:37 PM

شيل الصنى من الاختيارات عشان المستعمل دخل مكنها امجراند شكل وهمى اوى جميلة و عملية سعر قصاد الابشنز و كل جنية فيها قصادو حاجة بس بردو شوف اراء الخبراء معنا فى المنتدى

**ahmedalaahosny** · 24-12-2013 10:52 PM

بس اعتقد ان الاميجراند فيها عيوب تقفيل كتير ومعظمها لسة لم يحل خدلك لفة ف قسم جيلي وخاصة الموضوع اللي اسمه فشل غبور في تجميع الامجراند

**mohhassan** · 25-12-2013 01:45 AM

http://www.nilemotors.net/Nile/327748-byd-f3-2013-a.html

شوف الموضوع ده وان شاء الله يفيدك

**saddam** · 25-12-2013 03:40 AM

صديقي المواطن
قولا واحدا لوجان عربية جيدة ولكنها كمستوى أقل من بي واي دي f3 وقطعا أقل من نيسان صني وهنا نيجي ونقول لو.حتجيب نيسان عاملة بتاع 40 ألف وموديلات 2011 فما فوق يبقه تمام وقولا واحدا هي أفضلهم لكن تروح تجيبلي حالة بايعة القضية وماشيالها بتاع 5 دقايق عالسقف فتنساها وتخليك في البي واي دي زيرو ودي أرخصهم في قطع الغيار وأريحهم والصني أحسن منها طبعا لكن العيب القاتل في الكنبة الخلفية الضيقة للصني هو بس اللي مخلي الناس تكش منها لكنها بصراحة عربية جميلة وتستحمل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**mody112** · 25-12-2013 11:28 AM

بص انت تشيل اللوجان من اختياراتك نهائى
بالنسبة للصنى طبعا عربية لا غبار عليها ( الشكل القديم طبعا ) لكن انا واحد صاحبى كان معاه موديل 2010 وعملت حادثة ( ربنا يعافينا جميعا ) وداخ السبع دوخات على ما لقى الحاجات اللى هو كان عاوزها من بره التوكيل استيراد حتى الببان اللى موجود استيراد الدريكسيون بتاعها يمين فاضطر يبدل فرش الابواب ما بينهم المهم اننا دوخنا جامد جدا ونتيجة لده فانا ارشحلك وبقوة البى واى دى زيرو وده رايى الشخصى .