كلمتين في السريع ( ممكن يفيدوا الناس )

**refaei** · 18-12-2013 01:33 PM

الصبح وانا جاي ع الشغل ركبت تاكسي حظي انه كان byd وده لانها شغلت تفكيري بشدة اني عايز اشتريها اتوماتيك زيرو .. ما علينا المهم سالت سواق التاكسي هو تقريبا من 45 الى 48 سنة مش صغير يعني .. بقوله ايه اخبار العربية معاك قالي والله يا بيه دي عربية قلبت دماغنا انا واصحابي بقوله ازاي ، قالي كنا متوقعين انها تعبانة وصيني بس خلفت كل التوقعات .. دي عربية ممتازة .. ليها معايا 3 سنين وبالغاز الطبيعي ..وكل اللي عملته اني بغير الحاجات العادية تيل وزيت وفلاتر واسطوانة وديسك وماشية 100 100 وفي السفر جميلة قالي والله العظيم كنا راكبين فيها 8 اشخاص ودي ولا الهوا..طب ياعمنا ايه رايك ف التوكيل اتعاملت معاه قبل كدة قاللي والله العربية اتبهدلت بعد ما سبنا التوكيل ..ايو يعني حلو ولا وحش قاللي والله مش كل الفروع في كدة وفي كدة بس هما بيعملوا كل اللي انت عايزه .. طيب ياعم وسبت التوكيل ليه .. قالي توفير لان الشغل مريح والدخل قل فاي حاجة توفر... ايه ده انا وصلت ..نزلني هنا يا عمنا اتفضل ..خلي ..تسلم ...سلام ...سلام....انا حبيت اقول الكلام اللي حصل والله ومش عارف ليه بس وحياة ابني جاسر اللي لسه عنده 4 شهور ان انا مش منحاز لاي حد ولا معايا العربية بس بجد بفكر اجيبها قوي لاني معايا عربية تانية كوري مشهورة قوي بس زهقت منها.والسلام عليكم ورحمة الله وبركاته ..محدثكم من المهندسين اخوكم رفاعي

**مهند-النجار** · 18-12-2013 01:37 PM

كلام جميل جدا
تعليق صغير اللي عايزه سواق تاكيس من عربيته غير اللي عايزه بتاع الملاكي
اهم حاجة عنده ان العربية تمشي
انت بقي بتفرق معاك اقل الرفاهيات
قصدي وصل؟

طبعا الب واي دي اثبتت نفسها ف السوق براي ملاكها انا شخصيا عمري محطيت رجلي ف واحدة

**hugan** · 18-12-2013 01:40 PM

غلبنا نقول الكلام ده في المنتدي عن العربيات الصيني
مش كل الصيني
التجميع المحلي
من خبره 6 سنوات امتلاكها
عربيات قويه جدا وافضل من عربيات كتير اغلي منها في السعر
تلاقي النغمه المحفوظه والكل بيردد بدون وعي او فهم
اوروبي ياباني كوري صيني

**saddam** · 18-12-2013 03:30 PM

صديقي المواطن
مشكلتك حضرتك جاي متأخر بعد 3 سنين وأكثر العربية من أول 3 شهور عرفنا إنها عربية محترمة في كل حاجة بإستثناء ضعف في التصميم الخارجي فقير شوية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**احمدعبدة** · 18-12-2013 04:48 PM

جد سيعرف اجيبة تاكسى بالقسط منين

جوجزاكم الله كل خير

**refaei** · 18-12-2013 04:50 PM

المشاركة الأصلية كتبت بواسطة hugan

غلبنا نقول الكلام ده في المنتدي عن العربيات الصيني
مش كل الصيني
التجميع المحلي
من خبره 6 سنوات امتلاكها
عربيات قويه جدا وافضل من عربيات كتير اغلي منها في السعر
تلاقي النغمه المحفوظه والكل بيردد بدون وعي او فهم
اوروبي ياباني كوري صيني

والله يا استاذي الفاضل انا شايف ان الصيني قادم بشدة وهياكل الكوري لانها بتسبت كفاءة كل يوم بالاضافة الى الكماليات الكتيرة اللى مش موجودة في عربيات كتييييييييييييييييييييييي يير

**refaei** · 18-12-2013 04:52 PM

المشاركة الأصلية كتبت بواسطة saddam

صديقي المواطن
مشكلتك حضرتك جاي متأخر بعد 3 سنين وأكثر العربية من أول 3 شهور عرفنا إنها عربية محترمة في كل حاجة بإستثناء ضعف في التصميم الخارجي فقير شوية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اولا انا نفسي اتعرف عليك لان مفيش موضوع ف اي نوع عربية انت مش موجود فيه
ثانيا انا متاخر لاني مفكرتش فيها غير دلوقتي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر

**shaaban2008** · 19-12-2013 08:58 PM

ال byd عربية محترمة علي قد سعرها
ربنا يبارك لملاكها

**AAAH** · 21-12-2013 11:17 PM

وحياة ابني جاسر اللي لسه عنده 4 شهور

ربنا يخليهولك يارب ويباركلك فيه
بس بلاش الحلفان ده عشان منهى عن الحلف بغير الله :)

الموضوع: كلمتين في السريع ( ممكن يفيدوا الناس )

LinkBack

أدوات الموضوع

عرض

-

-

-

-

المواضيع المتشابهه

فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

لكل الناس اللي مأمنين علي عربياتهم....ممكن المساعدة ؟؟

ممكن الناس كلها تشاركنى رأيها ؟؟؟

ارجو الرد السريع لانى ممكن اشترى النهارده

ممكن الرد السريع

الكلمات الدلالية لهذا الموضوع

المفضلات

المفضلات

ضوابط المشاركة