اهلا بيك يا صديقى
بالنسبة للنقط اللى حضرتك ذكرتها
اولا بالنسبة للسحب فالاتنين نفس الموتور مع قوة حصانية اكبر بالنسبة للسبورتاج 140 حصان مقابل 135 حصان لل ix35 "انا مسوقتش ال Ix35 بس ركبتها فى المعرض" وانا برده لسه مقرصتش على الموتور علشان التليين بس بمجرد اما ادوس بنزين العربية بتجرى فاعتقد ان سحبها كويس جدا
ثانيا بالنسبة لى شايف ان الجنط ال 16 شكله حلو على السبورتاج و عملى اكتر من ال17 من حيث التعامل مع الحفر و اقل عرضة للبلالاين
بالنسبة للتقفيل اعتقد الاتنين زى بعض مش فارقة كتير بس جودة الخامات زى التابلوه و الابواب و الكونسول الوسطى بالنسبة لى شايف انها فى صالح السبورتاج عن الفئة التانية كمان فى ال ix35
و بالنسبة للفرش الجلد و طارة الدركسيون ممكن يتعملوا عادى عند اى حد كويس بتاع فرش و انا اصلا مش بحب النواكل
بس فعلا ينقص السبورتاج الفئة الاولى مرايات ضم و تبقى حكاية
وبالنسبة للارتفاع فالسبورتاج ارتفاعها 17.3 سم و ال ix 35 ارتفاعها 17 سم الفرق يكاد يكون متقارب بس السبورتاج اعلى بفرق بسيط
بالنسبة للقاعدة تقريبا نفس العلو و كاشفين الطريق كويس بس يمكن القوايم الامامية جاية بزاوية حادة شوية حاجبة الى حد ما الرؤية يمين او شمال بمقدار بسيط بس بعد كدة بتتعود عليها و بتبقى عادية
اخيرا بالنسبة لغبور و توكيل كيا "اغلب الاصدقاء فى المنتدى بيشتكوا من غبور بس انا مجربتوش جربت بس مركز خدمة لكيا فى بورسعيد ومكنش اد كدة بصراحة
المفضلات