F18 و f23

**بيشوى_رمزى** · 25-12-2013 05:09 PM

السلام عليكم يا اجدع منتدى
سؤال ال x20 يركب عليها فتيس f 18 عادى ولا لازم ال f23 و طقم الدبرياج اللى يركب b1 ولا b2 ??????????

**Hesham.H** · 25-12-2013 05:51 PM

طاقم دبرياج f18 مختلف عن طاقم f23 ... فتيس البى ٢ هو f23 والبى ١ بينزل فيها فتيس f16 تقريبا والله أعلم ... ال f18 ده بيبقى فى العربيات الاستيراد على حد علمى
تحياتى

**بيشوى_رمزى** · 25-12-2013 07:04 PM

طيب لو هسقط x20 على فتيس 1.6ل اسود الفتيس عادى يعمى الماكينة متتفوتش بصراحة

**m7nsh** · 25-12-2013 07:21 PM

والله سؤال وجيه اوى .. هل فعلا ينفع ؟

وال x20 دا الكامه الواحده ولا الاتنين ؟

**بيشوى_رمزى** · 25-12-2013 07:55 PM

محمد باشا عامل اية ؟
اتنين كامة ايكوتك و عاملة كام وعشرين الف كيلو, وارد اليابان ضفيرة يمين بس عادى بتتعدل بس مش عايز اغير الفتيس بتاعى الماكينة على نص و الراجل بيقولى كاملة بالضفيرة و الكنترول بس متباع منها طلمبة باور

**Hesham.H** · 25-12-2013 11:24 PM

المشاركة الأصلية كتبت بواسطة dice

محمد باشا عامل اية ؟
اتنين كامة ايكوتك و عاملة كام وعشرين الف كيلو, وارد اليابان ضفيرة يمين بس عادى بتتعدل بس مش عايز اغير الفتيس بتاعى الماكينة على نص و الراجل بيقولى كاملة بالضفيرة و الكنترول بس متباع منها طلمبة باور

عنوان الراجل ده فين ؟؟ انا عاوز نص نضيف اخد منه مكنه ايكوتيك ٢٠٠٠ سى سى وفتيس اتوماتيك والضفيره ... ممكن يعملوا كام ؟؟ بعد إذن صاحب الموضوع

**بيشوى_رمزى** · 26-12-2013 12:39 PM

المشاركة الأصلية كتبت بواسطة Hesham.H

عنوان الراجل ده فين ؟؟ انا عاوز نص نضيف اخد منه مكنه ايكوتيك ٢٠٠٠ سى سى وفتيس اتوماتيك والضفيره ... ممكن يعملوا كام ؟؟ بعد إذن صاحب الموضوع

الراجل ده فى حلوان محل فى اخر شارع رايل قدام جمعية السيدة نفيسة (الراجل اسمة سامح و مش عارف اقول اسم المحل و لا لا؟) عندة وارد اليابان و انجلترا شغلة نضيف و سعرة اعتقد كويس
بص هو وارد اليابان طالب فى الماكينة و الفتيس بالضفيرة 7000 بس لسة مكلمتوش تانى و عندة ماكينة sfi بس من غير ضفيرة و لا كنترول فانا قالقت اخدها منه و اتوه فى حاجتها و هو طلع امين و قالى حاجتها مش موجودة كتير

**MaaM** · 26-12-2013 12:58 PM

دا شغال في الانصاص بس ولا بتاع كله
وقول على اسم المحل عادي ، انت ماخدتش بالك من الموضوع المثبت بتاع دليل محلات قطع الغيار ؟

**بيشوى_رمزى** · 26-12-2013 01:42 PM

محمود باشا ازىك؟
المحل اسمة المتحدة و شغال انصاص و بتاع كلة ( مواتير شورت بلوك عفشة يعنى عندة حاجتها) :)

هتمسك الاوتوستراد طريق حلوان هتدخل من طريق النصر للسيارات ( بعد البنزينة بتاعت الوظنية اللى عند المعصرة تمسك يمين و تدخل البطئ هتمشى شوية هتلاقى محطة مترو وادى حوف على يمينك هتكمل و هتلاقى متطلع هتطلع و انت ماسك شمال هتلف شمال و تعدى شريط القطار و تمشى شوية هتلاقى جامعة حلوان على يمينك هتكمل عادى و الطريق يتقسم اتنين 1.على طول و2. يمين هتدخل الملف يمين و تمشى على طول هتلاقى الجمعية بتاعت السيدة نفيسة على يمينك انتظارك الحلو بقى و على اليمين و الهنداية الحلوة و تبص شمال هتلاقى المحل و البضاعة فى المخزن خلصت و تمام هتمشى شارع رايل لاخرة على شمال محل قطع غيار ملاكى كورى و يابانى و المانى هتلاقى العبد لله واقف مستنيك علشان نشرب الشاى :)