الموضوع: بدائل قطع الغيار

المشاركة الأصلية كتبت بواسطة hossamelsabey

فى كام سؤال كده على السريع لان قطع غيار الاوبل مش متوفرة بكثرة هنا فى الصعيد

1- هل ينفع اركب ماستر فرامل عمومى بديل لبتاع الفيكترا 99 1600 بحاجة تانية يعنى مثلا دايو او تويوتا ؟؟ ولو ما ينفعش طيب الجلد بتاع الماستر ايه المقابل له فى باقى العربيات ؟؟؟
من حيث انه ينفع فهو ينفع طبعا بس هتغير الماستر العمومي بالسيرفو (طقم واحد)وترجع تضبط مشوار الدواسه من خلال خلوص السيرفو داخل الكابينه
لو جبت ماستر بس مش هيركب علي السيرفو بتاعك (القاعده مختلفه وكمان طول البستم)
كل ده ماتكلمناش عن قوه الفرامل اللي هتقل كتير طبعا .وبرده هتبقي صرفت فلوس كتير
انصحك هات الماستر بتاعها (اللي عندك الماستر الكبير ب400ج استيراد)

2- الماستر بتاع العجل اللى ورا اللى هو فرامل قبقاب مش سكينة هل له بديل برضو او ممكن اركب عليه طقم اصلاح او جلد بتاع عربية تانية ؟؟؟
الجلد بيركب بالمقاس يعني هتفك القديم وتجيب نفس المقاس والافضل انك تشتريه استيراد ماتغامرش في موضوع الفرامل بالذات لا بالتعديل ولا بالاصلاح . غير علطول.

3- عندى الجلدة بتاعت الكوبلن اللى من جوه مش اللى من بره مقطوعة فايه التصرف الصح اللى اعمله .. ولو هغير الجلدة اغيرها بايه لو ما لقيتش بتاعت الفيكترا ؟؟؟

دي سهله هتغيرها بجلده اي عربيه بس تكون نفس المقاس وتكون الجلده طريه مش ناشفه علشان تستحمل

4- هو ينفع انى احط شحم للبلى بتاع العجل اللى قدام ؟؟ لانه الفرامل عندى قفشت على الطنابير قدام وكانت بتخليها تسخن وخايف انه ده يكون أثر على البلى فكنت بفكر انى افك البليتين واشحمهم واركبهم تانى .. ولا اركب اتنين جداد ؟؟ ولو هركب جداد اركب بتوع ايه او ايه مقاساتهم ؟؟؟

البلي مش بيتشحم ولا بيتزيت , لما يبوظ يتغير وبعدين البلي جوه صره العجل مش بيبان

خشونه + صوت ونه علي السرعات = بلي
احسن نوع بلي ايطالي اسمه (كرومو) ب110ج الواحده
يركب في الصره بدون دق , يركب علي مكبس هيدروليك
والا هيبوظ قبل ماتمشي بيه