الموضوع: لتدارك العيوب بإقل تكاليف (مهم جدا فيد واستفيد)

السلام عليكم
اولا انا ميجناوي (ميجان 2 h/b)
العربيه اخدت العين الحمد لله
وحصل كالاتي
1- check gear box
2- check injction
3- كوبلن يمين داخلي ( بيرزع لما بجيب R هبده كبيره )
4- اولسيهات (كرنك - كامه) + جوان الكرتيره ...(تسريب زيت عكفيك ممكن لتر ونص ف اليوم )
5- سبيكه (رنه ف الموتور)
6-الميه كنت احطها ف القربه الاقيها عندي ف دواسات الصالون
7- نور العربيه كله كان بيهيس
8- علبة البيئه

وتم التعامل كالاتي

1-check gear box

2 سولنيد فالف من رينو هوم بشبرا عملين 1000ج
تغيير فلتر الفتيس ... استيراد 350 ج
تظبيط كلتشات الفتيس وغسله بالكامل من الداخل ... تبع اجرة الصنايعي
تغيير عدد 7 لتر زيت فتيس ... ليه كم اسم منهم (الزيت الابيض) او (زيت كهرباء ) او (زيت البيجو والستروين ) وهو تخليقي بالكامل بتحمل 100 الف كيلو .... سعر الليتر 110 ج
اجرة الصنايعي 300 ج عند وليد البوشي الي ف شارع فيصل _ الطوابق _ الصفا والمروه
والفتيس الحمد لله بجد تمام اوي

2 - check injction
كنت بالصدفه ف م السلام فدخلت الحرفيين لميكانيكي عادي ليس بمتخصص رينو ولا مشهور ... قالي ده عيب ترمبة البنزين .. اسال ع البوش (الاصلي ) 350 ج والاستيراد كمله بالعوامه عند عصام بشطر .. 2000 ج ....... المهم انا حسيت ان انا بيتعمل عليا نمره واخدتها ومشيت عليها لحد الزقازيق ... وف الزقازيق روحت لمكيناكي حبيبي اوي قلتله الحوار 1.2.3 قالي روح هتلي قلب ترمبه صيني الي ف العلبه الزرقاء ..قلتله هينفع قالي هتها ومش ليك دعوه ... جبتها ب 90 ج و ووفق الترمبه عليها وبسم الله ماشاء الله الرساله اختفت وحاسس ان انا راكب فيراري !!!! الميكانيكي ... محمد العرباوي الي ف ضهر مدرسة جمال عبد الناصر الثانويه بنات ..ف الزقازيق

3- كوبلن يمين داخلي ( بيرزع لما بجيب R هبده كبيره )
وانا ف م نصر سمعت صوت طقة الكوبلن و ورجه غير طبيعيه ع 50 km غربااال
طلعت ع جمال القاضي قالي الكوبلن موجود وعامل 1300 بتركيبه ... قلتله مش ينفع الجزء الي باظ بس قالي للاسف لازم ع بعضه علشان انا مش اخسره ...قلتله شكرا
وولاد الحلال دلوني ع واحد اسمه يحيى ف[صقر قريش المعادي بتاع كبالن بس وتم تغير الجزؤ التالف بتركيبه ب 400 ج !!

4 -اولسيهات (كرنك - كامه) + جوان الكرتيره ...(تسريب زيت عكفيك ممكن لتر ونص ف اليوم )
ود انا محتاج فعلا مسعدتكم فيها لانها مازالت مشكله قائمه !!!!
ببص على الزيت صبح لقيته ناقص حوالي 2لتر ونص !!!!!!
اخدتها ف الهادي على بتاع الزيت وظبطها ... وطلعت من عنده ع محمد العرباوي الميكانيكي ... وقالي د جابت اولسيهات الكرنك والكامه !! قالي خدها واطلع على صقر قريش وروحت فعلا عند عادل زوايا وعلى الريق بص قالي هتغير وش سلندر كامل بالكماات !!!!! ليه يامشمهندس ده مجرد اولسيهات بتتغير ؟؟! قالي انا ممكن انضفلك واغبرك الاولسيهات واظبطلك الكلام بس هيضربو تاني بسرعه !!! ليه ؟ هو كده !!
الغريب
ان وش السليندر عمل 4500 من غبر المصنعيه
ان الاولسيهات الي جيه ف الوش الاستيراد نص عمر (مستعمله ومش مضمونه)
ان رينو هوم عندها الاولسيهات جديده واصليه (لو مش ليهم لزمه زي ماعادل قال كانت رينو مش صنعتهم اصلا ولا ايه ؟؟؟؟!!!
المهم انا مش عارف اعمل ايه اغير الوش ولا الاولسيهات ف حين ان الاولسيهات جديده و اصلي بمصنعيتهم لا تتجاوز 1000 ج
اعمل ايه وعند مين ف الحرفيين ؟

5-سبيكه (رنه ف الموتور)
الرجاء مساعدتكم ف د
سمعت صوت غريب كده ف المكنه وعرفت انه السبيكه روحت لميكانيكية الزقازيق كلهم يقولولي
(عايزه شورت بلوك يابيه لان مكنة الميجن مش ببتعمر د المونيا )!!!!!!!!!!!!
اسال على الشورت بلوك (7500) !!!!!!!!!!!!!!!!!!!!!!!!
ف ميكانيكي ابن حلال قالي اطلع ع الحرفيين عمر مكنتها لان مفيش حاجه اسمها مكنه مش بتتعمر او هات طقم سبيكه بالكرنك استيراد !!
انا مش عارف بجد برده اعمل ايه
هل اجيب الشورت بلوك ؟ وياترى اخر سعر ليه كم و اجيبه منين و مين يسقطها ؟
ولا اجيب طقم سبيكه بالكرنك استيراد ... وياترى تمنهم كم ومن مين ؟ ومين بيعملها ف الحرفيين؟
ولا ف حد ف الحرفيين بيعمر ؟ وممكن تكلف كم ؟

6-الميه كنت احطها ف القربه الاقيها عندي ف دواسات الصالون
عيب التلاجه
سالت عليها ابوعدي ف صقر قريش المعادي (احزر منه) استيراد قالي 800 ج
روحت لمحمد العرباوي الي بينقذني قالي هلغيها والمشكله هتروح لحلها
قلتله انا مش فاهم
قالي هلغي السخن .. انت محتاج الدفايه قلتله لا .. قالي خلاص واديته 20 ج هههه

7- نور العربيه كله كان بيهيس
روحت من واحد الي قالي فيوزات والي قالي هنعمل كتاوت
طلع ف الاخر فيشة النور الي واصبه ف علبة الفيوزات ولونها ابيض
نضفتها باسبراي و كله ظبط

8- علبة البيئه
احلى اكل عيش ونصب
اوعى تعمل شغل شكمان عند حد وتسيب العربيه وتمشي لانهم كسرولي الفحم الابيض وخدوه هههههه مغفل انا هههههه
المهم روحت اجيب غبرها ف صقر قريش المعادي سمعت 1200 و 1400 ز 1000 من غير التركيب للجميع
ربنا رزقني بحتة صاحب محل شكمنات عند الجوزات اسمه تربو كشفلي نصبيه كانت بتم عليا من ناس هناك وجبهالي ب 850 واخد 50 ج تركبيها والعلبه الحمد لله زي الساعه

المشاركة الأصلية كتبت بواسطة تامر.محمد

كمية اعطال و كلها اعطال تقيلة اصلا :)

الاخ صاحب الموضوع غلط انه ما كشفش في التوكيل

فعلا معاك حق
بس للعلم
ناس كتير كشفو ف التوكيلات وبرده لبسو
تجار العربيات دايما يقولو (د بطيخه مقفوله)