الموضوع: تعليق علي موضوع العيوب

استاذى الفاضل اشكرك جزيلا لقد ارحت قلبي من ناحية الأسبرانزا ..
واؤيد كلامك بكلام سمعته على قناة gear one الأمارتية منذ ما يقرب من شهرين عن السيارة BMW ان بها مشاكل في التصنيع والحكومة الأمارتية تطلب من الوكيل بسحب جميع السيارات من السوق لأصلاح هذا العيب ...
انا لا اتذكر نوعية العيب لكن فكرة ان الحكومة الأمارتية هى من تطلب من الوكيل بسحب سيارته التى لا تتعدى 100 سيارة على حسب ما اذكر ولم تأتي من الوكيل فهذا يثبت ان وكيل اسبرانزا هو وكيل محترم اعترف بمشاكله وبدأ فى اصلاح عيوبه...
نعم يوجد مشاكل بالسيارة ليست عند كل من امتلك السيارة لكن يوجد مشاكل وعلى ما أعتقد أنه بمرور الوقت سيتم تلافي كل الأخطاء ...
على فكرة انا لست من مالكى السيارة ولكني اتمنى الآن قبل اى وقت مضى ان اكون ضمن رابطة الأسبرانزوية ...
وشكراً جزيلاً...
وآسف على الأطالة ...

اللي عاجبني في الموضوع ان أبوافتوح عمل زي وكاله المرسيدس بدأ يستدعي كل العربيانت علشان يغير عيب الدريكسيون ودلوقتي بيستدعي كل العربيات علشان تيل الفرامل يبقى توكيل محترم ولا لأ؟

المشاركة الأصلية كتبت بواسطة asaber

في الاول انا معجب بالاسبرانزا و فعلا نفسي تثبت جدارتها من نحيه الاعتماديه (يعني بفكر لو كانت طلعت قبل ما اشتري هل كنت ممكن اتجرأ و اشتريها...... مش عارف)

نخش في الوضوع و هو مش خاص قوي بالاسبرانزا بس يهم الناس هنا و هو ان المشاكل في كل حته ........ حتي في المرسيدس
الحكايه دي حصلت سنه 2001 في الامارات
مضمون الحكايه
في شهر11-2000 والدي استلم عربيته وكانت مرسيدس سي الشكل الي كان جديد ايامتها (اتغير الشكل في 2007 عالميا)
وفي شهر 6- 2001 كنت روحت في الاجازه وكان والدي في اجازه في مصر و رجعت معاه الامارات
في المطار في جراشات بتتأجر لو انته مسافر و العربيه كانت هناك
واول ما دورناها العربيه اتهزت جامد وبشكل غريب وفضلت تتهز بعد مدارت بعد ما فوقنا من الصدمه والدي طفه العربيه وجرب يشغله تاني
المره دي دارت عادي بس لمه الشيك كانت منوره
وفي نفس الوقت كومبيوتر العربيه بيقول انه no malfunction
اي ان مفيش مشاكل
ومشينا بالعربيه لغايه ما قدرنا نوديها التوكيل وشرحنا الي حصل
ولما رحنا علشان نستلمها طلعلنا مهندس الماني(وخدلي بالك من الماني دي)
وقال ان احنا دورنا ومفيش حاجه و بكده اللمبه ممكن تكون منوره علشان نسبه التلوث الخارجه من العادم ممكن تكون زياده والجهاز بتاع حمايه البيئه دا هوا اللي خلي اللمبه تنور و احنا شلنا صفرنا رسايل الانظار
وعلي فكره اللمبه نورت تاني بعد اسبوع وشلوها برده
المهم في شهر 1-2001 في يوم خميس الساعه 5 بعد الظهر
والدي كان مسافر في طريق سريع و رايح اوظبي وفجأه وهو ماشي لقي السرعه بتنزل و العربيه مبطله ومبتدورش وركن علي جنب فتح الكبوت وطبعا مفيش حاجه تتعمل لانك مش شايف حاجه اساسا( علي فكره قبلها كان عندنا عربيه مازدا 929 موديل 90 وفضلت شغاله10 سنين زي الفول وكانها جديده لغايت ما اتقلبنا بيها في 3- 2000 وكانت ماشيه 260 الف)
اتصل بالشرطه وادولو نمره ونش جه يشيل العربيه لحد الوكاله الي كانت قافله ويوم الجمعه اجازه بس عندهم نظام للطوارئ بتركن العربيه في الباركنج و في فورمه بتملاها وبتحط المفتاح والفورما في ظرف و بتحطه من فتحه كده بيتزحلق جوه عندهم فلما ييجوا يلاقوا العربيه و المفتاح وانا طبعا كاتبلهم الي حصل وهما يشوفوا
المهم يوم الاحد اتصلوا وقالوا ان المشكله من طلمه البنزين و انهم هيغيروها...... يعني مش عوادم و محفز وبيئه والكلام ده
موضوع الطلمه دي طلعت مشكله عامه وهمه غيروها بعد كده لكل الناس
طبعا تجربه قاسيه جدا وخصوصا لما تكون العربيه جديده كده و متشاله علي ونش........
الخلاصه
1- العربيات بيحصل فيها مشاكل بسبب التصنيع و احيانا بتكون عيب شائع في الموديل
2- العربيه لما بتكون موديل جديد الوكلاء مبتكونش عندهم خبره بمشاكلها الي بتتكون عندهم بالوقت بيبتدوا يربوطوا بين المشكله و الاعراض

معلش هو في شويت لخبطه في التواريخ
بدايه المشكله ------------- 1-2001

العربيه وقفت تماما في الطريق---------- 3-2001

العربيه المازدا قضت نحبها----------------- 7-2000

واهم حاجه غير العيوب عيزكم تخدوا بلكوا منها هي السشخيص الخاطئ للمشكله ولي سببه ان العربيه لسه جديده

شكرا على الموضوع المتميز ده.
وفعلا لازم الناس تعرف ان مش الاسبيرانزا فقط اللي فيها عيوب او كان فيها عيوب... لأ في عريبات كتير كانت كده والحمد لله ابو الفتوح اثبت انه من احسن التوكيلات في مصر