الموضوع: تحذير من سخانات يونفيرسال غاز

شكرا يارجالة على التوضيح والتنبيه

افضل سخان فى مصر
هو سخان المصانع الحربية
طراز س8 اوطراز س10
انا عندى س8 شغال زى الفل والحمد لله اكتر من 15 سنة
عملى جدا يمكنك من التحكم بسهولة فى درجة حرارة الماء حتى درجة الغليان
بسيط فى مكوناته وهى المانية الصنع
سهل جدا فى صيانته
لم اغير فيه سوى سنسور فتح صمام الغاز مرة واحدة
وغيرت طبق الابرة اللى بتفتح الغاز عند فتح الماء من نحاس الى بلاستيك وطلعت افضل من الاصلية
وده افضل حتى لاتتاثر جلدة او كاوتشة رداخ ابرة الغاز اللى بتفتح الغاز عند فتح الماء
لانه تتاثر بحرارة المياه العاليهوتتخرم بفعل الحرارة الشديدة
افضل نوع لكاوتشة الرداخ هى التركية اى المصنوعة فى تركيا فهى قوية التحمل وطويلة العمر
وغير كده لامشاكل بتاتا
وعلى فكرة انا اللى عملت كل اعمال الصيانة دى بنفسى لان السخان سهل وبسيط فى مكوناته
وانصح الجميع باستخدامه وسيبك من السخانات الحديثة الديجتال ورغم انها مصرية الصنع الا انها
لاتقارن فى جودتها وكفائتها بسخان المصانع الحربية
لازم تعمل فتحة تهوية اسفل او قرب السخان لتجديد الهواء بالحمام
لازم تعمل ماسورة لتصريف العادم من فوهة عادم السخان لخارج الحمام
لان للاسف اخى الاصغر ركب بشقته سخان 5لتر موش فاكر يونيفرسال والا تكنوجاز ومذكور بالكتالوج انه لاضرورة لتركيب ماسورة لصرف العادم وانا نصحته يركبها ولكنه كسل لانه مقتنع بما جاء بالكتالوج من تعليمات وفى احدى المرات فى الشتاء تعرض اخى للاختناق من كثرة بخار الماء مع قلة الاكسجين نتيجة احتراقه بواسطة السخان مع وجود العادم بالحمام واغمى عليه بالحمام وتم اكتشاف الامر بالصدفة وتم انقاذه فى اخر لحظة وانكتب له عمر جديد بفضل الله
وكمان انا مركب شفاط حمام صغير قطر 15 سم
والسخان راكب بداخل الحمام رغم ان مساحته 120*ا180سم ولكن شروط التهوية وتصريف العادم جيدة وطبعا تم كل ذه تحت اشراف شركة الغاز الطبيعى
بصراحة سخان الغاز نعمه من الله وهو افضل من سخان الكهرباء مليوة مرة
والحمد لله تعالى على نعمه وفضله