الموضوع: التوكيل اتصل ! حجز 301

الف مبروك ربنا يديك خيرها و يكفيك شرها و تستلم على خير

المشاركة الأصلية كتبت بواسطة maxx

يوم الاربع التوكيل اتصل بيا علشان نعمل ال application بتاع القرض ... روحتله يوم الخميس بعد الشغل و منه عرفت ان المركب هتدخل على يوم الاتنين و المفروض اني هستلم من الدفعة دي ... يعني قول محتاج اسبوع او 10 ايام علشان العربية تخلص من الميناء و توصل التوكيل.

يعني المفروض استلم ما بين يوم 10 ليوم 15 ... و هو بيقول انه كده مأمن نفسه بكام يوم علشان ما يبقاش اتأخر عليا.

بالمناسبة و انا هناك جربت احط الموبيل فى درج الباب ... مش حاسس انه مشكلة كبيرة ... عادي يعني . و بعدين العربية فيها blue tooth و ده هيقلل اننا نحتاج نمسك الموبيل نفسه.

ربنا يكملها بالخير و الكل يستلم على خير :)

الف مبروك ياباشا وانشاء الله تستلم على خير
بس انا عندى استفسار بسيط هو حضرتك حتدفع كاش ولا تقسيط وازاى قرض وتتعامل مع التوكيل
علشان انا لماكلمتهم قالولى مبنتعاملش مع اى بنك وكله كاش

أولا مبروك و عقبال ما تستلم علي خير إن شاء الله و ربنا يبشرك بالخير بس انت حاجز إمتي يا باشا و من أي فرع كتير منتظرين ردك و عقبالنا

الله يبارك فيكم و يتمها علينا كلنا بالخير ...

انا حاجز من يوم 29/10 فرع المعادي ... بحسب ما قريت على المنتدي هنا مش فاكر في انهي موضوع ان كل فرع ليه كمية معينة و اعتقد ان فرع المعادي مفيش عليه ضغط مقارنة بصلاح سلام الفرع الرئيسي و فرع وادي النيل (المهندسين).


بالنسبة لموضوع القرض ... التوكيل بيجيله مندوب من بنك المشرق و بيسلمهم ال Application و انا بروح املاها و هما بيدوهاله.... اعتقد ان ليهم نسبة او حاجة من البنك لأن البنك ده كان Recommendation منهم.

الفروق فى سعر الفايدة مش كبيرة و طلعت ولا نزلت فروق الكسور بيفرق ممكن 20 جنيه ولا حاجة فى القسط ... يعني محصلة بعضها.