استفسارات لخبراء الجين تو

**El-Mans** · 27-12-2013 07:31 PM

السلام عليكم

بعد اذنكو يا رجاله ، انا ملقتش احسن منكوا يفيدني في كام استفسار كده بخصوص العربية ، العربية لسه 2013 و عامله 10.000 كم

مبدأيا .. الريموت
الريموت كده كده مش بيقرا من بعيد ، و ده انا سألت فيه اكتر من واحد في ابو رواش لما كنت في الصيانه
المشكله عندي انه بيعلق كتير ، يعني اوقات مش بيفتح الا لما افضل دايس ع الزرار دقيقه مثلا و نفس الكلام في القفل . غيرتله الحجارة و مجابتش نتيجة برضه !! دي حلها ايه !!

مشكلة المقابض و الاوكر بتاعة الابواب جوه و بره ، و قولتلهم كذا مره ف الصيانه بيزيتوا المقابض و يقولي اتحلت ، بتتحل جزئيا و بعدها بترجع تاني
لما سألت ، ناس دلوني على واحد عندنا بيظبط الابواب بتاعة الجين تو عن تجربة ، رحتله و سألته بيعمل ايه بيفك الابواب و الكاوتش بتاع الابواب و يظبطهم و لو في مشاكل في المقابض و الاوكر بيفتح الابواب و بيظبطها .. الناس مجرباه و بيقولوا عليه كويس .. بس انا مستحرم اعمل فيها حاجه دلوقتي و هي مابقالهاش كام شهر معايا !!

و شكرا مقدما للردود :)

**tornado_5m** · 09-01-2014 09:12 PM

ان شاء الله المشاكل الي عندك تتتحل وقولهم عليها في التوكيل تاني بس ممكن تقولي على مكان الراجل بتاع تزبيط الابواب ده
وشكرا

**RedBull_30** · 10-01-2014 10:38 AM

بعد ما تفتح اي باب عربية هتلاقي في الجنب قفل الباب اللي بيمسك في حلقة القايم .. هو ده بس اللي بيتحطله زيت ومن غير ما يفك اي جزأ من الباب , و ده حصل معايا قبل ما ابيع العربية بشهرين تقريبا وكان واحد مخصص لتصليح الابواب في 6 اكتوبر وكان عنده خبرة واضحه بمشاكل ابواب والاكر بتاعت الجين 2 ..

**Al-Farooq** · 10-01-2014 10:41 AM

العربية عندى لما كانت زيرو كانت بتعمل كدة بردو بخصوص الريموت
كنت بدوس علي الزرار اكثر من مرة علشان يفتح وكان بيفتح بعد مرتين ثلاثة"مكنتش بعلق ايدي دقيقة"
بعد شهرين ثلاثة مبقتش تعمل كدة .

بخصوص الابواب - الباب الخلفي شمال بيحتاج يتقفل بشدة شوية خلاف باقي الابواب.

**Al-Farooq** · 10-01-2014 10:42 AM

المشاركة الأصلية كتبت بواسطة redbull_30

وكان واحد مخصص لتصليح الابواب في 6 اكتوبر وكان عنده خبرة واضحه بمشاكل ابواب والاكر بتاعت الجين 2 ..

مكانه فين في اكتوبر ياباشا ؟

**uniform** · 11-02-2014 04:01 AM

المشاركة الأصلية كتبت بواسطة Al-Farooq

مكانه فين في اكتوبر ياباشا ؟

متابع

**RedBull_30** · 14-02-2014 05:10 PM

عفوا يا حضرات انا مكنتش متابع الموضوع من وقتها .
قدام قسم الحي السابع فيه مدرسة .. المدرسة بجوارها ساحة انتظار سيارات كبيرة .. هتلاقي المحل هناك .

**El-Mans** · 14-03-2014 07:57 PM

المشاركة الأصلية كتبت بواسطة tornado_5m

ان شاء الله المشاكل الي عندك تتتحل وقولهم عليها في التوكيل تاني بس ممكن تقولي على مكان الراجل بتاع تزبيط الابواب ده
وشكرا

اسف يا باشا ع التأخير في الرد .. بس الراجل ده ف دمياط عندنا
معرفش حد في القاهرة والله ، لو هتنزل دمياط ف اي وقت قوللي وانا هوديك ليه

**El-Mans** · 14-03-2014 08:05 PM

المشاركة الأصلية كتبت بواسطة al-farooq

العربية عندى لما كانت زيرو كانت بتعمل كدة بردو بخصوص الريموت
كنت بدوس علي الزرار اكثر من مرة علشان يفتح وكان بيفتح بعد مرتين ثلاثة"مكنتش بعلق ايدي دقيقة"
بعد شهرين ثلاثة مبقتش تعمل كدة .

بخصوص الابواب - الباب الخلفي شمال بيحتاج يتقفل بشدة شوية خلاف باقي الابواب.

تمام .. كلامك مظبوط بخصوص الباب اللي ورا شمال ده هو اكتر واحد باين فيه المشكلة
بخصوص الريموت ، العربية داخله على سنه معايا و لسه لحد دلوقتي نفس الموضوع .