الموضوع: وير غيار فتيس إتوماتيك

فى انتظار اساتذة المنتدى :)

امسك الواير القديم فى ايدك وقارنه بالواير المصرى اللى بتقول عليه ... لو لقيته قريب منه وخامته كويسه ركبه
وطالما كده كده مافيش غيره يبقى مجبر أخاك لا بطل وتوكل على الله

طنااااانى باشا ... نرجو العلم والافاده يا كبير
فاااااااادى يا كبيرررر ... ألحقنا يا كبيرررررر

اخر تحديث للاسعااااااار المصرية ميدان لبنان 275 ... حتى هنا يزود ... بدأنا 175 ووصلنا ل 275 اه يا بلد الوجود فيكى اساسا جريمة يعاقب عليها القانون

الف مليون شكر يا طناااانى باشا وربنا يديم الود والمعروف .... الميكانيكى معرفش يفك عصاية الفتيس الصراحة هوه ما حاولش يفنن ويخترع .. جه ف بالى طنانى باشا وكلمته والراجل بصراحة قمة فى الادب والذوق خلى حد من الاسطوات إللى عنده كلم الميكانيكى ويفهمه إزاى يفك العصاية ربنا يخليك لنا يا كبيرررر الاوبلية ... ويكتب لنا إنى اشوفك وازوك قريب لولا المشوار بعيد انا ف ال 10 من رمضان بس لو جه ليه مشوار قريب منك لازم حتى اجى اسلم ع حضرتك شخصيا ... للمرة المليون الف مليون شكر ليك :)

السلام عليكم يا اهل إوبل
الحمدلله غيرت الوير بفضل الله ثم الكبير طنااانى لان تغيره كان عمليه جراحية وربنا يبارك لنا فيه كلمته لما الميكانيكى تاه منى لان الفتيس غريب شويه او قدبم ... ما علينا الوير شغال تمام الحمدلله والخبط إللى كان بيحصل لما اجيب الفتيس ع ال p إختفى وتأخير الغيار من r ل n تمااام الحمدلله برضه إختفى بس ف حاجة انا ملاحظها مش عارف سببها الا وهى ...
ف نقل الغيار من الاول للتانى ف نتشه ف الغيار وبرضه من التانى للتالت وبعد كده مفيش ده ممكن يكون عيب إيه ... زيت الفتس تمااام والقواعد تمااام والميكانيكى عمل رجلاش للسليكتور زى ما طناانى باشا قال بس مش عارف النتشه ف الغيار دى إيه
حاجة كمان لاحظتها لما كنت بوصل لسرعه 120 او 130 كان ال rpm ع 2200 او 2400 لفه دلوقتى بقه ع 3000 ده بسبب الوير ولا بسبب إنى غيرت الكاوتش للنوع المكتوب ف الكتالوج 14" 60-195 حاجة كمان ملاحظها الصبح لما بسخن العربيه او اى وقت بلاقى دخان ابيض مزرق بيخرج من الشكمان وبعد لما العربيه تسخن بيختفى ده كده ف عيب ولا إيه .. ع فكرة اتنا كان عندى رعشه جامده لما ادى غيار ودايس فرامل والحمدلله إختفت لما غيرت علبة الشكمان الاخيرة جبتها ابو اليزيد ..

- لما جيت اضبط الزوايا بتاع الزوايا قال ليه عاوز تغير جلب المقصات وتزنق الكوبلين بصواميل لانه بيلؤ الميكانيكى إللى هوه عفشجى برضوا قال ليه مش لازم دلوقتى ومتفتحش ف العفشه شويه كده عليه اعمل زى ما بيقول كده ولا اشتغل ف العفشه بينى وبينكم انا خت الكلمتين وقلت اميين لان العربيه سوتنى ع الجنبين بس انا تعبان وقلقان وخايف لو الموضوع بسيط دلوقتى يقلب بعدين فطالب النصح والارشاد والعطف منكم عليه وتدعولى العربيه تخف عليه شويه والسلام ختااام