مشكلة في هوندا 1992 si

**IslamMoussa** · 28-12-2013 02:26 AM

السلام عليكم...
انا بصراحة بكتب الموضوع ده بعد ما زهقت و جبت اخري....
انا اشتريت من شهر العربية و حاجات كتير غريبة بتحصل.. المشكلة الكبري عندي هي رجرجة في العربية لو واقف و علي ال d و اول ما اتحرك كل حاجة تمام.
ثانيا سحب العربية تقريبا مفيش خالص و صوتها عالي جدا... الميكانيكي قالي ده غلط في التقسيمة بتاعتها و لازم اغير سير الكاتينة و نقسمها من اول و جديد.. الكلام ده معرفش مظبوط و لا لا مع العلم ان العربية قعدت 4 ايام مش راضية تدور و فكينا كل حاجة تقريبا انا و الميكانيكي و الكهربائي لحد ما وصلنا للكامات و اجمعوا ان في مشكله في التقسيمة.
بالنسبة للرجرجة العالية اعتقد ان دي القواعد.. بالنسبة للسحب انا مش عارف مع العلم ان الميكانيكي ده مش متخصص هوندا بس انا عرفت ان في واحد يقال انه كويس اسمه محمد خلف مرور حدائق القبة.
رجاء النصيحة احسن انا تعيت فعلا و الله.. . . اسف جدا علي الاطالة.

**Islam.Chalabi** · 28-12-2013 03:08 AM

موضوع السحب كان عندى نفس المشكله وطلعت من الكاتينه مأخره عندى هنزل انشاء الله اظبطها واشوف الفرق واقولك

**AHMED_HAMDY** · 28-12-2013 03:46 AM

بص هتشتغل مع حد مش متخصص هتباننلك مشاكل اكثر من الي عندك بكثير وهتحسها بعدين

خلاصتك روح لحد كويس سواء جاسم او عصام في الحرفيين فضي نفسك يوم وروح وكل المشاكل دي هيحلوهالك ان شاء الله