هل من الممكن انى اعدل الفرامل الخلفية للكورسا سيدان واخليها اسطوانات

**hammad2010** · 28-12-2013 03:04 AM

هل من الممكن انى اعدل الفرامل الخلفية لاوبل كورسا سيدان 2007 واخليها اسطوانات بدلا من الطنابير الميكانيكى قاللى حنجيب حاجة اسمها دونجل
السوال هنا هل ده بيحسن فعلا من اداء الفرامل
هل ده له اى اضرار وممكن يأثر فى اداء العربية او العفشة بالخصوص
هل من الافضل ان اسيب الفرامل الحالية زى ما هى وبلاش لعب فى العربية
الدونجل ده بيكون سعره فى حدود كام وهل الكورسا اللى بتيجى استيراد بيكون فراملها اسطوانات ولو مفيش هل ينفع اركب بتاعة الاسترا
ارجوة الافادة من الاعضاء الكرام اصحاب الخبرة
وشكرا ليكم وجزاكم الله كل خير

**بيشوى_رمزى** · 28-12-2013 03:29 AM

السلام عليكم
انا اقدر ارد عليك غى موضوع تحسين اداء الفرامل , اكيد بيحسن اداء الفرامل بنسبة كبيرة لان تصميمها بيسمحلها انها تبرد نفسها اول باول و متتشبعش بالحرارة فبالتالى اداء اعلى من القباقيب اللى تصميمها بيحتوى الحرارة و بيخزنها فتلاقى الفرامل مبتمسكش ( الفرملة الكويسه = احتكاك كويس (بيعتمد على خامة التيل و تصميم الطمبورة (قباقيب ولا سكاكين (رياضية , عادية)) + تهوية كويسة( طبعا فى الطنابير السكاكين احسن ( و فى الرياضية منها احسن و احسن) من القباقيب)

**Hesham.H** · 28-12-2013 03:54 AM

طبعا افضل بمراحل ... ومن الواضح ان عربيتك على دونجل مش على مقصات زى عندنا فى الفكترا ... وتغيير الدونجل عادى جدا ومش مشكله لانك بتشيل اللى عندك وتحط واحد زيه بالظبط مجهز بفرامل سكاكين ... لسه عاملينها فى اوكتافيا a4 بتاعه واحد صاحبى وغير الدونجل الخلفى كله والنتيجه روعه
بس اهم حاجه طبعا انك تجيب الدونجل بتاع عربيتك
تحياتى

**m7nsh** · 28-12-2013 05:20 AM

الدونجل دا بيكون للعربيات ال tortion beam بس يا اتش ولا ايه ؟؟ انا مستنى تعملنا موضوع العفشه الخلفيه بصراحه !!

و لصديقنا صاحب الموضوع فطبعا الموضوع احسن و هيفرق معاك بنسبه كبيره طالما هتشيل وتركب .. و ماتنساش تبقى تقولنا عملت ايه و بالتوفيق