تركيب كاسيت للكورسا سيدان

**ahesmat** · 18-08-2012 06:05 PM

سلامو عليكم يا شبيبة و كل سنة و انتم بخير.
دلوقتي انا نفسي اركب كاسيت و طقم سماعات لعربيتي الكورسا سيدان 2004 بس خايف و متردد لأنني سمعت قبل كدة ان تركيب الكاسيت في العربية دي بيلخبطها و بيخليها تعمل حاجات غريبة بعد كدة....من فضلكم عايز حد يكون معاه العربية دي و غيرلها كاسيت قبل كدة يقوللي الكلام ده صح ولا لأ.........شكراً ليكم

**Kefo_Honda** · 18-08-2012 06:49 PM

ولا بيعمل اي حاجة خالص , راكب اللي حضرتك عايزه واستمتع بالعربية

**mahamedaraby** · 18-08-2012 07:19 PM

ولا اى حاجه بس ركبه عند حد يكون بيفهم بس هى دى النقطه

**kar!m** · 18-08-2012 07:20 PM

عادي جدا .. أنا لما اشتريت عربيتي كان راكب فيها كاسيت تاني بايونير .. بس صاحبها أخده و اداني الكاسيت الأصلي.

**tananybasha** · 19-08-2012 12:07 AM

عادى
بس هات الوصله اللى بتركب على الفيشة الأصلية من السجان

**احمد فهمى** · 20-08-2012 01:06 PM

اهم حاجه اوعى تفتح فى صاج العربيه يعنى تركب سماعات نفس حجم سماعاتك بس واط اعلى واي حد هيقول الفتح فى الصاج عادى وركبناه ١٠٠٠ مره هو يقصد خربنا ١٠٠٠ مره والله مش هتصدق انا بعت فيكترا ٩٨ بسبب فتحوالسماعات فى الصاج وكان عند ادريان وقعد يشعر ان ده موضوع عادى بعد كده كم التزيف والخبط كان غم وسيبك من قصة سماعه ٦٠٠ واط والكلام الغير علمى ده لأن لو سماعه ٦٠٠ واط فعلى هتحتاج تتشال على عربيه نقل
انت تعمل الاتى سماعات نفس مقاس عربيتك بس اعلى واط فى المقاس وتجيب زى ما مضحلك الباشا الفيشه المشترك بين الكاسيت والعربيه عشان ميحصلش لعب فى الضفيره ولو جيت تبيع وحبيت تاخد الكاسيت كل حاجه ترجع بسهوله واهم حاجه تروح لحد تعرفو او لك صاحب يعرفو

**tananybasha** · 25-08-2012 01:47 AM

دى جديده

**احمد فهمى** · 25-08-2012 01:18 PM

جاك الراديو بيتباع لوحدو ب٥ جنيه وهو برضو مشترك بين وصلة الاريال والكاسيت وده متوفر عند بتوع الكاسيتات وانسى موضوع الشاشه مع اي كاسيت غير الاصلى وموضوع الغلق والقفل بتاع السنتر هو وارد على فكره بس هو عمتاً مش مهم بيقلل العمر الافتراضى للسنتر على المدى البعيد