تقريرى عن Cla 180 لو تحب تقارنها تتقارن بايه

**tananybasha** · 28-12-2013 11:55 PM

النهارده كنت بالف مع اعز اصدقائى على
CLA 180 Urban
طبعاً مش موجوده
و طوابير الحجز تخض
بجد تخض
مش بهزار
لدرجه انهم رفعوا مقدم الحجز لعربية هتتسلم بعد سنة و 4 شهور
من 25000
ل 40000

مع العلم
ان السعر عرضة للتغيير وقت الأستلام
بدون اخطار مسبق
و حسب سعر العمله
و ما يراه الوكيل

هى عربية وهم
ماشى
مجرى مش المانى
ماشى
كمالياتها مش اللى هى يعنى من وجهه نظرى
يعنى لا فتحة سقف
و لا كاميرا خلفية
و حساسات الرجوع من تانى فئة الأولى لأ
ضيقه من ورا
ماشى

بس فيها اسم مرسيدس
برضوا ماشى

انا صورتها و صورت الموتور اللى هو 1600 - 122 حصان
و فيه موتور تانى 157 حصان
بس مكنشى موجود

اه
للعلم مفيهاش استبن
عشان الكاوتش Run On Flat
هو مكتوب عليه كده

الصور حوالى 25 صورة فيهم كل حاجة تتخيلوها فى الفئة الأولى من Cla 180

عشان باقى الفئات مش موجوده

و الفئة اللى موجوده بعدها
فى فرع هضبة الأهرام
جنب حازم حسن
دى Cla 200 urban --- AMG
و دى حدوته بس معرفتشى اصورها من الزحمه
و ان شاء الله هاصورها
او اشوف الصور اللى مع صاحبى
و اجيبها منه ان شاء الله

خلص الموضوع

فاضل الصور

بتترفع

و انزلها

[/COLOR][/SIZE]

**tananybasha** · 28-12-2013 11:56 PM

**Abdo Taha** · 29-12-2013 07:21 AM

لو هقارن ما بينها و بين عربية تانية يبقى ممكن الانسجنيا توب لاين و ال 316 و الفولفو بس انا شايف انها اصغرهم جدا و متنفعش غير لشاب بس ما شاء الله جميلة من جوه بتطعمات الكروم و شكلها من ورا رياضي و رائع و بالنسبة لل run flat ده نوع من الكاوتش مصمم انه يتحمل تمشي عليه من غير هوا لمده 80 كم بس مشكلته ان تكلفة تغييره غالية جدا و بشكر استاذ محمد طناني على الصور الرائعة .

**iUsef** · 29-12-2013 10:57 AM

المشاركة الأصلية كتبت بواسطة bassemali

شكرا ع مجهودك .. بس معلش يعني أيه الكاوتش (run on flat) مش فاهم؟

يعني لو اتخرم ممكن تمشي عليه عادي لان الفردة فيها حديد من الجناب يعني مش هتمشي علي الچنط بس لازم تهدي السرعه ومتمشيش عليها كتير لغاية متلاقي بتاع كوتش