تقرير عن كيا سيراتو 2014

**amgomaa** · 29-12-2013 01:54 PM

الف مبروك على العربيه وانا الحمد لله معايا الهاى لاين ممتازه الحمد لله بس موضوع التيل دة ملاحظتوش ممكن يكون عايز تنضيف ان شاء الله بسيطه

**Maged93** · 29-12-2013 02:15 PM

المشاركة الأصلية كتبت بواسطة amgomaa

الف مبروك على العربيه وانا الحمد لله معايا الهاى لاين ممتازه الحمد لله بس موضوع التيل دة ملاحظتوش ممكن يكون عايز تنضيف ان شاء الله بسيطه

اولا مبروك لحضرتك علي العربيه ربنا يديك خيرها ويكفيك شرها
هما بالفعل نضفوه يافندم والصوت قل بس بردو مازال فيه صوت تصفير قليل
الله يبارك فييك يا فندم اتمني يكون التقرير عجبك

**amgomaa** · 29-12-2013 03:28 PM

الله يبارك فيك ه شكلها كده محتاجة زيارة لابو رواش لانى برضه عندي صوت دبدبه بسيط من العجله اليمين قدام و مركز الصيانه اللى قريب منى مش فاهمين حاجه و وبالتوفيق

**J A G U A R** · 29-12-2013 04:09 PM

الف مبرووك وربنا يباركلك فيها ويكفيك شرها

**mahmoud_afifi** · 29-12-2013 06:31 PM

المشاركة الأصلية كتبت بواسطة maged93

الله يبارك فييك يا فندم بالنسبه لسعرها ممكن تقارن مثلا حاجه في نفس رينج الفلوس هيا انا معاك انها غاليه ومش محاباه ليها عشان انا جايبها بس اللي لاحظته اتها من العربيات اللي الفلوس مقابل القيمه

أتفق معاك بشدة.
يعني لما الياريس 1300 و 85 حصان وب140 الف. انما دي اكتر حاجه بسيطه بس فرق مساااحه وفرق خامات داخليه وموتور ماشاء الله. يبقى انت اتصرفت صح.
ربنا يباركلك فيها.

**mahmoud_afifi** · 29-12-2013 06:33 PM

المشاركة الأصلية كتبت بواسطة dr . Mohamed

ياريت تطمنى على ارتفاعها و المطبات هل بتحك و لا لا و الحمولة بتخلى العربية تهبط ولا لا ؟
و هل حك العربية فى المطبات ليه أضرار على اى جزء من العربية و لا فى العتب بس ؟؟

تانى ملحوظة ليه استهلاك البنزين زيادة فى الصورة لانك مفول للآخر و هو كاتب 452 كيلو بس

بعد اذن استاذ ماجد اجاوب حضرتك. العربيه لسه في التليين واستهلاك البنزين بيكون عالي في الاول ويبتدي ينتظم ويقل بعد 5000 كيلو.

**Dr . Mohamed** · 29-12-2013 09:02 PM

المشاركة الأصلية كتبت بواسطة maged93

بالنسبه للاستهلاك استاذ محمود عفيفي رد عليك اما بالنسبه للارتفاع العربيه فالعربيه عاليه وجربت اني كون مالي العربيه في مطبات معينه بتحك بس مش جامد مع العلم اننا اوزان تقيله الحموله بتخليها تهبط شويه بس مش اوي لغايه ٣ او ٤ كل واحد وزنه مثلا ١٢٠ انت في الامان ومش هتحك باذن الله

شكرا جزيلا لك و للأستاذ محمود

ربنا يباركلك فيها و يديك خيرها و يكفيك شرها