تقرير عن كيا سيراتو 2014

**zikozoko** · 01-01-2014 10:23 PM

طب لو سمحت هو ايه الفرق بينها وبين الخليجي في نفس الفئه يعني الخليجي اللي زيها بكام

**Maged93** · 02-01-2014 12:33 AM

المشاركة الأصلية كتبت بواسطة zikozoko

طب لو سمحت هو ايه الفرق بينها وبين الخليجي في نفس الفئه يعني الخليجي اللي زيها بكام

الخليجي اللي زيها ب ١٣٩ الف بس من غير فوجات بس بكاسيت تاتش وكاميرا خلفيه وطبعا من غير ضمان

**amgomaa** · 02-01-2014 01:09 AM

المشاركة الأصلية كتبت بواسطة maged93

الخليجي اللي زيها ب ١٣٩ الف بس من غير فوجات بس بكاسيت تاتش وكاميرا خلفيه وطبعا من غير ضمان

وكمان الكاسيت التاتش متركب هنا فى مصر

**Maged93** · 02-01-2014 06:56 PM

المشاركة الأصلية كتبت بواسطة amgomaa

وكمان الكاسيت التاتش متركب هنا فى مصر

كلامك سليم مليون ٪ميه لاني كنت هجيب الخليجي بس لاده منظر تركيب نضيف وطبعا الخوف ان ميكونش فيه ضمان خلاني ابعد عنها تماما لسبب اني كان معاياموديل٢٠١١ سيراتو قديمه وغيرو فتيس كامل اول ما كان نازل الفتيس ال ٦ سرعات فعرفت ساعتها قيمه الضمان

**amgomaa** · 02-01-2014 09:19 PM

المشاركة الأصلية كتبت بواسطة maged93

كلامك سليم مليون ٪ميه لاني كنت هجيب الخليجي بس لاده منظر تركيب نضيف وطبعا الخوف ان ميكونش فيه ضمان خلاني ابعد عنها تماما لسبب اني كان معاياموديل٢٠١١ سيراتو قديمه وغيرو فتيس كامل اول ما كان نازل الفتيس ال ٦ سرعات فعرفت ساعتها قيمه الضمان

فتيس كامل ليه انت هتخضنى ليه فهمنى حصل ايه انا كان معايا الشكل القديم 6 سرعات و كان زي الفل ربنا يستر الاتنين نفسالفتيس

**Maged93** · 03-01-2014 10:32 AM

المشاركة الأصلية كتبت بواسطة amgomaa

فتيس كامل ليه انت هتخضنى ليه فهمنى حصل ايه انا كان معايا الشكل القديم 6 سرعات و كان زي الفل ربنا يستر الاتنين نفسالفتيس

هما قالو ان ده كان عيب في الفتيس اول منزل كانت متنقلش الا لما تجيب اخر تقله لغايه ال ٦ كده وده في الاوتو مش ستيب ترونك روحنا التوكيل والصراحه متكلموش كتير خدو العربيه جرب لقي فعلا في عيب في الفتيس غيره كامل علي الضمان وقالنا انها يعني عيوب واحد في المليوون والحمدلله من ساعه ما اتصلحت عندهم وكله زي الفل ماشي بيها علي الفتيس الجديد ٢٠ الف والحمدلله مفيش مشاكل وده سبب حبي في الصمان بتاع التوكيل انه لما حاجه غلط بيغيرها وخلاص

**zikozoko** · 07-01-2014 02:06 AM

المشاركة الأصلية كتبت بواسطة maged93

الخليجي اللي زيها ب ١٣٩ الف بس من غير فوجات بس بكاسيت تاتش وكاميرا خلفيه وطبعا من غير ضمان

بس الخليجي فيها كمان واحد ايرباج

**Maged93** · 07-01-2014 06:13 PM

المشاركة الأصلية كتبت بواسطة zikozoko

بس الخليجي فيها كمان واحد ايرباج

بص يا فندم انا جاوبت علي حضرتك في الفروقات لو فيه نقطه معينه حابب تستفسر عنها قوولي انما انا في نظري بفضل التوكيل والسبب انا وضحته في رد قبل كده

**esam_ayad** · 07-01-2014 09:59 PM

المشاركة الأصلية كتبت بواسطة maged93

بص انا هقول لحضرتك بالنسبه للعفشه بقت ناعمه جدا ممكن تعدي علي النقر عادي بتحس بيها بس كانها حاجه بسيطه ده بالنسبه للنقره او حاجه من الحاجات ديه الثبات بتاعها مش بيحسسك انك بتجري خالص مقارنه بالموديل القديم العزل انت في الموديل القديم لو ماشي علي مياه بتسمع صوتها في الجديده ولا كانك ماشي علي مياه اصلا ولا انت سامع العزل زاد بطريقه حلوه جدا التسارع بتاعه بقي اكثر سلاسه من الموديل القديم بحس ان النقلات بتتحرك اسرع انا بقارن بالفتيس الي بردو ٦ سرعات من المميزات في الدركسيون انه بيطلع لبره وبيدخل لجوه وطبعا بيطلع لفوق وتحت الباور كهربا جمييل جدا وانت واقف بيكون ناعم جدا لمجرد انك تبدا في المشي بيتقل معاك السرعه علي ١٤٠ بتجيبها بالراحه من غير حرق ولا كيكات خالص ممكن في الاخر اكون اديتها كيك اللي هيا لغايه ٤،٥ rpm وبعدها هديت شويه بالنسبه للاضاءه فانا ملاحظ ان الاضاءه فيها تحفه في الموديل الجديد احسن بكتير من الموديل القديم بص حضرتك اي استفسار انا تحت امرك ؛)

شكرا لحضرتك علي المعلومات
وأنا فعلا رحت جربتها بنفسي وطلعت عفشتها ناعمه جدا وجميله وان شاء الله هاعمل تقرير بالتجربه علشان حصلي حاجه ماكنتش متوقعها وانا سايق السيراتو أو غير السيراتو.
بس انا عندي سؤال مهم جدا وسألته اكترمن مره في أكتر من مكان وماحدش جاوبني عليه:
هل قطع غيار السيراتو متوفره خارج التوكيل بوفره زي الموديل القديم مثلا ولا لأ , لأن العربيه ماأخدتش حقها وماإنتشرتش زي انتشار القديمه؟؟؟؟؟؟؟؟؟؟