عاوز عربيه مستعمله ب 100000

**shiko82miu** · 23-09-2008 03:20 PM

يا باشا ربنا يحفظهالك بس تقريباً أنت معدل في العربيه و ضايف options بإيدك و أنا ماعنديش وقت و كمان في حاجات كده سمعتها زي العفشه الناشفه و السخونيه اللي بتخش جوه من الموتور .و لو عايز سحب و توفر في البنزين لازم تسقط مواتير ECO .

**M.Mokhtar** · 23-09-2008 03:35 PM

المشاركة الأصلية كتبت بواسطة shiko82miu

يا باشا ربنا يحفظهالك بس تقريباً أنت معدل في العربيه و ضايف options بإيدك و أنا ماعنديش وقت و كمان في حاجات كده سمعتها زي العفشه الناشفه و السخونيه اللي بتخش جوه من الموتور .و لو عايز سحب و توفر في البنزين لازم تسقط مواتير ECO .

يا باشا مفيش الكلام ده خالص
الاوبل فكترا CDX بتنزل بالكلام ده كله فابريكه واكتر كمان (زينون ومساحات فوانيس اماميه وجنوط)
انا عربيتى اصلا مش CDX بس انا حولتها ل CDX عشان العربيات المحترمه اللى زى دى بتنزل معمول حساب كل حاجة
انت اشترى وحط ووصل الفيشه اللى هتلاقيها موجوده اصلا وشغل يا معلم

بالنسبة للعفشه كل الالمانى كده عفشته ناشفه بس ثبات فوق الوصف
السخونه ماسمعتش عنها قبل كده عشان عزل الفكترا ممتاز
قصدك سخونه الموتور نفسه؟
دى اشاعه طالعه على اوبل وهتلاقى الكلام فى الموضوع ده هنا
اشاعات اشاعات - الحلقة الاولى
بالنسبة للسحب والاستهلاك مش هتلاقى فى فئة ال 2000 سىسى احلى من الايكوتك اللى نازل فى الCDX بردو
2 كامه 16 صمام 136 حصان سحب جبااااااااااااااااااااار
انا بجيب ال 220 كم/س على 5000 RPM
واستهلاكه معقول شوف ارابط ده
محرك الايكو تك ؟؟؟؟

**M.Mokhtar** · 23-09-2008 04:11 PM

المشاركة الأصلية كتبت بواسطة mimysheckles

السخونه ماسمعتش عنها قبل كده عشان عزل الفكترا ممتاز

ده تأكيد على كلامى
التقفيل المصرى كان على اعلى مستوى

**ana** · 23-09-2008 04:52 PM

انا من رايى بصراحه تجيب بيجو 406 والله مش تحفظ عشان هى معايا بس عربيه وهم وسباقه للعصر حضرتك هتشوف حاجات فيها مش هتشوفها ابدا والله فى اى عربيات تانيه وكل حاجه فيها بالكومبيوتر والسنسور حضرتك ممكن تجيبها موديل 2002 وتكون فابريقه فى حدود ال100 الف والعربيه اسالنى انا فى البرستيج اللى بتديه للواحد والموتور بتاعها 137 حصان وطبعا معنديش تعليق على الثبات والسرعه بتعاتها تجيب معاك لحد و 255و فى الموديل 2006 بتبقى 147 حصان وطبعا الموتورين 2000 سى سى

**aymoonoo** · 23-09-2008 05:19 PM

بقلكو ايه يا جماعه انا قدامي بولو موديل 95 طالب فيها32000 مش كاتب ماشيه كام هوا ده سعر البولو فالسوق ولا ده سعر رخيص عليها ولا ايه انا حاسس انو قليل عشان العربيه ممكن يكون فيها حاجه عشان كده السعر ده هوا الي مطلوب ولا ايه رايكو؟فيها سنتر لوك فتحة سقفكاسيت بور زجاج كهربا

**blazer** · 24-09-2008 05:43 AM

المشاركة الأصلية كتبت بواسطة shiko82miu

ربنا يبارك فيكم يا جماعه
بس يا أحمد أنا ماعنديش وقت علشان أجيب عربيه و أغير فيها و أشدها(أنا عندي أونو 1600 طياره و زهقت من التسقيط و الشد و وقفت الصنيعيه)و بصراحه إجوزت و عايز حاجه محترمه و مريحه و يعتمد عليها في نفس الوقت. انا بفكر في VW Bora إيه رأيكم يعني الثبات ,إستهلاك البنزين,قطع الغيار, الاعطال,التوكيل إيه أخباره كده يعني ياريت لو بالتفصيل علشان أنا هخلص لو حلوه . و ربنا يخليكو يا رجاله عقبال ما نخدمكم كده يا رب
أخوكم عمرو

البورا عربيه ممتازه طبعاو ابقى بوص بصه كدا على السيات التوليدو2002
هى اخت البورا تقريبا فى كل حاجه حتى الماتور و تقريبا العفشه بس الشكل هو اللى متغير و بعض قطع غيارها قليله :):)

**shiko82miu** · 24-09-2008 09:50 AM

صباح الخير علي أحلي الباشوات.
أنا أسف لو طولت عليكم بس أنا عايز أجيب حاجه و أنام عليها فتره طويله(إن شاء الله و لو لينا عمر).
بص يا ana باشا البيجو أنا عارف إنها ركوبه و كل الجابها معجب بيها و مبعهاش بس أنا عارف برضه أن موضوع الحساسات ده عامل مشكله فيها(واحد عنده 405 قالي "" التراب بيجننها"" ) و أنا أخويا عندو إلنترا في مشاكل بتحصل عنده بسبب التراب.و بصراحه أنا كييف بيجو و 406 بتجنني حتي لو التراب بيجننها بس بالنسبه للأعطال و الصيانه و قطع الغيار إيه النظام .

mimyباشا ربنا يحفظلك العربيه بس يا ترا ممكن الاقي عربيه أوبل موديل 2002 CDX Full Option فييييييين

**M.Mokhtar** · 24-09-2008 11:57 AM

المشاركة الأصلية كتبت بواسطة shiko82miu

mimyباشا ربنا يحفظلك العربيه بس يا ترا ممكن الاقي عربيه أوبل موديل 2002 CDX Full Option فييييييين

العربيه دى نادر لما بتتباع عشان عربيه محترمه فوق الوصف واللى معاه مش بيتنازل عنها ولا بيفرط فيها
دور على car100100 اعتقد كان فيه وحده معروضه

**shiko82miu** · 24-09-2008 01:45 PM

المشاركة الأصلية كتبت بواسطة mimysheckles

العربيه دى نادر لما بتتباع عشان عربيه محترمه فوق الوصف واللى معاه مش بيتنازل عنها ولا بيفرط فيها
دور على car100100 اعتقد كان فيه وحده معروضه

هو أنت قاصدك علي العربيه اللي صاحبتها امل

**M.Mokhtar** · 24-09-2008 02:31 PM

المشاركة الأصلية كتبت بواسطة shiko82miu

هو أنت قاصدك علي العربيه اللي صاحبتها امل

مش فاكر الصراحه
لو لاقيت حاجة هات اللنك وانا اقولك هى دى ولا لأ

الموضوع: عاوز عربيه مستعمله ب 100000

LinkBack

أدوات الموضوع

عرض

-

-

-

-

-

-

المواضيع المتشابهه

عاوز أشترى مستعمله عربيه بس اهم حاجه قوه التكييف

عاوز اشترى عربيه مستعمله ارجوالافاده

سؤال بسيط للخبراء لو عاوز اشترى عربيه مستعمله اكشف عليها ازاى؟

عربيه مستعمله ب 100000 و مش عارف اجيب ايه ممكن النصيحه

فيات جراند بونتو افضل عربيه ب 100000 جنيه !!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة