لأول مره فى حياتى أشد بجد

**Samir Elshahawy** · 30-12-2013 10:03 PM

أولا.. حمدا لله علي السلامة

ثانيا .. لما تكون متعصب أو متضايق حاول تركن في أي مكان زي أون زا رن و أنزل أضرب لك واحد كافيه لاتيه او نسكافيه بالكراميل و بعدين كمل مشوارك و أفتح الاوديو سيستم علي موسيقي هادية أو شغل قرأن و أقفل عليك أزازك و كبر دماغك

و حتي لو حبيت تشد ماتشدش و أنت متضايق أو متعصب لن الشد ده مزاج و كيف عالي أوي
و صدقني أحلي حاجة مع الالنترا و تابلوها الشيك و أنواره الزرقاء اللون بالليل هي القيادة الهادية المتأنية علشان تستمتع بالطريق و تهدي أعصابك

مع الالنترا ... أستمتع بالطريق
و نشوفك علي خير أن شاء الله في المقابلة القادمة قريبا باذن الله

**msobhy** · 30-12-2013 10:32 PM

المشاركة الأصلية كتبت بواسطة khaabas

موضوع روعة :)
بس مبقاش غلطان وماشى عكس اتجاه وقول الشرطة وحشة
ملحوظة : لازم ارخم شوية برده هههههههههههه

خالد باشا صديقى العزيز
انت حقك ترخم زى ما انت عايز
ملحوظه رفيعه
انا بدأت سنة 1990
أول سياره امتلكتها كانت سنة 2003
من 2003 ولغاية النهارده عمرى ما عملت مخالفه واحده والحمد لله
لما يجى واحد ابن حلال زى الظابط ده ويعمل معايا الجلاشه - بصراحه حرااااااااااااام
ملحوظه أرفع من اللى فاتت
المخالفات اللى اتعملت فى حياتى كانت تقريبا 3 مخالفات
1- قياده بسرعه جنونيه وسير عكس الطريق والكلام ده كان فى وسط البلد - ايامها كانت المخالفات بين 20 الى 100 جنيه وساعتها اتعملت لى مخالفه ب 440 جنيه ---- السؤال هنا هو فيه حد بيعرف يمشى اساسا فى وسط البلد

الثانيه سير عكس الطريق فى مرسى مطروح

الثالثه انتظار مخالف والتعدى بالسب على حكمدار مش عارف ايه

الصبر يا رب

المشاركة الأصلية كتبت بواسطة samir elshahawy

أولا.. حمدا لله علي السلامة

ثانيا .. لما تكون متعصب أو متضايق حاول تركن في أي مكان زي أون زا رن و أنزل أضرب لك واحد كافيه لاتيه او نسكافيه بالكراميل و بعدين كمل مشوارك و أفتح الاوديو سيستم علي موسيقي هادية أو شغل قرأن و أقفل عليك أزازك و كبر دماغك

و حتي لو حبيت تشد ماتشدش و أنت متضايق أو متعصب لن الشد ده مزاج و كيف عالي أوي
و صدقني أحلي حاجة مع الالنترا و تابلوها الشيك و أنواره الزرقاء اللون بالليل هي القيادة الهادية المتأنية علشان تستمتع بالطريق و تهدي أعصابك

مع الالنترا ... أستمتع بالطريق
و نشوفك علي خير أن شاء الله في المقابلة القادمة قريبا باذن الله

ان شاء الله معاكم فى كل المقابلات - وان شاء الله كل قيادتى هاتكون هادئه لأن ده الطبيعى بتاعى
وبجد ساعتها افتكرت انت واحمد عبد الهادى - ربنا يسترها عليكم ويهديكم شويه من موضوع الجرى ده - الموضوع ممتع ومرعب فى نفس الوقت
اجمل حاجه استمتعت بيها فى الشده ديه كانت صوت الموتور
سيمفونيه عن حق :)

**mahmoud_afifi** · 30-12-2013 10:37 PM

حلوه قوي الشدايه دي :d
بس عاوز اقولك ان الالنترا بتاخد ملفات الصحراوي على 190 عادي ^_^

**FAR!D** · 31-12-2013 12:03 AM

مش محتاج اباركلك على الشده لانها متعتها ليك انت
و فعلا ظابط شرطه غلطان بجد كان المفروض يسيبك تمشي عكسي وهوا عارف نيتك انك جاي تسأله
السؤال هوا انت مركنتش ليه و نزلت تسأله بنفسك على رجليك؟
ونرجع تاني نقول فين كلاب الشرطه لما نلاقي حد ماشي عكسي وعمل مصيبه
واخر سؤال: من الاخر انت مشيت عكسي و تستاهل المخالفه ولا لأ ؟

**msobhy** · 01-01-2014 09:33 AM

المشاركة الأصلية كتبت بواسطة crazydeepman

مش محتاج اباركلك على الشده لانها متعتها ليك انت
و فعلا ظابط شرطه غلطان بجد كان المفروض يسيبك تمشي عكسي وهوا عارف نيتك انك جاي تسأله
السؤال هوا انت مركنتش ليه و نزلت تسأله بنفسك على رجليك؟
ونرجع تاني نقول فين كلاب الشرطه لما نلاقي حد ماشي عكسي وعمل مصيبه
واخر سؤال: من الاخر انت مشيت عكسي و تستاهل المخالفه ولا لأ ؟

اسمحلى ارد على سؤال حضرتك وفعلا بمنتهى الصدق
انا مشيت عكس ...... هل استاهل مخالفه ولا لأ ............ طبعا استاهل
اسأل حضرتك سؤال - لما طريق رئيسى يتقفل ليه ما يتعملش يافطه عليه كبيره علشان توجهك؟؟؟؟ - الحق يقال كان فيه يافطه حجمها متر فى متر فى جانب الطريق ومعلهاش اى اضاءه --- وطبعا المكان ضلمه كحل ولو سيبت عربيتك هناك هاترجع تلاقى مكانها سميلى فيس
ليه الكمين مايتعملش هناك أمام الطريق المغلق؟؟؟؟؟ والاغرب ليه يتعمل قبل اغلاق الطريق ب 50 متر تقريبا ؟؟؟؟؟؟؟؟؟؟؟؟؟
ليه مفيش اى عسكرى مرور واقف فى المكان ده علشان يوجه الناس؟؟؟؟
طيب ليه مفيش اى أضاءه هناك؟؟؟؟؟

فى أقل من 5 دقائق الظابط ده عمل مخالفات بما يوازى 50.000 جنيه
بنفس المعدل ده لو هانقول انه هايوقف 100 عربيه فى الساعه لمدة 5 ساعات فقط
يعنى 500 عربيه - يعنى الراجل ده حصيلة اليوم بتاعه 500.000 جنيه فى 5 ساعات
يعنى هاياخد نسبته ومكافأته على المجهود الجبار اللى عمله
وكل ده يتصادف مع نهاية السنه اللى شرطة المرور معودانا انهم بيشتغلوا فيها كويس جداااااااااااااا

انا رديت على سؤال حضرتك
مستنى ردك على أسئلتى :)

**FAR!D** · 01-01-2014 11:51 AM

اولا عام سعيد
ثانيا كان من فتره على الموقع هنا اول ماتدخل اعلان عن تحويل المسار و بردوا جاه تحذير على التليفزيون ان الطريق اتغير مساره وانا من اسكندريه و لكن الحق يقال اني مشفتش الحته بتاعه التحويله ديه لكن ارجع و اقولك ان اليافطه و اتجاه المسار الجديد ديه من اختصاص الشركه المتوليه اصلاحات الطريق و بردوا منها اداره المرور لكن الظابط ده على الاقل كان بيقوم بجزءيته واسف لو كان كلامي هجومي و حقك عليا بس الحق حق
و كل سنه وانت طيب

**msobhy** · 01-01-2014 12:52 PM

الاول كل سنه وحضرتك طيب أنت وعائلتك الكريمه :)
والله انا معجب جدا بكلام حضرتك
وحضرتك كلامك صح
وانا شوفت اعلان من حوالى شهر على الموضوع ده
ياريت حضرتك تروح تشوف التحويله بالليل
الناس كلها واقفه ومش عارفه تعمل ايه
والسؤال الاهم ليه الكمين مش معمول على بداية الطريق المغلق
ليه يجبروا الناس على الغلط

والله حضرتك انا عمرى حتى ما ركنت صف تانى
وبحترم قوانين المرور (الغلط) لأقصى مدى
لكن اللى يحرق انى حاسس انى شربت مقلب على ايد واحد بالعافيه بيفك الخط
وعلى فكره انا عمرى ما عملت الغلط لمجرد انى شايف غيرى بيعمله
لكن الطريق مقفول والناس بترجع والمصيبه انه طريق رئيسى - يعنى متهيألى الااااف العربيات حصل معاها نفس الموقف

حسبنا الله ونعم الوكيل