الموضوع: لأول مره فى حياتى أشد بجد

السلام عليكم ورحمة الله
امبارح كنت فى مشوار ناحية الاسكندريه
من القاهره للأسكندريه متوسط السرعه من 90 الى 100
روحت اسكندريه
خلصت الشغل اللى عندى سريعا جدا
جيت مروح لاقيت الطريق مغلق !!!!!!!!!!!!
لفيت ورجعت علشان أسأل ظابط شرطه محترم أبن محترم أبن ......................... عمل لى مخلفه سير عكس الطريق انا وأكتر من 50 عربيه
يا سيدى يهديك ..... يرضيك
المهم أستمتعت بالشرطه وأدبها وأخلاقها العاليه وقعدت ساكت وانا محروق دم اللى جابونى وأخدت الرخص ومشيت وطبعا الظابط المحترم بمنتهى الفخر وصفلى ازاى امسك الطريق الصحرواى
.
.
ماعلينا
.
طول الطريق مخنوق جداااااااااااااااااااا
وكان معايا واحد صاحبى ملوش فى السواقه خالص - وانا بقالى كتيييييييييير ما مشتش على طريق مصر اسكندريه الصحرواى ومش عارف هما عاملين ايه على الطريق
المهم عند نهاية تحويله لاقيت bmw الفئه الخامسه وسيراتو اللى هيه شكل ال 2009 - 2010 كابسين جامد جدا ووقفوا جانبى
انا مخنوق
بطلت جرى من أكتر من 6 سنين
متوسط سرعتى لما كنت بجرى 180 على اقصى تقدير بعربيه لانوس - وبمشى لواحدى - يعنى من غير ما بشد مع حد
المهم
قلت لصاحبى ..... تحب ندخل سباق
صاحبى بمنتهى اللامبالاه ماشى ..... (بسبب صاحبى انا مكملتش السباق أو الشده - لأنه فعلا كان هايموت من الرعب - بجد مش بهزار)
وبس وبدأ السباق تقريبا الساعه 8:33 مساءا بتوقيت القاهره - 9:42 صباحا بتوقيت جرينتش والشرابيه
ترتيب العربيات من بدأ التحرك
الbm فى المقدمه
وراها السيراتو
وراها عربيه تانيه
وراها ممثل منتدى الهيونداى اللى شرفكم ورافع رأسكم عاليا أخوكم أبو مروان بألنترا 2010 مانيوال
.
الراجل بتاع البى ام الطلعه بتاعته كانت فعلا اسطوريه بكل المقاييس
انا والسيراتو لازقين فى بعض تماما لغاية 160 وساعتها بدأنا نقرب من من البى أم
أخوكم اللى مشرفكم ورافع راسكم من بداية الشده لنهايتها كنت فى المؤخره
المهم استمريت فى الشد معاهم تقريبا لمدة 15 دقيقه - نسيت كل حاجه فيها - الادرينالين كان هايطع من عينى
السرعه كانت بين 180 الى 200
اقصى سرعه عرفت اجيبها بعربيتى كانت تقريبا 200-202 بالكتير
بسهوله بوصل لسرعة 180
بصعوبه جداااااااااااااا من 180 الى 200 بسبب المنحنيات وعدم استقامة الطريق
البى أم ثباتها خراااااااافى - سائقها كان بيدخل منحنايات على سرعة 200 - انا بالالنترا كنت باخدها على 160 وانا مرعوووووووووووب
سائق البى أم فعلا كان متهور لأقصى مدى - أنا والسيراتو كنا عاقلين نسبيا
وقفت الشده بسبب صاحبى اللى تقريبا كان هايعملها على نفسه وفعلا من كتر ما كان بيترجانى انا حسيت انى حقير جدا انى عملت كده فيه
.
الدروس المستفاده
كاره حياتك أجرى فوق ال 100
كاره عائلتك وأولادك أجرى فوق ال 100
عايز تظبط صاحبك خد غرز فوق ال 180
صوت الموتور راااااااااائع فوق ال 160 (وان كنت من هواة الصوت المنخفض)
الكاوتش البريدجيستون أثبت انه يستاهل كل قرش اتدفع فيه (195 مش 185)
تسارع الالنترا صوره طبق الاصل بدون أى فروق فى أى مرحله من السيراتو (نفس الموتور) وعليه متهيألى ان مقولة الالنترا تسارعها أعلى من السيراتو غير حقيقيه (وان كانت عربيتى مش متعوده على الشد - والسيراتو باين انه مقضيها شد)
ضباط الشرطه بالاجماع محترمين ....... محترمين ......... محترميييييييييييييييييييي يييييييين