الموضوع: فيديو : اوبل انسجنيا من مصر ماشية 220 على 4000 rpm و لسة

المشاركة الأصلية كتبت بواسطة mr_revenger

جميييل الكلام ده،،،،بتشجعنى يوم بعد يوم،،،،بس عاوز اسال سؤال،،،لو كان سقط نقله وحرق بنزين شويه،،،كان وصل لكام او تسارع العربيه كان حيزيد ولا حيمشى بنفس النمطيه دى،،،،،،كوون انك تمشى ٢٢٠ على طريق فى بلدنا دى والعربيه مبتتهزش هزه وحده وموتورك بالشكل ده،،تبقى العربيه دى اعجاز

المفروض انها تزيد عن كده لأن كل اما زادت عدد اللفات كل اما زاد الحرق كل اما طلع عادم اكثر كل اما التربو اشتغل اسرع و شفت ناس على اليوتيوب جايبة بالموتور القديم بتاع الاسترا تربو و كان راكب على انسجنيا الشكل اللي فات 240 او 250 مش فاكر و كان عزمه اقل ب 30 نيوتن فأعتقد ان ده ممكن يبقى كده برضه بس على الطرق المصرية 220 حلو جدا تبقى ماشي على السرعة دي و مش زعلان على موتور عربيتك او كمية البنزين المستهلكة .

المشاركة الأصلية كتبت بواسطة dede_dodo88

هو أنا الحقيقة ملفتش أنتباهي حاجة غير العدادات اللي بالعربي xD

شغل جنرال موتورز

المشاركة الأصلية كتبت بواسطة amrgamal1

علي فكرة الرجل بيسوق سواقه عاديه علي حسب الطريق قدامه
يعني مش بيكبس من الثبات عشان يشوف هيقفل العداد في زمن قد ايه
وانا رأي الشخصي...
الانسجينيا عملت سمعه جديده لأوبل و هتبقي انجح موديل لأوبل بعد نجاح الفيكترا b

بالظبط كده لأن لو كبس التربو هيشتغل اسرع فمنها يقدر يوصل لسرعة اعلى و ممكن توصل لتقفيل عداد و خصوصا ان ديناميكية العربية تسهل في كده بس مشكلتها ان تقيلة شوية وزنها 1613 كج فده ممكن يقلل من تسارعها و بصراحة عربية عربية تحفة عيبها الوحيد منصورررررررر لكنها فعلاً زي ما بتقول بترجع امجاد الاوبل و تستحق انها تتربع على عرش فئة ال 250 الى 300 الف