الموضوع: تجربتى مع الباشا

روحت لمصطفى الباشا يوم السبت ، الباشا اللى فى قبل مطلع كوبرى العمرانيه ، بشتكى من خبط فى العفشه ، مصطفى ركب معايا وجرب ورجع على الورشه وطلب الاتى ( جلب مقصات ،بيض مقصات ، مسمار ميزان ) جبتهم من عند الشيخ فى اول فيصل بـ 700 ج ( المانى ) ، روحت لمصطفى تانى يوم اللى هو الاحد الساعه 9 صباحا كنت واقف قدام الورشه وماشاء الله كان دورى يجى السابع لان الناس جايه من 7 الصبح وكان فى ناس سايبه العربيات عندة بايته من يوم السبت ، ممدوح فتح الورشه الساعه 10:45 ، مصطفى وصل بعيدة ب 5 دقائق تقريبا ، شاف الحاجه والصنايعيه ابتدوا يشتغلوا فى العربيات اللى كانت بايته ، طبعا سبتله المفاتيح لانى كان لازم اروح المكتب ، مشيت من عندة الساعه 11 ، كلمته الساع 1 الظهر كان لسه مشتغلش فى العربيه ، روحتله الساعه الساعه 5:30 تقريبا كان بيقفل فى العربيه ، وكانت الجلب اللى طالعه تعبانه وبيض المقص كان جاب اخرة تقريبا والميزان اللى كان راكب كان تركى ومكملش اكتر من سنه ، ممدوح ظبط زوايا بعد ما خلص ، جه وقت الحساب ، تتخيلو ادفع كام ؟؟؟
100ج فقط لا غير اه والله والحمد لله العفشه ظبطت
الف شكر لمصطفى وممدوح وكل الرجاله اللى هناك
والف شكر للاخ اللى دلنى على مصطفى من المنتدى للاسف مش فاكر اسمه
مشكله مصطفى الوحيدة هى الانتظار لانك لازم تكون مسقط اليوم دا من حساباتك