الموضوع: يارييت الكل يشارك يا جماعة محتار ما بين دول بالصور

المشاركة الأصلية كتبت بواسطة karim ibiza

طبعا البديهى طالما الـ 2 نفس السعر يبقى أروح للموديل الأحدث طبعا بعد تساوى الحالة

لكن من خلال الصورتين انا مش شايف انهم نفس الحالة

الصفراء دى من خلال الصورتين انا شوفت فيها كام حاجة وليا عليهم تعليق والله اعلم بباقى العربية




فروقات بين البابين مش مظبوطة
فروقات بين الباب الامامى والرفرف
سوكة الرفرف الخلفى مرسومة ومتنفخة من كتر المعجون اللى عليها
فرق فى لون الباب الخلفى عن الامامى

تحليل الكلام ده انها زى ما بيقولوا "مرسومة" بالمعجون, وكانت واخدة خبطة فى الجنب ده أثرت على الفروقات بتاعت الأبواب والله أعلم

العربية التانية رغم انها الموديل الأقدم بس حالتها أحسن من الصفراء مع ان الصورة مش وافية زى الصفراء بس فيه حاجات فى العربيات دى لو بصيت عليها هتحكيلك حالة العربية لوحدها زى مثلا ظبطة الاكصدام مع الرفرف و حالة عتب العربية والحتة اللى فوق البربريز الامامى

بالنسبة للمواتير: طبعا الـ 1400 موتور جميل وعملى جدا وانا كنت مركبه فى عربيتى 6 شهور وكنت بجرى وبسافر وكل حاجة وده 60 حصان واقصى سرعة جبتها بيه كانت 160 ولسه كان فيه يجيب اكتر

الـ 2e من المواتير المحفوظة بالنسبة للميكانيكية بسبب انتشاره وموتور غشيم فى الجرى واستهلاكه فى البنزين مش عالى بالنسبة للمواتير الـ 2000 سى سى التانية لأنه 8 صباب بس وهو 115 حصان

فيه دايما مقولة بنقولها هنا فى قسم سيات أو الألمانى عموما: لما تحب تركب ألمانى يبقى تركبه من واحد باشا مش من واحد شحات

والمقصود انك تشترى العربيات دى من راجل يكون بيصرف عليها وبيجيبلها حاجاتها الاصلى ومش بيبخل عليها, لكن متشتريهاش من واحد بيوفقلها حاجتها وشغل مشى حالك

وواضح ان صاحب الـ 98 شاب فاهم العربية اللى راكبها بديل اختياره لشكل ومقاس الجنط المناسب لموتوره ونضافة العربية وغماز الاشارة الغامق عشان يمشى مع لون الجنط

بعكس صاحب الصفراء!!!! باين قوى من العتب اللى هو عمله والجملة اللى كاتبها عليه وشكل الجنط (شغل تاكسجية) أسف على التعبير

والاختيار الاول والاخير ليك وربنا يوفقك

اولا حبيبى مشكووووووووووووووووووووور واللهى استاذ ما شاء اللة عليك
ثانيا : طيب لو كلام حضرتك مظبوط والعربية حالتها كويسة من جوة فبريكة وشاسية وحوض تمام وماتور جديد وحالتها الخارجية زى ما حضرتك شايف العربية تستاهل ال34 الف ؟؟؟
لأن البرتقانى بعيد عنى فى محافظة بعيدة وصاحبها مش عارض صور واضحة ليها زائد انها هتترخص والماتور 2000 ترخيصة غالى جدا على ما اسمع ممكن حضرتك تفيدنى اكتر فى سعر تجديد رخصة 2000 سى سى