مشكلة مدوخانى واريد فيها خبرة اعضاء المنتدى

**mohamedmortady** · 02-01-2014 03:34 PM

سيارتى ابيزا94-موتور جولف هاف انجكشن-شاركت من قبل بمشكلة العادم الاسود وتم حلها بعد تغيير البوابة وانتظمت السيارة بعد ذلك-ولكن ظهر عادم لبيض وتم تغيير طقم شنبر وجوانتلت واويل سيل صباب وبعد ذلك ظهرت مشكلة العادم الاسود مرة اخري ولكن عند التدوير باكر لو عند ركن السيارة لفترة وتم تجربة اكثر من بوابة وكذلك كنترول وتغيير حساس الحرارة وما الت المشكلة موجودة-هل المشكبة ممكن تكون تسييل في قواعد الصبابات زي ما واحد قالي ولو هي كده معناها ايه وكيف يتم حلها وهل الميكلنيكى اللي عمل عمرة المتور هو السبب فيها -يرجى الافادة علشان العربية زهقتنى واستهلاك البنزين بقي عالي جدا

**mohammad isdf** · 02-01-2014 03:59 PM

ممكن الموضوع يبقى ابسط من كده، اخر مرة عملت سيرفيس للعربية امتى؟ والكاربراتير او الرشاشات نضفتها متى ؟ جربت تروح مركز صيانة خاص بالكاربراتير/انجكشن ؟
اقترح عليك تروح لعصام الميكانيكى فى آخر شارع الهرم هيجيبلك بإذن الله التايهه.

**mohamedmortady** · 02-01-2014 04:06 PM

انا من الاسكندرية ومعلتش سيرفيس للعربية يجب من 6 شهور-غير تغيير البوابه باخري استيراد وكذلك تغيير فلتر البنزين وفلتر الزيت

**Karim Ibiza** · 02-01-2014 05:26 PM

المشاركة الأصلية كتبت بواسطة mohamedmortady

انا من الاسكندرية ومعلتش سيرفيس للعربية يجب من 6 شهور-غير تغيير البوابه باخري استيراد وكذلك تغيير فلتر البنزين وفلتر الزيت

روح لواحد فى محطة الرمل خلف سينما مترو اسمه حمادة جولف وان شاء الله يحل المشكلة

بس عموما الدخان الاسود يعنى خلل فى خليط البنزين مع الهواء فى دورة البنزين سواء بوابة او بوجيهات او رشاشات او طرمبة

**Karim Ibiza** · 02-01-2014 11:25 PM

من ش صفية زغلول هتدخل شمال من سينما مترو هتلاقى على ايدك اليمين بتاع قطع غيار فولكس اسمه مترو هتدخل الشارع اللى بعديه شمال (شارع صغير قوى) هتلاقى على ايدك اليمين ورشة صغيرة اسأل على حمادة جولف
هتلاقى شاب اسمرانى اسمه مصطفى خليه هو اللى يشتغلك فيها