اوعى تسيبه يا معلم لازم تعمل فيه حاجة تشفى النار اللى جواك
عرض للطباعة
اوعى تسيبه يا معلم لازم تعمل فيه حاجة تشفى النار اللى جواك
اولا ربنا يعوض عليك و فداك الف كاوتش زيه
ثانيا شكرا علي النصيحة الغالية دي فعلا ربنا يجازي ولاد ال.......
المستهترين ارواح الناس و مملتكاتهم
و انا رأيي من رأي الاخوه هنا احنا نعمل نحاول نعمل قائمة فيها اسامي محطات البنزين
اللي يحصل فيها كده علشان تعم الفائدة
انا بجد كمان اتمني انهم كانوا بدل ما يلزموا الناس بشراء شنطة و مثلث و برجل و غيارات ههههه
وحاجات من دي كان شافوا الناس دي احسن و كمان كانوا يوعوا الناس بضرورة انهم يجيبوا سنسورز بتتحط في الكاوتش علشان تعرفك اذا كان ضغطه قليل ولا لأ و كمان اذا انه بايظ و لا لأ
والسنسورز دي بتتباع علي فكرة بره و ناس كتيير بتفضلها في عربياتها
زي دول كده
http://www.globalsources.com/manufac...re-Sensor.html
او علي الاقل زي ده
http://www.rvsafetysystems.com/Tire%...or%20small.jpg
فياريت لو حد يعرف السنسورز دي بتتباع ين هنا في مصر يقولنا لأن بجد لو الواحد عنده الجهاز ده هيترحم من فذلكة و نصب و قلة ادب وكل حاجة وحشة بتيجي من ناس عديمة الامانة و الضمير و الاخلاق زي دي.
تخيل بقي لو كان الكاوتش ده مغشوش و الجنوط صيني نوع ردئ من اللي بيتني معاللي عملوه ده
فاحمد ربنا انك روحت سليم :))
وربنا يعوض عليك و كويس انك رجعت بخير
_____________
http://i92.photobucket.com/albums/l3...y/RoadRage.jpg
الموضوع ده منتشر بغباء وله عدة حلول قطعية :
أولاً : مهما يقولك أي حد إن الكاوتش فيه حاجه أو العجلة مريحة أو أي حوارات من هذا القبيل نفضله فوراً ، وسيبه وامشي حتى لو شفت بعينك الفردة على الأرض .
ثانياً : تعرف على طرق تخريم الكاوتش المتبعة في هذه المحطات وهي :
1. مسامير أو زجاج على مدخل المحطة ودي أقدم خدعة .. وده بيتم غالباً في بنزينات الطرق السريعة ..
والحل : حاول تدخل المحطة من على الأطراف ولو ممكن خشها من فتحة الخروج .
2. عامل المحطة ينبهك للكاوتش وعامل الكاوتش يخرم بالخاتم المقلوب أبو إبرة ..
الحل لو العامل نبهك ولا كأنك سمعته .
3. عامل البنزين مركب مسمار في الجزمة وهو بيمون يقوم مريح على عربيتك وبالجزمة وهاتك يا دب ..
الحل : انزل من عربيتك لما تمون ومتسمحش لحد يسند عليها بتاتاً
4. محطة زحمة وحركة كتير وواحد موطي وبيخرم في الكاوتش وانت مش شايفه ..
الحل : انزل من عربيتك أو بص في المرايات كويس وانت قاعد ..
وفي النهاية افعل ما يلي :
1. اشتري كمبريسور عجل تقيس به الضغط وتزود هوا .. هينفعك جداً حتى لو الفردة مخرومة لحد ما توصل لمحل ثقة ومضمون .
2. حط شنبر أو اتنين في شنطة العربية .. ولو العجلة مريحة فعلاً وقالك لحام وقطران على دماغه .. قله ركب الشنبر وانفخه هياخد بكتيره 3 جنيه المهم ميقربش من الكاوتش .. وحاول تصلحه في مكان تاني ..
المهم عدم الاستسلام لتصليح الكاوتش في أي بنزينة ، ومع تصاعد الوعي بذلك الحكاية دي هتختفي تدريجياً ..
تقبلوا خالص مودتي
الموقف ده حصلي بنفس الطريقة في محطة شل في الهرم قبل الطلعة بتاعة الدائري (معلش مش هعرف اوصفها بالضبط لأني مرحتش هناك غير مرة واحدة بس) ...
ولما رجعت وحكيت لواحد قالي لو حصل موقف زي كده اخليه ميلمسش الكاوتش وكل اللي يعمله لو كانت الفردة نايمة فعلا اني اخليه يزوده بزيادة وهتقعد تنفس لحد ما توصل لأقرب واحد ثقة ....
وربنا يستر علينا وعلى المسلمين وينتقم من الظلمة والحرامية اللي في كل مكان في البلد
ههههههههههههههههههههههههه هههه
حصل معيا بالظبط
بس دفعت 50 جنيه و فضلت متكدر طول السكه
عشان حاسس اني اتنصب عليا
و لما حكيت لابويا فضحني وسط قرايبي
ههههههههههههههههههههههههه هههههههههههههههههه
انا الحوار حصل معايا قبل كده من حوالى 5 سنين
كنت انا وجوز اختى بالادا بتاعته وكنا رايحين دريم بارك وكان بيفول راح العامل قاله العجله مريحه
وجاب الازازة اللى فيها مياه بلون ازرق كده ( اكتشفنا بعد كده ان دى مياه بصابون)وقعدت تطلع فقاقيع
وقلنا فيه 4 اخرام مع ان العجله مكنش فيها حاجه خالص
لأ وساعتها الخابور ده كان لسه جديد وخد 40 جنيه
حسبى الله ونعم الوكيل فيهم
ربنا يسترها من النصب والنصابين
وشكر على النصيحة
وشكرا ليك د.أحمد سمير على النصايح الغالية
لا اله الا الله
معلش ربنا يعوض عليك
انا حصل فعلا معايا الموقف دة و كنت لسه جايبة العربية و مرخصاها و داخلة توتال اللى عندنا فى المعادى اللى قدام جراند كافيه لقيت برده واحد جايلي و انا بمون يقولي على فكرة الفردة اليمين هتنام منك و لازملها هوا قولتلته لا شكرااا مش عاوزة و انا بضحك اوى :tt2: قام بصلي بصة احتقار و قرف و مشي:dunno:
أولا احب اشكركم كلكم كلامكم هون عليا كتير
وأشكر طبعا الاعضاء الكرام الى تفضلوا وقدموا نصايح وتنبيهات للناس الى متعرفش
وبالنسبه للفلوس الى دفعتها استعوضت ربنا فيها ...
مين عارف يمكن كان تحصل حاجة اسوأ من كده الحمدلله ع كل حال.
بس انا فعلا مذهول جدا جدا لأن كل الى حصل معايا حصل مع ناس تانيه كتير
معنى كده ان ديه ظاهره منتشرة جداااا... فين دور الرقابه او اى قانون يطبق على الناس ديه
ويحمى الناس الى زينا!!!!!!؟؟؟
مدام مفيش قانون يبقى اروح بقى افتحلى فى اى بنزينه وافضل افقع فى كوتشات الناس
واكسبلى ف الشهر اكتر من 2000 جنيه ده اكيد منطق الناس ديه لأنهم ف الاساس جهله وحراميه
بالنسبة للبنزينه الى حصلى الموقف ده فيها هى على مااتذكر انها مصر للبترول لأن وقتها كان بليل.
وربنا يكفينا ويكفيكم شرهم