جزاكم الله خيرا على التحذير
الموضوع منتشر من زمان
كان فيه موضوع هنا وكان مثبت عن تحذير من التعامل مع بعض محطات ابنزين اللي فيها نصب
يا ريت تحط اسم البنزينه دي فيها
رقم العضوية : 16043
تاريخ التسجيل : 09Aug2008
المشاركات : 264
النوع : ذكر
الاقامة : Assiut-♥-Alexandria
السيارة: LANCER SPORT 1.6
السيارة[2]: PEUGEOT 505 GTI 2.0
دراجة بخارية: لايوجد
الحالة :
السلام عليكم
أرجو ان كل الاعضاء يقرأو الموضوع كامل عشان محدش يتعرض للنصب الى انا وقعت فيه.
انا كنت مسافر من اسيوط لاسكندريه وخلاص طلعت من القاهره ومسكت طريق مصر اسكندريه الصحراوى وببص فى عداد البنزين لقيته فى الربع الاخير فاقولت افولها عشان اريح دماغى عدت اول بنزينه ومخدتش لبالى منها وتانى بنزينه رحت دخلها والعامل الى ف المحطه وهوا بيفاول العربيه قالى ابقى اكشف على العجل عشان شكله كاسر انا استغربت لأنى قبل السفريه كنت كاشف ع الكاوتشات كلها وبعدين انا لسه جايبها جديد يعنى مكملتش سنة بس رجعت وقولت انا على طريق سفر وبعدين معايا اهلى فاأضمن اخليه يقيس ضغط الهوا فيهم دخلت على بتاع الكاوتش فى جنب من جوانب البنزينه راح قاس ضغطهم وقالى فى عجلتين ناقصين شوية تحب اكشفلك عليهم بالمره من غير فك ولا تركيب قولتله ماشى اكشف راح مسك ازازه بلاستيك جواها ماده لونها اخضر وراح كبها على الكاوتش الاولانى راحت طلعت فقاقيع هواء كتيرة انا اترعبت وفكرت ان الكاوتش كله كان منفس المهم عمل نفس الحكايه ع الكاوتش التانى وحصل نفس الى حصل ف الاولانى راح قايلى انت مشيت على ازاز كتير قولتله معتدقش ويمكن اكون مشيت ماهو الطريق مليان بلاوى وبعدين انا مش هفضل انقى راح قايلى الكاوتشين دول لازم يتلحموا عشان ميناموش منك ف السكه قولتله ماشى الحمهم راح جابلى شوية لحامات الى امريكى والى تايوانى والى موزمبيقى قولتله حطلى أحسن حاجة قالى الامريكى بعشرين جنيه قولتله ماشى الحم وعلى البركه قالى الكاوتش الاولانى فيه عشر اخرام وهياخد عشر لحامات والتانى نفس الحكاية قولتله الحم بس الاول وبعدين نتحاسب بعد ماخلص قالى كده حسبنا 400 جنيه قولتله ليه ياعم دانا اجيب فردة كاوتش جديده احسن م ده كله قالى لألأ اوعى تغيرها خسارة دول لسه جداد وبعدين انا حاطتلك لحامات نضيفه خليتلك الكاوتشات زى الجديد مش هتحتاج كل شوية تلحم المهم وصلنا لحد 300 جنيه وانا مشيت ع اسكندريه وبعدها باسبوعين لقيت عجله من الى اتلحموا مريحه قولت عادى عاوزه تزود بس رحت لبتاع الكاوتش الى جنب البيت وزودها وتمام مفيش عشر ايام وراحت ريحت تانى رحت برضه لبتاع الكاوتش قالى هزودهالك بس لازم يتكشف عليها راح فكها وذوهل من عدد اللحامات الى كانت فيها قالى مين بوظلك الكاوتش ده...ده مش هينفع ولازم يتغير حتى لو ركبتله جوانى هيبقى الكاوتش مش مريحك رحت حكيتله ع الى حصل معايا فى البنزينه الى ع طريق مصر\اسكندريه الصحراوى قالى دول نصابين مكنتش خليت حد يلعب ف الكاوتشات خسارة ودول باين عليهم جداد يعنى انت كده اعمل ف حساباك انك هتغير فردتين ده غير الى دفعته ف البنزينه والله سعتها دمى اتحرق اوى كان الى يناولنى حد فيهم مكنتش هاعتقه حسبى الله ونعم الوكيل فيهم
أرجو من الاخوه الاعضاء الحذر الشديد من الناس ديه ولو حد من بتوع البنزينه قالك اكشف ع العجل اوعى تصدقه دانته تحطه تحت العجل وتدوس عليه عشان دول شوية حرامية وبيكونوا متفقين مع بعض وإن كنت حاسس ان الكاوتشات فيها حاجة اطلع بره البنزينه خااااااالص واكشف عليهم.
وأسف على الاطاله وكل سنة وانتوا طيبين
رقم العضوية : 10106
تاريخ التسجيل : 04May2008
المشاركات : 1,165
النوع : ذكر
الاقامة : mohandseen
السيارة: /punto evo 2011
السيارة[2]: terios 2008/PUNTO 2003
دراجة بخارية: لأ
الحالة :
جزاكم الله خيرا على التحذير
الموضوع منتشر من زمان
كان فيه موضوع هنا وكان مثبت عن تحذير من التعامل مع بعض محطات ابنزين اللي فيها نصب
يا ريت تحط اسم البنزينه دي فيها
[sor2]http://www.syarat4sale.com/wp-content/uploads/2010/12/nissan-tiida-002.jpg[/sor2]
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
حسبى الله ونعم الوكيل فى النصابين دول
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 2780
تاريخ التسجيل : 24Oct2007
المشاركات : 4,837
النوع : ذكر
الاقامة : beneath the sky
السيارة: Renault Clio 2007
السيارة[2]: Daihatsu Sirion XL 2008
الحالة :
فعلا الموضوع منتشر بس متزعلش الواحد مبيتعلمش ببلاش
كل واحد يبقي بس يكشف علي كل حاجة كويس قبل ما يسافر بحيث حتي ميضطرش يقف في البنزينات المشبوهة دي ..
Leadership is based on inspiration, not domination
رقم العضوية : 604
تاريخ التسجيل : 12May2007
المشاركات : 3,344
النوع : ذكر
الاقامة : مصر المحروسة-السويس
السيارة: لا يوجد
السيارة[2]: الحمد لله Tiida 07 auto
دراجة بخارية: لا
الحالة :
ربنا يعينك
حصل معى نفس الموقف بالمسطرة بس على اقل شويه و الحمد لله
كيميائى / محمد طه------------------بسم الله الرحمن الرحيموَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَصدق الله العظيمالتوبة 105
رقم العضوية : 4539
تاريخ التسجيل : 19Jan2008
المشاركات : 518
النوع : ذكر
الاقامة : egypt
السيارة: no
السيارة[2]: mercedes 230 w123
دراجة بخارية: no
الحالة :
فعلآ انا مابتعاملش فى العجل مع اى بنزينه مره العجله نامت جوه بنزينه الراجل قالى تعالى اعملهالك مرضدش
رقم العضوية : 828
تاريخ التسجيل : 31May2007
المشاركات : 1,010
النوع : ذكر
الاقامة : Agouza
السيارة: None
السيارة[2]: Lancer 1.6 AT FO 2008
دراجة بخارية: None
الحالة :
فيه واحد بتاع كاوتش امين و ابن حلال قريب من البيت ، عرفته من 4 سنين و من بعدها مش باتعامل مع اى حد تانى الا لو الشديد القوى
أما بتوع المحطات و كلمتهم الشهيرة "العجلة مريحة شوية تعالى هنا اكشف عليها" فدايما ارد عليه و اقول له "متشكر هى عاجبانى كده"
ده مرة واحد فيهم بيقول لى كده فى اول تفويلة و انا طالع من المعرض ، بصيت له و قلت له "تفتكر عربية من غير نمر و طالعة من المعرض هايكون كاوتشها بايظ مثلا ؟؟"
طبعا قعد يقول فى حجج فارغة علشان يدارى كسوفه ، و لكن فعلا احذروا لأن دى الأسطوانة المشروخة بتاعتهم
و على فكرة ، واحد صاحبى (اشتغل فى محطات بنزين قبل كده) قال لى ان ساعات النصاب من دول بيبقى مخبى فى ايده مسمار رفيع لكن ناشف جدا (رفع الإبرة) و هو عمال يحسس على الكاوتش عمال يخرمهولك و طبعا ساعتها لو مش مصدق ان فيه خروم "بص بنفسك يا بيه"
علشان كده اوع تخلى حد يلمسه
و ربنا يحفظنا ، و حسبى الله و نعم الوكيل فى النصابين دول و ربنا يعوض عليك
Dr. Sherif Mansy
أى سؤال أو استشارة فى طب العيون
الصحة تاج على رؤوس الأصحاء
لا يراه إلا المرضى
رقم العضوية : 2301
تاريخ التسجيل : 24Sep2007
المشاركات : 272
النوع : ذكر
الاقامة : mansoura
السيارة: PUMA 2008
السيارة[2]: PUMA 2008
الحالة :
حسبي الله ونعم الوكيل انا قبل ما اسافر بشيك علي كل حاجة عشان علي الطريق الي هيعملي حاجة مش
هرجعله لكن جوا البلد كل واحد بيبقا خايف علي سمعه المحل
رقم العضوية : 4801
تاريخ التسجيل : 23Jan2008
المشاركات : 490
النوع : ذكر
الاقامة : Cairo
السيارة: n/a
السيارة[2]: Optra
دراجة بخارية: لا
الحالة :
حسبي الله ونعم الوكيل ........ ربنا ينتقم منهم
نفس الموقف حصل معايا من سنه كده و دفعت بتاع 200 جنيه بعد الخناق
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
معلش ربنا يعوض عليك.:(
بس نصيحه
لما تدخل اي بنزينه ما تتكلمش مع حد نهائي
المفضلات