بفكر اشتري صني و بين المدافع و بين المهاجم انا محتاس

**kareem18** · 01-01-2014 12:20 AM

العربيه معايا 2014 وزى الفل ماشاء الله والله عربيه محترمه وعمليه جدا ومفيش مشاكل فى موديلات 2014 انا شايفها ممتازة وعلى قد فلوسك برضو واعتقد انها تاخد اكتر مبيعات فى 2013 يبقى اكيد سوقها هيكون كويس

**RamiAbbas** · 01-01-2014 12:42 AM

نصيحة انا معايا العربية بقاها 10 شهور و مش راضي عنها الصراحة
الفرامل مش كويسة و فيها عيوب تصنيع تقريبا و العيب بتاع بلي العجل ده حاجة زفت الصراحة
هات البيجو ال 301 او الستروين ال C-Elysee
على فكرة العربية معايا بقالها 10 شهور و لا مرة واحدة ال ABS اشتغل

**medo-312** · 01-01-2014 01:00 AM

المشاركة الأصلية كتبت بواسطة RamiAbbas

نصيحة انا معايا العربية بقاها 10 شهور و مش راضي عنها الصراحة
الفرامل مش كويسة و فيها عيوب تصنيع تقريبا و العيب بتاع بلي العجل ده حاجة زفت الصراحة
هات البيجو ال 301 او الستروين ال C-Elysee
على فكرة العربية معايا بقالها 10 شهور و لا مرة واحدة ال ABS اشتغل

نظام ال abs شغال طول مانت سايق العربية لأنه عبارة عن مستشعر لسرعة العجلات الاربعة طول الوقت ومعنى عدم عمله يعنى حضرتك ببساطة اتعرضت لحادثة ( لاقدر الله ) بسبب عدم استجابة النظام او جربت تفرمل العربية على سرعة عالية وزحفت معاك لمسافة طويلة .. هل ده حصل !! .. عموما دفعات 2014 لله الحمد مافيش فيها مشكلة التيل اللى كانت فى 2013 ودى برضه مالهاش علاقة بنظام ال abs

http://www.nawiseh.com/science/ABS/index.htm

http://www.youtube.com/watch?v=ZP40PoAPDOM

**edodahab** · 01-01-2014 02:23 AM

انا عربيتى من الدفعات الجديدة و متنديش اى مشكلة مع الفرامل بالعكس الفرامل ممتازة و انقذتنى اكتر من مرة الحمد لله
و اعتقد ان كل الدفعات الجديدة مفيهاش المشكلة دى

**Mohamed 555** · 01-01-2014 03:33 PM

متشكر اوي يا جماعة على الاهتمام و لو كده انا يا حجيب الاوتو في البيجو و لو الصني يبقى السوبر صالون ان شاء الله :)

**RamiAbbas** · 01-01-2014 07:32 PM

المشاركة الأصلية كتبت بواسطة medo-312

نظام ال abs شغال طول مانت سايق العربية لأنه عبارة عن مستشعر لسرعة العجلات الاربعة طول الوقت ومعنى عدم عمله يعنى حضرتك ببساطة اتعرضت لحادثة ( لاقدر الله ) بسبب عدم استجابة النظام او جربت تفرمل العربية على سرعة عالية وزحفت معاك لمسافة طويلة .. هل ده حصل !! .. عموما دفعات 2014 لله الحمد مافيش فيها مشكلة التيل اللى كانت فى 2013 ودى برضه مالهاش علاقة بنظام ال abs

http://www.nawiseh.com/science/abs/index.htm

YouTube

الabs المفروض يشتغل لما اكون ماشي على تراب و افرمل فجأة مثلا او مياة او سرعة عالية و دوست فرامل جامد و لا مرة من اللي فاتت دي ال abs اشتغل
انا كان معايا قبل النيسان الصني كان كيا سيراتو كان ال abs شغال مظبوط و كويس جدا و بيتدخل في الوقت المظبوط
الصني عمليا و لا مرة العجل قفش و اتزحلقت بس الفرامل ضعيفة جدا مقارنة بالسيراتو مثلا و ال abs ولا كأنه موجود

**heeshooheeshoo** · 02-01-2014 05:57 PM

المشاركة الأصلية كتبت بواسطة saddam

صديقي المواطن
قولا واحدا لو حضرتك تتبعت مشاركاتي يمكن أنا من أشد المدافعين عن صني الشكل الجديد ولكن الحق أحق أن يتبع لو معاك فلوس بيجو 301 هاتها فشكلها أفضل وأقيم وأفخم بمراحل والسوق ليها دلوأتي والصني مش وحشة ولكنها في حربها ضد بيجو 301 حتطلع على مفيش ولذلك مبيعات الصني بتتراجع في القاهرة وبتروح للأقاليم لصالح بيجو بإعتبار رفاق الكفاح في اﻷقاليم التأثير عليهم ليس بسهولة إبن القاهرة وبيمشي أكثر مع اللي عارفينه ومجربينه
ملحوظة عشان أبسطهالك اللي ساتر على صني الجديدة هي سمعتها وإسم الشركة العريقة لكن لو الشكل ده كان شكل عربية صيني لسه جديدة هل حد فينا حيفكر يجيبها ويجازف
أظن قطعا ﻷ
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

صديقنا المواطن صدام أكرمه الله جاب لك من الآخر كعادته .. المختصر المفيد
وأحب أن أضيف أن من مميزات سيارات نيسان فى مصر والذى جعلها تقف على أرض صلبة هو نيسان مصر ومراكز خدمتها وهذا عن تجربة شخصية حوالى 4 سنوات .. توكيل محترم بيخاف على سمعته ومابيستكبروش يصححوا أخطائهم.
أنا قابلت أحد الزملاء بالمنتدى واجه مشكلة شخصية بالفيتيس ثم فى علبة الدركسيون ( صنى الشكل القديم ) من حوالى سنتين أو ثلاثة والنتيجة إنه غيرهم على حساب نيسان .
طبعا الواحد بيسمع عن وكلاء مشهورين لماركات أخرى لاداعى لذكرها موضوع زى ده علشان تاخذ حقك فيه لازم توصل لحماية المستهلك وممكن قضايا كمان .

توكل على الله وإستخره وسيوفقك للخير بإذنه .

وتقبل تحياتى ،،،

**د.هشام** · 04-01-2014 11:17 PM

المشاركة الأصلية كتبت بواسطة ramiabbas

الabs المفروض يشتغل لما اكون ماشي على تراب و افرمل فجأة مثلا او مياة او سرعة عالية و دوست فرامل جامد و لا مرة من اللي فاتت دي ال abs اشتغل
انا كان معايا قبل النيسان الصني كان كيا سيراتو كان ال abs شغال مظبوط و كويس جدا و بيتدخل في الوقت المظبوط
الصني عمليا و لا مرة العجل قفش و اتزحلقت بس الفرامل ضعيفة جدا مقارنة بالسيراتو مثلا و ال abs ولا كأنه موجود

شكلك يا ريس عندك مشكلة في ماستر الفرامل (كان عندي نفس المشكلة) والتوكيل بغيره دلوقتي، روح لهم انت بس وقولهم الفرامل ضعيفة ولازم تدوس عليها للآخر وال abs مش شغال، وبالتوفيق أن شاء الله