الموضوع: زيادة أسعار الكهرباء.. أول هدايا الحكومة في 2014

المشاركة الأصلية كتبت بواسطة Y a r i s

انا ساكت من بدري ومتابعكم بس عاوز اقول حاجة
استاذ احمد ادهم صح. واستاذ. ابو اسر كمان صح. هتقولولي ازاي ... في مشكلة يا استاذ احمد عندنا في اكتوبر مثلاً او المدن الجديدة انهم مبيجبوش القراية الصحيحة الي في العداد وده حصل معايا. كانت بتجيلي فواتير ب ٢٠ جنية ٤٥ جنية وكده. لغايت مافي مره ببص في الي مكتوب في الفاتورة لقيت مثلاً بيقلك القراية الحالية. ١٢٥٠ ويقوم خاصم من قبل كده ويطلعلي. مبلغ صغير. وخلاص

لكن لمن جيت بصيت في العداد واشوف القراية. لقيت القرايه ٢٤٥٠ كيلو وات مثلاً، اذاً الكشاف لمن كان بياخود القراية كان بياخودها غلط ... ولمن واجهتوا. قالي لا انا باخود القراية صح لكن هما بينزلوها على الكمبيوتر غلط وتجيلي انا طبعاً فواتير اعتباطية رخيصة وادفع وانا فرحان معرفش ان العملية بتتراكم عليااااااااا على مر السنين والزمان .

دي نقطة : نقطة تانية احنا لسه دولة تعتبر رأس مالية اشتراكية مهلبية ... شريحة الغني من وجهت نظر شركة الكهربا. بتيجي بسعررر وشريحة. الفقير كمان من وجهت نظر شركة الكهربا. ليه سعر تااااااني. ... يعني ممكن واحد ساكن مثلاً في شبرا او بولاء او امبابة وبيلعب بالملايين لعب وبيبعت يجيب كونتينرات من بره بس ساكن في امبابة. او شبرا او حتى بولاء ده يعتبر فقير من وجهت نظر شركة الكهربا ومن ذوي محدودين الدخل :)

وواحد تاني عاطل عن العمل معاه بكلريوس بس مش لاقي شغل ويادوبك بيمشي حالوا من هنا او هنا بس ساكن. في المعادي او جردن سيتي في الشقة الي سابوهالوا اهلوا الله يرحمهم ويحسن اليهم كده. الواد الي عاطل ده يبقى غني من وجهت نظر كمان شركة الكهربا ويحاسب زي ما قال الكتاب. عن كل كيلو وكل جرام وكل لحسة كهربا. ولو طالوا يضيفوا عليه فاتورة كهربة الشارع هيضيفوها. ... وعلشان كده الناس بتصرخ وبتقول عاوزين عدالة اجتماعية لكن انا ب قول مش عاوز عدالة ولا نيلة انا عاوزة مساواه بين الناس في الحقوق والواجبات ومفيش حاجة اسمها اصل ده فقير وغلبان نطب طب عليه ونقعدوا على حجرنا ومفيش حاجة. اسمها ان ده مبسوط وغني نقوم نسلوخواااا ونفرتك فروة راسووو ... ونبيعوا الي قداموا والي وراه ... وشكراً

++++++++++++++++++

المشاركة الأصلية كتبت بواسطة أبو آسر

أنا بقالي شهرين بتصل بشركة الكهرباء يوم 10 في الشهر وببلغهم قراية العداد بنفسي علشان أتجنب موضوع التقديرات الجزافية وشغل السرقة اللي بيعملوه ده
بس لو برده الفواتير جت عالية هخليك انت اللي تدفعها علشان انت اللي عمال تدافع عنهم أهو
اتفقنا ؟

ماهو الموظف ممكن يسمع منك وميسجلهاش ويعتمد برضه على اللي بيكتبها الكشاف. أنا بعد ما غيرت العداد باسمي فات شهر والتاني ولسه الايصالات بتيجي بالاسم القديم رحت قالي خلاص غيرناها لقيت الشهر اللي بعده جايه بالاسم القديم رحت قلتهم عايز اشوف بيانات عدادي على الكمبيوتر بعيني لقيتها بالاسم القديم خليت الموظف يغيرها قدام عيني وبعد كده ظبطت. تخيل الناس بتكسل تكتب كلمتين على الكيبورد بس وقت ما تقوله تعالى اقف طابور قدام الخزنه عشان 50 جنيه علاوه هييجي يقف ساعه ورجله متوجعوش.

بس اوعدك لما اشتري شركه الكهربا كهربتك هتكون ببلاش وتشد 5000 كيلو في الشهر براحتك