الموضوع: زيادة أسعار الكهرباء.. أول هدايا الحكومة في 2014

المشاركة الأصلية كتبت بواسطة ahmed_adham

أنا فاهم الحسبه وهيه الاستهلاك بالوات مضروب في عدد ساعات التشغيل اليومي مضروبه في 30 ثم القسمه على 1000 بس عايز أشوف مثال ازاي واحد "غلبان" هيستهلك أكتر من 650 كيلو في الشهر لأن فيه ناس في الموضوع بتدعي ان استهلاك 650 كيلو في الشهر ده عادي وطبيعي في حين ان عشان توصل ل 650 كيلو في الشهر لازم يكون البيت كبير يعني 4 غرف كبيره مكيفه وريسبشن 100-150 متر مكيف أو تكييف مركزي مغطي الشقه كلها مع تلاجتين كبار وكام تليفزيون الخ الخ وقتها ماشي 650 كيلو تبقى طبيعي وده شخص ربنا يباركله مش هيزعل ويشتكي لما الفاتوره تزيد 100 جنيه ولا حاجه لأن ال 100 جنيه متجيش حاجه في فاتوره تليفونه انما اللي بيقول تلاجه وتليفزيون واضاءه بتعمل 400-500 كيلو عايز أشوف حسبها ازاي وتليفزيونه كام وات وتلاجته كام وات ولمباته كام وات عشان يبقى الكلام منطقي مش كلام جزافي.

كده احنا عملنا مثالين للمعيشه المتوسطه في حدود 150 كيلو عايزين نشوف مثال ال 650 كيلو عشان نتصور مستوى معيشه حد بالاستهلاك ده عامله ازاي.

هو الأخ عايش معانا هنا في مصر ولا بيفتي وخلاص ؟؟
650 كيلو إيه على 4 غرف كبيرة مكيفة ورسبشن 150 متر أو تكييف مركزي ؟!!!
أنا استهلاك شهر 9-2013 كان 1424 كيلو وات وشقتي 3 غرف صغيرين وريسبشن لا يتجاوز 35 متر والشقة كلها على بعضها متكملش 140 متر ومفيش غير تكييف واحد 1.5 حصان هو اللي بيشتغل معظم الوقت يعني نص يوم مثلا وتكييف في غرفة الأولاد زيه برده بس نادرا لما بيشتغل لأن معظم قعدتهم بتبقى في الريسبشن وتكييف للريسبشن 3 حصان أندر النادر لما بيشتغل علشان بنفتح البلكونة بتجيبلنا هوا
هو حضرتك بتجيب الأرقام والحسابات دي منين ؟!
آه بالمناسبة ..
الفاتورة دي كانت جيالي 610 جنيه !!!

المشاركة الأصلية كتبت بواسطة ahmed_adham

خلاص اكتبلي الاجهزه اللي بتستهلك بيها 1400 كيلو في الشهر واستهلاك كل جهاز منها كام وات ونحسبها سوا واللي بيفتي يعتذر للتاني.

تليفزيون 40 بوصة سامسونج led وريسيفر طبعا أظنه كيوماكس ميني
تلاجة كريازي عتيقة من 7 سنين
ديب فريزر الكتروستار بقاله أكتر من سنتين
غسالة كريازي عتيقة من 7 سنين
جهاز كمبيوتر وأحيانا اتنين
لمبات كلها موفرة و5 بس فلورسنت (نيون)
سخان كهرباء 50 لتر عتيق برده من 7 سنين
سخان تاني أعتقد 30 لتر من 4 سنين تقريبا
غلاية مياه
غسالة أطباق جديدة حجم كبير بتشتغل مرة واحدة في اليوم تقريبا
زائد التكييفات اللي قلتلك عليهم ومش بيشتغل منهم غير واحد 1.5 حصان بصفة شبه دائمة في الصيف بس والباقي نادرا لما بيشتغل
مفيش دفايات مفيش مكواة

يعني المعدل الطبيعي لأي شقة متوسطة لا 4 غرف كبار ولا تكييف مركزي ولا رسبشن 150 متر !!

المشاركة الأصلية كتبت بواسطة Ahmed_Adham

وبمناسبه الفتي دي فاتوره شهر 11 ب 49 جنيه

http://i.imgur.com/R6yQ53c.png

ودي فاتوره شهر 12 ب 58 جنيه

http://i.imgur.com/DHPsIb0.png

والعداد ديجيتال على فكره اللي ناس كتير بتقول انه بيسجل الاستهلاك بزياده وأنا طبعا مش مقتنع بالكلام ده

طبعا الفاتورتين بعد خصم 90% اللي بياخده الانقلابيين على فواتيرهم

وعلى فكره عندي تليفزيونين 46 و 32 بوصه وتلاجتين 24 و 18 قدم و 4 مكيفات 2.25 حصان وسخان كهربا فوري 9 كيلو ودفايه 2200 وات وغساله أوتوماتيك 7 كيلو وجهاز جري 2.5 حصان و 2 لابتوب وبلاي ستيشن و wii وتابلت وميكروويف وساوند سيستم ومكوه وغلايه. عايش حياتي مش قله وحصيره يعني ومع ذلك أخر فاتوره الشتا 60 جنيه زي ما انت شايف ومش عارف هتصدقني ولا لاء لو قلتلك اني بشغل المكيف في الشتا كمان بتاع يومين ولا حاجه في الاسبوع حسب الجو انما في الصيف الفاتوره بتبقى حوالين ال 200-250 جنيه بسبب المكيفات يعني ده استهلاك شخص حياته فوق المتوسط بشويه وارجع لكلام Batman372 بما انه الوحيد اللي كتب استهلاك أجهزته غيري وهتلاقي الكلام قريب من بعضه عندي وعنده.

تحب أجيبلك كوبون خصم الانقلابين؟

انا مش عايزك تفرح أوي علشان الانقلابيين ملهمش عزيز على فكرة
كل الفواتير اللي بتجيلك دي غالبا تقديرات جزافية ممكن يكون الكشاف يا إما مش بييجي يا إما بييجي وبياخد قرايات أقل من الفعلية وفي شهر من الشهور الجاية وغالبا هيكون على أول الصيف كده هتلاقي فاتورة محترمة ممكن تعدي 700 جنيه باستهلاك أكتر من 1500 كيلو وات
بس ساعتها ابقى افتكرني ومش عايز منك كوبونات خصم أنا عايزك بس وقتها تدفعلي فاتورتي معاك مش أكتر