بشرى لكل الى حاجز و مستنى الدفعه الجديده وصلت اليوم بميناء الاسكندريه و بتخرج اليوم و فيها 301 و 508 بكميات كبيره
عرض للطباعة
بشرى لكل الى حاجز و مستنى الدفعه الجديده وصلت اليوم بميناء الاسكندريه و بتخرج اليوم و فيها 301 و 508 بكميات كبيره
اولا كل عام و انتم بخير بمناسبة العام الجديد
ثانيا انت شوفتها انهردة في الميناء و لو هى فعلا دخلت يبقى هيبتدوا تسليم امتى
كل سنة و انتوا طيبين ... خبر جميل جداً على أول السنة :))
فعلا انا كلمت التوكيل النهاردة قالى تقدر تيجى تكمل باقى المبلغ والاستلام الاسبوع الجاى ان شاء الله
يارب يفرجها على كل الحاجزين وعام سعيد على الجميع
الف مبروك للجميع و كل سنة و انتم طيبيين
الف مبروك ليكم كلكم و شكلى كده ححصلكم و اجيبها قريب ان شاء الله
انا كلمت التوكيل النهاردة ورد على مندوب المبيعات بتاع صلاح سالم وقالى ان فية مركب جلت منهم بسبب حجوزات الجيش وربنا يسهل على اخر الشهر هيكون شهر 10 و11 مستلمين جميع الفئات
خبر جميل جدا يا مسهل الحال يارب وانا بسأل smsm2004w انت قصدك ايه مركب جلت منهم بسبب حجوزات الجيش
علشان انا مش فاهم
يا رب
انا هاكلمهم بكره إن شاء الله
يعنى المركب اللى كانت المفروض هتتوزع على الحاجزين بتوع اخر شهر 9 وشهر 10 استلمها الجيش لأنهم حاجزين كمية كبيرة جدآ.. و التوكيل مأخدش منها اى عربيات المركب دى وصلت نص شهر 12 تقريبآ فأخرت الحجوزات اللى بعدها كمان لأن المصنع مزودش انتاجة واللى بيحجز جديد بيستلم بعد 3 شهور بعد ما كانوا بيقولوا شهر ونص :majd(2):
انا اتصلت برضه بمندوب المبيعات قالي ان المركب دي فعلاً حصص المعارض فيها قليل اوووووى و الجيش بقي يعلي حجزة وربنا يسهل ع الشحنه الجاية
شكراً علي الخبر الحلو دا,
وتستلمو علي خير يا جماعة إن شاء الله.
واللي لسه مستلمش ميقلقش لأن المصنع هيزود الطاقة الأنتاجية بتاعته السنة دي عشان يغطي الطلب الزايد علي العربية,
وهنلاقي عربيات أكتر داخلة مصر السنة دي عشان تغطي حجوزاتها.
السلام عليكم
انا لسه قافل مع التوكيل فرع وادى النيل
وقالى إن مافيش مراكب دخلت والمركب أصلا المفروض تدخل على يوم 10 فى الشهر.
قلتلة يمكن تكون وصلت بس ماجالكش خبر
قالى لا لانهم بيعرفونى وهى العربيات فى المنطقة الحرة علشان أكلم العملاء.
أنا مش عارف الصراحة متحير !!!!!!
هل يمكن العربيات اللى شافها ezzdabo فى الميناء ديه مش رايحة التوكيل أصلا ؟؟؟
ولا هما لسه مابلغوش الفروع إن العربيات جت ولا أيه بالظبط ؟
والله ان مش فاهم اي حاجه خالص هي جت ولا لسه
فعلا انا كنت فى التوكيل امبارح بتاع صلاح سالم وقالى ان العربيات وصلت وتم تخصيص العربية بتاعتى وان شاء الله الاستلام من اسبوع ل 10 ايام بحد اقصى و التسليم للحاجزين من شهر 9
:new:
يعنى وادى النيل بيقول حاجه و صلاح سالم بيقول حاجه تانيه...!!!
امبارح التوكيل قال لسة المركب ما دخلتش هل يمكن يكون التوكيل ما عندوش علم بالمركب :36_1_50[1]::36_1_50[1]::36_1_50[1]:إللي بيقولوا عليها الأخوة في المنتدي و لا إحنا بيتلعب بينا و لا إيه ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!! !!!!!!!!!!!:untitled::untitled::untitled::untitled :
:new::new::new:يعنى وادى النيل بيقول حاجه و صلاح سالم بيقول حاجه تانيه...!!!:36_1_50[1]::36_1_50[1]::36_1_50[1]::36_1_50[1]::36_1_1[1]::36_1_1[1]::36_1_1[1]::untitled::untitled:
لا تعليق
يا جماعه انا كنت فى المينا في اسكندرية النهارده وشوفت كميه عربيات بيجو كتير اوى وانشاء الله كله يستلم على خير
وعقباااااااااالى
تفتكرو مع الضغط القوي علي السيارة ده هل هنشوف في وقت قريب التوكيل معندوش قائمة انتظار وبيسلم مباشرة ؟؟؟ اعتقد ان الوقت ده مش هيكون قريب باي حال من الاحوال
علي اي حال مبروك مقدما للي هيستلمو ياريت يفيدونا بانطباعتهم عن السيارة لما يستلموها ويجروبها وينقلولنا خبرتهم معاها
تحياتي
أهلا أستاذ رامي,, بخصوص الضغط علي السيارة وقايمة الأنتظار راجع دول,,
http://www.nilemotors.net/Nile/396026-301.html
http://www.nilemotors.net/Nile/397773-cdcm.html
بعد ما تقرأهم بقي راجع الخبر الحلو دا, :tumb:
دزايـر اوتـو : Peugeot تضاعف من الطاقة الإنتاجية لتصنيع 301
بخصوص الأنطباعات راجع دول,
http://www.nilemotors.net/Nile/38028...post3875200422
اشكرك يا استاذ احمد علي اهتمامك ومتابعتك للمواضيع والردود
بس احب اقولك اني متابع كل المواضيع بشكل يومي ومتابع الاخبار , يمكن اول مرة اشوف موضوع زياده الطاقة الانتاجية لتصنيع 301 , وده مش غريب عنك لانك ديما بتجيب الي ميتجبش
انا كان غرضي من السؤال طرح سؤال جدلي للمشاركين في الموضوع لاثراء الحوار والنقاش وملئ الفراغ العاطفي لدي حاجزي السيارة والمنتظرين مثلي استلامها
تحياتي
انا لسه متصل على فرع صلاح سالم وقالى ان العربيات لسه موصلتش المعرض وهاتوصل خلال الايام الجاية
انا كان عندى امل استلم فى الدفعة دى بس اتصدمت
كلمت التوكيل صلاح سالم اليوم وقالى لا انت على اخر الشهر
انا حاجز 24/10
يا مسهل يا رب
لسه مكلم الراجل اللي حجزت عنده قال لي فعلا الجيش واخد المركب دي كلها و مديين كل فرع عربيتين تلاتة و مس قادر يحدد لي معاد و قال لي ربنا يسهل و ماعندوش وقت محدد. متهيالي بتوع نص 11 مش قبل نص فبراير لانه بيقول الادارة بتلومهم لان التعليمات كانت 3 شهور على الاقل مش شهر و نص زي ما قال لي
لأ بأه بجد كده يبقى حراااااااااااااااام لو الكلام ده صحيح لأن الجيش او اى جهة ايآ كانت ليس لها اى اولوية انا اللى اعرفه ان الجيش أخد المركب بتاعة نص شهر 12 وقالولى فى التوكيل ان هم هيخلصوا الحجوزات اللى متأخرة بتاعة شهر 9 و10 و11 قبل ما يدوا الجيش الدفعة الثانية . لكن لو كلامك صحيح يبقى ده اسمه استهبال :dontudear: لأن التأخير ده على حسابنا لأننا حاجزين قبل الجيش ما يفكر فى العربية من الأساس وكمان لو العربية غليت احنا اللى هنتحمل فرق السعر مش التوكيل او الجيش اللى اخد العربيات بتاعتنا علشان هما يركبوها بالتقسيط المريح ومن غير انتظار يا ريت الكلام اللى اتقال لك يكون غلط :019F3B~14:
روق يا سمسم .. صحتك يا شقيق
الكيبورد ذنبه ايه طيب هههه
بص هم ان شاء الله حيسلمونا الشهر ده اصل مستحيل تشتري عربيه بيتغير الموديل كل سنه و تحجزها في 3 شهور و بعد كده يقولك انا حتأخر عليك لسه
ساعتها كل واحد حاجز حيروح يتعامل معاهم معامله تخسرهم اسمهم اللي بيحاولوا يبنوه تاني
بس تفائل خير ان شاء الله :)