الموضوع: مشاكل فى الفيكترا سى

المشاركة الأصلية كتبت بواسطة sherif opel

السلام عليكم
مكنتش حابب ان اول مشاركة ليا تكون بمشكلة بس النصيب معلش استحملونى شوية علشان انا لسة جديد فى الفيكترا سى
اولا انا لسة شارى العربية و حاسس انى تاية فيها مش فاهم اى حاجة يعنى مثلا
- انوار الصالون مش شغالة فالعربية ضلمة جدا بالليل و الشنطة كمان مش بتنور
-الكاسيت بيشتغل اول ما ادور العربية
-العربية مش بتجمع سرعة معايا اعلى من 90 ف بحس باغيارات لحد الرابع و بحس ان العربية بتتخنق يعنى بدوس بنزين و كانى دايس و العربية مبطلة لكن فى السرعات الاقل الدوسة جميلة و العربية ناعمة
-لما حاولت اقرص عليها علشان اعدى ال90 حسيت ان الار بى ام هيفرقع منى جاب 6 وصوت العربية على جدا وجبت سرعة 150 بس كتب على الشاشة حرف f مكان حرف ال a و بعدين مبقاش ف استجابة للدوسة شوية وبعدين لما جابت ال90 تانى رجعت زى الاول
-الشاشة بتاعت العربية بدوس ستينج و مش بعرف اطلع او انزل او اختار اى حاجة و جربت كل البكرات اللى فى العربية مفيش فايدة
انا اسف على الاطالة بس معلش انا عارف ان كل اللى بيفهمو فيها هنا وخايف اروح لاى حد و انا مش فاهم ف يضحك عليا و شكرا

ازاي تشتري عربيه فيها مشكله زي دي ؟ 90 كم ؟
سيبك من الراديو والانوار دلوقت خالص ركز فالمهم

المشكله دي ممكن تكون الاتي طبعا كشف الجهاز هيفيد كتير

1-طقم دبرياج .... انا متجنن انك بتقول العربيه ناعمه تحت ال 90 !!!! و بتجمع حلو ؟؟؟ ازاي يا جدع ؟ لو فرضنا ان العربيه زي ما بتقول مش بترعش فالطلعه ولا المرشدير و بتجمع زي الحلاوه و بتسحب و بتنقل بنعومه كدا ننتقل ل نمره 2
2-الفتيس مش بيعرف يجيب الخامس انت بتقول بتحس ب 4 نقلات بس !!!! ودا بيكون لافيه الخامس تعيش انت .... هتغير فتيس او تصلح الخامس
3-العربيه مغيره فتيس و نسب التروس بالنسبه للخامس مش مناسبه للعربيه اللي كمبيوتر الفتيس مفروض يشوف مثلا 100 كم عالخامس عند 3000 rpm لو شاف اقل من كدا هيسجل كود انخفاض في الكم ساعه مقارنه بال RPM و يديك ال F المنيله ودا طقم دبرياج مفوت او فتيس مش بتاع العربيه

ال F ممكن جدا تكون نتيجه ان الفتيس مش عارف يجيب الخامس


لمعلوماتك انت لما دوست جامد وفالغالب سحبت عالرابع ... الرابع يوصلك 160 على 6500 RPM و اول ما خفيت رجلك بالعربيه حاولت تجيب خامس طبعا و معرفتش ف ادتك F او جابت خامس لكن نسبه الخامس مش مظبوطه نتيجه ان العربيه مغيره فتيس مش مظبوط


انا سامعك بتقول مش بتستجيب لدوايه البنزين ؟؟ الاحساس ده لما العربيه بتتزنق في غيار مش عارفه تعشقه بتتلهي و تتلخم و تنفض للسواق و مبتستجبش للبنزين


انت اول فئه ؟ ولا لا ؟ الشاشه الكبيره ولا الصغيره ؟

المشاركة الأصلية كتبت بواسطة ashourashour

ازاي تشتري عربيه فيها مشكله زي دي ؟ 90 كم ؟
سيبك من الراديو والانوار دلوقت خالص ركز فالمهم

المشكله دي ممكن تكون الاتي طبعا كشف الجهاز هيفيد كتير

1-طقم دبرياج .... انا متجنن انك بتقول العربيه ناعمه تحت ال 90 !!!! و بتجمع حلو ؟؟؟ ازاي يا جدع ؟ لو فرضنا ان العربيه زي ما بتقول مش بترعش فالطلعه ولا المرشدير و بتجمع زي الحلاوه و بتسحب و بتنقل بنعومه كدا ننتقل ل نمره 2
2-الفتيس مش بيعرف يجيب الخامس انت بتقول بتحس ب 4 نقلات بس !!!! ودا بيكون لافيه الخامس تعيش انت .... هتغير فتيس او تصلح الخامس
3-العربيه مغيره فتيس و نسب التروس بالنسبه للخامس مش مناسبه للعربيه اللي كمبيوتر الفتيس مفروض يشوف مثلا 100 كم عالخامس عند 3000 rpm لو شاف اقل من كدا هيسجل كود انخفاض في الكم ساعه مقارنه بال RPM و يديك ال F المنيله ودا طقم دبرياج مفوت او فتيس مش بتاع العربيه

ال F ممكن جدا تكون نتيجه ان الفتيس مش عارف يجيب الخامس


لمعلوماتك انت لما دوست جامد وفالغالب سحبت عالرابع ... الرابع يوصلك 160 على 6500 RPM و اول ما خفيت رجلك بالعربيه حاولت تجيب خامس طبعا و معرفتش ف ادتك F او جابت خامس لكن نسبه الخامس مش مظبوطه نتيجه ان العربيه مغيره فتيس مش مظبوط


انا سامعك بتقول مش بتستجيب لدوايه البنزين ؟؟ الاحساس ده لما العربيه بتتزنق في غيار مش عارفه تعشقه بتتلهي و تتلخم و تنفض للسواق و مبتستجبش للبنزين


انت اول فئه ؟ ولا لا ؟ الشاشه الكبيره ولا الصغيره ؟

انا الشاشة الصغيرة

المشاركة الأصلية كتبت بواسطة Abdo Taha

معلش يا استاذ عاشور هو ايه لافيه الخامس ؟ حضرتك تقصد الترس الخامس في الفتيس ؟

هوا دراع بيوصل بين مواتير التعشيق و غويشه الخامس

وعلى فكره اي سرعه ترسين مش ترس واحد ترس ثايت وترس بيتثبت في العمود بالغويشه

واللي بيحرك الغويشه الافيه

دي كلها اسماء الصنايعيه عايز الاسماء العلميه ؟


ملحوظه لصاحب العربيه

لما تنوي تفك فتيس خلاص


قبل متفك اعمل gearbox learn parameters بال tech2

ممكن العربيه تظبك و لو فعلا الخامس فيه مشكله

العربيه مش هتدور تاني ... واخد بالك مش هتدور تاني الا لما الفتيس يتفك والخامس يتصلح و تعمل learn تاني