ّّّّّ||( ميكـــــــــــانيكى مجنــــــــــــــــــــــ ــــــون !!!)||

**ahmedesmat1987** · 02-01-2014 12:18 AM

من كام يوم كنت مع قريبى عند الميكانيكى بتاعه اللى انا اصلا مش بعترف بيه كاميكانيكى

المهم قريبى كان بيعمل شويه صيانات لعربيته النيفا : وفجاءة لقى الميكانيكى بيقوله الزيت اللى فى العربيه محروق ..... قاله ماشى ابعت هات زيت وهاحسبك عاليه وحطه المهم قاله ماشى وهنجيب كمان جاز عشان نغسل الموتور فاقريبى قاله ماشى .... المهم جاب الزيت والجاز وجيه لحد هنا الامور ماشيه طبيعى ..... اللى مش طبيعى لقينا الميكانيكى فك طبه الزيت ونزل كل الزيت اللى فى العربيه وراح رابط تانى فانا بقول لقريبى هو بيعمل ايه ولسه بتكلم معاه لقيته بيقول لقريبى دور فانا بقول لقريبى تدور ايه هى العربيه فيها زيت انت مجنون لاقيته بيقولى مهو حط مكان الزيت جاز عشان يغسل المكنه من جوة................... قولتله ايه انا اول مره فى حياتى اشوف حد بيعمل الجنان دا لاقيته راح مدور العربيه راحت معتله شويه وراحت دايره بس صوتها كان مكتوم اوى والتاكيهات صوتها مكانش باين والامور كلها كانت ماشيه طبيعى شويه ولا قينا العربيه بطلع دخاااااااااااان من كل حته زى متكون بتولع بصيت للمكانيكى وقولتله بوظت الموتور جدع ؟ لاقيته بيضحك وقال لقريبى بطل العربيه راح مبطل العربيه وراح الميكانيكى نازل وصفى الجاز وحط مكانه زيت كالتكس وغير الفلتر .........وراح طالع تانى وقاله دور ..... راحت دارت العربيه طبيعى جدا وكان شىء لم يكن .........

السؤال هنا هل اللى حصل دا طبيعى ولا فيه ضرر على العربيه ؟

ولو كويس هل ينفع اعمله عندى فى 128 ولا هتبوظ؟؟

تحياتى

**eng.salama93** · 02-01-2014 12:48 AM

متابع

**besso** · 02-01-2014 12:50 AM

اللي الميكانيكي ده عمله افنه غسل الماتور من بس بدل ماينفخ بالجاز عن طريق مسدس هواء( بس اللي اعرفه ان الماتور بيتغسل من جوه بالبنزين) راح حط جاز وخلي الماتور غسل نفسه في تقديري غلط لكن استني رأي الاعضاء

**ahmedesmat1987** · 02-01-2014 01:06 AM

المشاركة الأصلية كتبت بواسطة besso

اللي الميكانيكي ده عمله افنه غسل الماتور من بس بدل ماينفخ بالجاز عن طريق مسدس هواء( بس اللي اعرفه ان الماتور بيتغسل من جوه بالبنزين) راح حط جاز وخلي الماتور غسل نفسه في تقديري غلط لكن استني رأي الاعضاء

ياباشا دا حط مكان الزيت جاز ...........ازاى الكلام دا وحضرتك كمان بتقول المفروض يحط بنزين ........دا كان البنزين اتبخر فى اول تدويره والموتور قفش ........ انا عارف ان الجاز ماده زيتيه اى نعم بس مش بلزوجه الزيت المخصص للموتور فالبتالى انا كل قلقى انه يبوظ حاجه فى الموتور

**mhkorayem** · 02-01-2014 01:09 AM

؟؟؟؟؟
غريب الموضوع ده

**besso** · 02-01-2014 01:33 AM

المشاركة الأصلية كتبت بواسطة ahmedesmat1987

ياباشا دا حط مكان الزيت جاز ...........ازاى الكلام دا وحضرتك كمان بتقول المفروض يحط بنزين ........دا كان البنزين اتبخر فى اول تدويره والموتور قفش ........ انا عارف ان الجاز ماده زيتيه اى نعم بس مش بلزوجه الزيت المخصص للموتور فالبتالى انا كل قلقى انه يبوظ حاجه فى الموتور

لا انا مش قصدي يحط بنزين بدل الجاز ويدور انا قصدي انا يفك الكارتيره يغسل الماتور من تحب بالبنزين لكن مش يعبيه بدل الزيت ويدور .....وفعلا الجاز فيه نسنبه زيت لكن انا مش عارف قدرته علي اذاله الزيت ايه

**hugan** · 02-01-2014 01:54 AM

متابع يمكن حد فاهم يفيدنا

**د.أبونضال** · 02-01-2014 06:39 AM

المفروض فيه حاجة اسمها flush engine بتنظف الموتور قبل غيار الزيت وهي في الحقيقة عباره عن كيروسين أبيض نقي جدا مع إضافات سرية تبع كل شركة يعني وهي توضع على الزيت قبل تنزيله من السيارة علشان يخفف لزوجته ويتم تدوير الموتور لتقليب الزيت المخلوط بالكيروسين الأبيض فيه ثم يتم تنزيله ووضع زيت رخيص ثم تدوير الموتور وتنزيل الزيت الرخيص ثم وضع الزيت المعتاد للسيارة .... لكن يرى الخبراء ومنهم المهندس سبعاوي أن هذا الأمر غير مستحب لأن الكربون المتراكم على أجزاء الموتور يكون قد أصبح جزءا منها وإزالته قد تتسبب في تسلخ الأجزاء والتعجيل بالعمرة... الخلاصة أنه ماحدث في فكرته صحيح وفي إجراءاته خطأ شديد.