العربية بتاكل ميه

**omars2010** · 03-01-2014 06:13 PM

طيب البلوك اشتريه منين ونوعه ايه ومين افضل واحد يعملهولي
انا من اسيوط واتعاملت مره قبل كده مع المهندس خالد اسماعيل
ارجوا نصيحتكم

**mo3tazanas** · 03-01-2014 06:41 PM

المشاركة الأصلية كتبت بواسطة omars2010

طيب البلوك اشتريه منين ونوعه ايه ومين افضل واحد يعملهولي
انا من اسيوط واتعاملت مره قبل كده مع المهندس خالد اسماعيل
ارجوا نصيحتكم

البلوك دة يعنى الماتور ...هتغير الماتور ..بس طبعا مش كامل لان عاندك بقيت ماتورك سليم
البلوك دة عبارة عن من فوق كدة بالترتيب (التكيهات +وش السلندر +البلوك +كارتيرة الزيت ) دة كلة اسمة البلوك
ودة عاندك بيعمل حوالى من 5الف الى 5.5 الف حسب الحالة والمكان ...هتشترية من الحرافين وراىى انك تشترية وتركبة فى الحرافين علشان لو قدر اللة مطلعش كويس تفكة وترجعة لان العملية جنب بعضها بالاضافة الى انك وانت بتركب ممكن تحتاج تغير حاجة او تركب حاجة فا يبقى سهل انك تشترى الحاجة على طول من جانبك بدل ما تطوخ مشوار علشان مسمار مثلا او كوعة ماية مثلا اتكسرت يعنى ....بحيث كلة يبقى جنب بعضة

**mo3tazanas** · 03-01-2014 06:53 PM

ولو تحب اجى معاك انا تحت امرك

**omars2010** · 04-01-2014 09:35 AM

المشاركة الأصلية كتبت بواسطة kaboky_2010

يعنى يا جماعة اى مية من الشكمان يبقى الماتور بيودع

طب انا عربيتى 2010 وبسم الله ما شاء اللح حلوة بس لما بدور العربية واحد ايدى واسد الشمكان بحس ان ايدى مندية كدة فيها نقط مية كدة يبقى غلط ولا اية مع انى سمعت ان الشكمان لو بيعمل نقط مية خفيف يبقى كدة ماتور كويس جدا كمان

في فرق حضرتك بين نقط الميه اللي بتنزل من الشكمان نتيجة الاحتراق ودي بتبقي من نواتج الاحتراق ودي بتثبت زي ماحضرتك قلت كفاءة المحرك
ونزول ميه كتير مصاحب لنقصان ميه في القربة ودي بتثبت ان فيه تسريب جوا المحرك

**omars2010** · 04-01-2014 09:38 AM

برضوا يااستاذ معتز انا عايز اعرف <لو عندك المعلومة> البلوك بمحتوياته اللي حضرتك ذكرتها ده اصلي ولا استيراد ولا ايه بالظبط
كذلك لو تقدر تفيدني بمين بالظبط اللي اقدر ارحله في الحرفيين او في القاهرة عموماً ويكون افضل واحد

**mo3tazanas** · 04-01-2014 04:07 PM

المشاركة الأصلية كتبت بواسطة omars2010

برضوا يااستاذ معتز انا عايز اعرف <لو عندك المعلومة> البلوك بمحتوياته اللي حضرتك ذكرتها ده اصلي ولا استيراد ولا ايه بالظبط
كذلك لو تقدر تفيدني بمين بالظبط اللي اقدر ارحله في الحرفيين او في القاهرة عموماً ويكون افضل واحد

بص ياسيدى
واضح ان خبرات حضرتك فى الميكانيكا قليلة شوية ...ركز معايا ...الموضوع مش صعب
انت هتاخد بعضك فى يوم من بدرى على الساعة 11او 12 بالكتير تكون فى الحرفين هتخش على اى حد من الميكانيكية اللى بيشتغلوا فى السكودا ..فى واحد هناك اسمى هانى اسمع عنة بس ما اتعملتش بس اى حد لان الموضوع سهل ..سلاموا عليكوا ياعم الحج ...هيقلك وعليكم السلام ..هتقلة انا عايز غير مكنة بوحدة استيراد ...هيقولك ومالة امتى ؟...هتقولة دلواتى ..وتقوم واخدة ورايح فى كذا واحد فى الحرفين بتوع مواتير استيراد انا سخصيا اتعاملت مع 2 فى شارع المرسيدس فى الحرفين ..هتخش على الراجل ..سلاموا عليكوا ..عليكوا السلام ...عايزين مكنة اية 5 ياعم الحج ...موجودة ...بيكام .....بكذا ...لابيكذا ...خلاص تمام ...نقى بقى ياعم الاسطى الميكانيكى المكنة ....هينقى ....خلاص هناخد المكنة دى ..هيعد يفك يفك ...تمام كدة ...تمام ..تقوم هاططها فى الشنطة عاندك وراجع على الورشة الميكانيكى هيحل مكنتك وهيسقط المكنة اللى انت جايبها.. وشكرا ...دور ياعم الحج ...تمام ..تمام ....مش تمام تفكها تانى وترجعهالة وان شاء اللة يطلع كويس ...الوضوع ياخد حوالى يوم لو الميكانيكى فاضى ويومين لو عاندة شغل
شوف كدة وظبط حالك وكلمنى ممكن اظبط معاك يوم ننزل فية سوا نخلص الليلة دى بدل ما تروح لوحدك ودة رقمى 01222396768