الولادة بالخارج ... ومنح الجنسية

**jackson_75** · 02-01-2014 07:21 PM

السلام عليكم ورحمة الله وبركاته

انا كنت عرفت أن فى بعض الدول زى كندا لو واحدة مصرية ولدت فيها فبتمنح الطفل المولود الباسبور والجنسية الكندية ، فهل النظام ده بينطبق على امريكا وسويسرا وبعض الدول الاوربية الاخرى ، وياترى ايه اسماء الدول دى اللى ممكن تعطى الطفل جنسيتها فى حالة الولادة بها من ام مصرية .
وكمان عاوز أعرف لو انا عاوز أخلى زوجتى تولد فى أمريكا بيبقى أيه المطلوب عشان الموضوع ده يتم ؟!
شاكر جداً ليكم .

**Hobgoblin** · 02-01-2014 07:44 PM

Jus soli - Wikipedia, the free encyclopedia

الولادة في أمريكا مكلفة جداً بدون تأمين صحي. وكذلك في كندا لو حضرتك مش مهاجر.

الكلام ده عن تجربة شخصية.

بالتوفيق

**egyptawy2010** · 02-01-2014 07:45 PM

المشاركة الأصلية كتبت بواسطة gsoleiman

jus soli - wikipedia, the free encyclopedia

الولادة في أمريكا مكلفة جداً بدون تأمين صحي. وكذلك في كندا لو حضرتك مش مهاجر.

الكلام ده عن تجربة شخصية.

بالتوفيق

ممكن تحكلن ىتفاصيل اكتر عن تجربة حضرتك

شكرا

**Hobgoblin** · 02-01-2014 08:00 PM

المشاركة الأصلية كتبت بواسطة egyptawy2010

ممكن تحكلن ىتفاصيل اكتر عن تجربة حضرتك

شكرا

بعتذر لحضرتك مش عايز أذكر تفاصيل شخصية.

الخلاصة إن الموضوع في امريكا ممكن يتكلف من 10000 وإنت طالع حسب الحالة...

أنا شخصيا شفت فواتير ولادة طبيعية بحوالي 23000 دولار والكلام دة من حوالي 6 سنين تقريباً.

لو فيه تأمين ممكن يغطي كل التكلفة أو جزء منها حسب نوع التأمين وبيشمل إيه.

طبعاً لو مافيش أقارب هناك ضيف تكاليف الإقامة زائد الطيران وإيجار عربية ومصاريف الأكل والشرب وكمان المستشفى مش هتخرب المولود إلا لم يشوفو Car Seat في حالة جيدة وصالح للإستخدام.

موضوع مكلف جداً بصراحة إلا لو الماديات تسمح.

تحياتي

**rotanamasoud** · 02-01-2014 08:01 PM

تبقى احلى هديه لابن حضرتك انك تجيبله الجنسيه الامريكيه

**jackson_75** · 02-01-2014 08:54 PM

طب أنا أزاى أقدر أعمل تامين صحى عشان يساعدنى فى تغطية تكاليف الولادة ، هل ممكن لو انا سافرت تبع شركة سياحة كسياحة ترفيهية هما يغطوا التامين ، أنا اللى اعرفوا أن أى شركة سياحية منظمة لرحلات أو جروبات سياحية بالخارج لازم يعملوا تامين ، فهل الكلام ده صح ولا مش تمام ؟!!

**egyegy** · 02-01-2014 09:00 PM

المشاركة الأصلية كتبت بواسطة rotanamasoud

تبقى احلى هديه لابن حضرتك انك تجيبله الجنسيه الامريكيه

ومالها الهدية المصرية، هههههههههههه

**Hobgoblin** · 02-01-2014 09:07 PM

المشاركة الأصلية كتبت بواسطة jackson_75

طب أنا أزاى أقدر أعمل تامين صحى عشان يساعدنى فى تغطية تكاليف الولادة ، هل ممكن لو انا سافرت تبع شركة سياحة كسياحة ترفيهية هما يغطوا التامين ، أنا اللى اعرفوا أن أى شركة سياحية منظمة لرحلات أو جروبات سياحية بالخارج لازم يعملوا تامين ، فهل الكلام ده صح ولا مش تمام ؟!!

أغلب شركات الطيران بتمنع سفر الحوامل في الشهر السابع أو الثامن...بالتالي مش هتقدر تقنع شركة التأمين انها تدفعلك لأنها مش حالة طارئة وحضرتك أكيد كنت عارف ميعاد الولادة.

طبعن محدش هناك هيفبركلك تقرير عشان التأمين.

كل اللي فات ده بفرض إن فيه تأمين أصلن يغطي الولادة في أثناء رحلة سياحة...حضرتك محتاج تتأكد من حد متخصص.

**أحمد كمال** · 02-01-2014 10:33 PM

تامين السفر لا يغطي ال pre-existing conditions

يعني لو عندك سكر من قبل كده مش هيغطيه

ما بيغطيش حاجات مزمنة

ما بيغطيش ولادة طبعا لانها pre-existing condition

الاهم انك لازم تسفر مراتك عالخامس او السادس ماكسيمام و الا مفيش طيران هيركبها و ممكن الجوازات في امريكا ترجعها كمان

**أحمد كمال** · 02-01-2014 10:40 PM

و بالمناسبة الفايدة هتكون كلها للطفل يعني انت مش هينفع تعيش هناك على حس الطفل

الموضوع: الولادة بالخارج ... ومنح الجنسية

LinkBack

أدوات الموضوع

عرض

-

-

-

-

-

المواضيع المتشابهه

بخصوص شهادات الميلاد لحديثي الولادة

عمليات العيوب الخلقية للقلب لحديثي الولادة ما هو انسب مكان ؟

لأطباء الأطفال : صفراء حديثي الولادة

كرسي طفل للسيارة واشياء اخرى للحديثي الولادة

الكلمات الدلالية لهذا الموضوع

المفضلات

المفضلات

ضوابط المشاركة