حوادث 301

**amrelsaqqa** · 03-01-2014 08:11 PM

طبعا التوكيل مرخص اسعار حاجات كتير اوى لدرجة انها ارخص من برة ! في نفس الوقت اللى لسة مخلى حاجات غالية جدا

على سبيل المثال ، المساعد ( زي بتاع الـ 207 بس اطول شوية ) سعره في التوكيل حلو 700 بالضريبة ، جبته من التوكيل

الجنط الحديد بـ 300 بالضريبة وده سعر كويس بس الطاسة البلاستيك اغلى منه وسعرها 500 ! اه والله زي ما بقولك كدة :d

كاوتشة البطاحة بـ 70 جنيه فقط ، وبرة بـ 175 ! بس انا جبتها من برة عشان ماكنتش موجودة في التوكيل ساعة ما سألت وقلت اجيبها وخلاص بدل ما افك واركب كل شوية

عمود الميزان سعره برضه جميل جدا ، بـ 84 قبل الضريبة ، وده برة مش بأقل من 130 جنيه !

**mahmed0100** · 03-01-2014 09:11 PM

تمام .. كلامك يطمن يا عمور .. و افتكر مع الوقت و نزول موديل 2015 الوضع حيختلف و حنلاقي قطع غيار بره بشكل مناسب زي باقي موديلات البيجو

**Akram.Gamal** · 03-01-2014 09:12 PM

المشاركة الأصلية كتبت بواسطة mostafa.mahran

الموديلات التانية هتلاقى قطع غيار استعمال و اصلى و تقليد انما البيجو مفيش غير التوكيل لحد الان

المشاركة الأصلية كتبت بواسطة mahmed0100

منطقيا يا اكرم اكيد الريو ليها قطع غيار بره التوكيل
العربيه بقالها كذا سنه في الشارع .. مش شرط كل اجزاءها و مش شرط قطع غيار اصليه لكن البيجو لسه اول سنه و مفتكرش قطع غيارها متوفره بره التوكيل كتير

المشاركة الأصلية كتبت بواسطة amrelsaqqa

بصراحة الريو والنيسان صنى ... كل دول ليهم انصاص كاملة في الحرفيين

البيجو 301 لسة مالهاش انصاص وناس قليلة اللى جابت حاجات بالصدفة بس في واحد في الحرفيين قاللى انه هيقطع 301 يوم 15/1 ده .. الله اعلم بكلامه

الحادثة اللى بـ 84 الف دى ، ربنا مع صاحبها بجد ، بجد قلبى معاه وربنا يعوض عليه خصوصا لومكنش مأمن زيي ..

فاضللى الكرتيرة بتاعت العجل واستعدال الرفرف ع البارد ، والعفشة رجعت ناعمة 100% الحمد لله ، الزوايا 95% بس ان شاء الله هظبطها عشان لسة عندى حدفة خفيفة جدا يمين

جربت العربية بعد الاصلاح والحمد لله ثباتها وتماسكها ع الطريق زي ما هو وجبت بيها 160 ع المحور بالليل والطريق فاضى على سبيل التجربة فقط ، وكانت ممتازة زي حالتها وهى زيرو باستثناء الحدفة البسيطة يمين اللى هعملها بردو ان شاء الله

بالنسبة لقطع الغيار : العفشة فيها كتير اوى من 207 وده اللى نفعنى الحمد لله ، انما لو بنتكلم في كبوت ورفارف وشبكة وفوانيس ..... دى مالهاش غير التوكيل للاسف لحد دلوقتى والموتور متشابه مع كل مواتير بيجو ...

المقص بتاع الـ 207 بـ 350 استيراد نضيف وجبت الشمعدان 3 مرات ورجعته لحد ما جبت واحد زيرو مفيهوش غلطة والبلية بتاعته زيرو ، بـ 450 استيراد بتاع 207 بردو ، بالطنبورة والتيل والكاليبرات وحساس الاي بي اس، بس انا مكنتش محتاج الفرامل ، ركبت الشمعدان بس ، طبعا ده سعره في التوكيل معدي الـ 2000

علبة الدركسيون في التوكيل سعرها مهول 20 الف جنيه ، ولكن موجودة استيراد في حدود 2500

الكوبلن معرفتش اجيبه خالص ، لان في منه اشكال والوان ومقاسات كتير حسب موديلات البيجو ، وده برضه معدى الـ 3 في التوكيل ، بس الحمد لله اتعدل ورجع زيرو بـ 150 جنيه في الحرفيين

المشاركة الأصلية كتبت بواسطة amrelsaqqa

طبعا التوكيل مرخص اسعار حاجات كتير اوى لدرجة انها ارخص من برة ! في نفس الوقت اللى لسة مخلى حاجات غالية جدا

على سبيل المثال ، المساعد ( زي بتاع الـ 207 بس اطول شوية ) سعره في التوكيل حلو 700 بالضريبة ، جبته من التوكيل

الجنط الحديد بـ 300 بالضريبة وده سعر كويس بس الطاسة البلاستيك اغلى منه وسعرها 500 ! اه والله زي ما بقولك كدة :d

كاوتشة البطاحة بـ 70 جنيه فقط ، وبرة بـ 175 ! بس انا جبتها من برة عشان ماكنتش موجودة في التوكيل ساعة ما سألت وقلت اجيبها وخلاص بدل ما افك واركب كل شوية

عمود الميزان سعره برضه جميل جدا ، بـ 84 قبل الضريبة ، وده برة مش بأقل من 130 جنيه !

يا جماعه انا كل ال كنت قاصده فى كلام استاذ مصطفى الجمله دى فقط (مفيش غير التوكيل لحد الان )
و الحمدلله عمرو اثبت كلامى
بخلاف كده كلام حضراتكوا صح طبعا ولا غبار عليه

**mahmed0100** · 04-01-2014 07:54 AM

الخوف ان التوكيل يواجه توافر قطع الغيار في السوق بسعر اقل انه يستخدم قطع غيار صيني .. خصوصا ان في خط انتاج ليه حيتم تشغيله في الصين و دي حاجه توكيلات كتير عملتها
بس في حاله ان بيجو يعملوا كده .. حتكون نقطه وحشه في حقهم مهما كانت كفاءه قطع الغيار

**Ahmed Amin** · 04-01-2014 08:03 AM

المشاركة الأصلية كتبت بواسطة mahmed0100

الخوف ان التوكيل يواجه توافر قطع الغيار في السوق بسعر اقل انه يستخدم قطع غيار صيني .. خصوصا ان في خط انتاج ليه حيتم تشغيله في الصين و دي حاجه توكيلات كتير عملتها
بس في حاله ان بيجو يعملوا كده .. حتكون نقطه وحشه في حقهم مهما كانت كفاءه قطع الغيار

التوكيل بتاعنا اللي في مصر مش بمزاجه يجيب قطع غيار صيني أو مش صيني,,
الشركة الأم في فرنسا هيا اللي بتحدد قطع الغيار تتصنع فين,
ومنها بيتم شحنها لباقي التوكيلات في كل حتة في العالم,

مثلا زيت الفتيس أخر مرة أنا جايبة كان أتحاد أوروبي,
وقبلها فلتر البنزين كان برازيلي, ودلوقتي جيت أجيب منه أخر مرة كان صيني ومش معني كدا أنو بقي وحش أو الخامات بقت أقل في الجودة.

بيجو ليها خط أنتاج حالياً شغال لل 301 في الصين بمواصفات أعلي من ال 301 اللي بتيجي لنا من أسبانيا,
وقلبها كان فيه خط أنتاج كامل للبيجو 408 ودي جالنا منها مصر والعربية مفهاش أي غلطة عشان نقول وحشة عشان طالعة من الصين,,
بيجو هيا بيجو في أي مكان, طالما تحت أدارة PSA

مثال تاني,
أودي مثلاً ليها خط أنتاج كامل في الصين عشان يغطي أحتياجات الصين لوحدها, لأن مصانعها اللي في أوروبا مش مغطية أحتياج الصين والدول الأسيوية اللي حواليها.
ولو شوفت أي فيلم متصور في الصين في هونج كونج هتتفاجئ من عدد العربيات الأودي اللي موجودة في الشارع.
ومش غريب أنك تلاقي فيه قطع غيار صيني في توكيلات عربيات ألماني في مصر ولا دا هيبقي عيبة في حقها,

أجهزة Apple الأيفون والأيباد هما أعلي الأجهزة من ناحية الجودة والكفائة في مجال المحمول والتابلت,
شركتهم أمريكية, تقدر تقولي خط أنتاجهم فين ؟؟ الصين.

هل يتقارنو بالأجهزة الصيني ؟؟ طبعاً لأ, فرق السما من الأرض من ناحية الجودة.

مينفعش تصنف الحاجة علي أنها وحشة لمجرد أنها طالعة من الصين.!

**Ahmed Amin** · 04-01-2014 08:17 AM

ياااااااااااااه من 2005 ولسه شغال,,
يعني كدا فاضله سنة كمان ويكمل ال decade.!!

ما شاء الله عشان متقولش بحسد,,
وزعلان من الصيني.!

أنا عشان أبسطهالك أديتك مثال أجهزة Apple وهيا كل أنتاجها في الصين, وأكتر مبيعتها في أمريكا وأوروبا واليابان.!!
وطبعاً مينفعش تقارن جهاز زي الأيفون بجهاز موبيل تاني صيني من شركة صيني,,

نفس الكلام قطع الغيار الأصلية الصيني للعربيات الأوروبي زي الفرنساوي والألماني,
مش زي قطع الغيار الصيني المضروبة.