كورولا 2014 بتهنئكم بالسنة الجديده بزياده اسعارها

**abofandy** · 03-01-2014 01:42 PM

مبقتش عارف حاجة تفرح الناس الى استلموا او حجزوا ولا لا
ولا تحزن او تياس الى كان ف حيرة واخيرا اقتنع وراح علشان يحجز يتقاله الكلمة دى
بس انا سمعت فعلا ان الحجز اتوقف من اول يوم ف السنة
بس هل ياترى دة علشان يكفوا الحجوزات ولا علشان يزودوا السعر ولا دة جس نبض للسوق او الشارع يشوفوا الناس هتدفع ولا كمية الحوجزات هتقل الطلب عليها

الله اعلم

**Hany Saad** · 03-01-2014 01:52 PM

المشاركة الأصلية كتبت بواسطة hunting_eagle

احنا في 2013 نزلنا اسعار الأدوية مرتين في الكويت .. بنسبة نقص حوالي 7 % .. لأن سعر الدينار زاد قصاد اليورو و الدولار .. وتقريبا كل الأدوية هنا مستوردة

هو بصراحة الحكومة هي اللي اجبرتنا ننزل الأسعار :)

بس المحصلة ان نسبة ربحي ثابتة ما قلتش

الملخص .. علشان الأسعار تنزل لازم عملة البلد تعلى .. والأهم ان الحكومة تفرض نزول الأسعار بالقوانين .. مش تسيبها للوكلاء

حضرتك كلامك صح مليون فى الميه

الأسعار بترخص فى حالة أرتفاع عملة البلد (أقتصاد البلد) عن سلة العملات العالمية زى الدولار و اليورو
و كمان الحكومة ترغم الوكلاء يخفضوا لأنه منطقى و إلا مش هينزلوا طالما السعر مقبول و خوفا من إنخفاض العملة مرة أخرى....

و طبعا مع الأخذ فى الأعتبار أن مكسب الوكيل ثابت أو زائد فى كافة الأحوال

**Hany Saad** · 03-01-2014 02:03 PM

المشاركة الأصلية كتبت بواسطة abofandy

مبقتش عارف حاجة تفرح الناس الى استلموا او حجزوا ولا لا
ولا تحزن او تياس الى كان ف حيرة واخيرا اقتنع وراح علشان يحجز يتقاله الكلمة دى
بس انا سمعت فعلا ان الحجز اتوقف من اول يوم ف السنة
بس هل ياترى دة علشان يكفوا الحجوزات ولا علشان يزودوا السعر ولا دة جس نبض للسوق او الشارع يشوفوا الناس هتدفع ولا كمية الحوجزات هتقل الطلب عليها

الله اعلم

أولا كل سنة و حضرتك طيب....

للأسف مفيش توكيل بيوقف حجز علشان يكفى الحجوزات...الكلام ده مش موجود و خصوصا فى مصر....
حضرتك المرسيدس cla الجديدة عليها حجز سنة و نصف...التسليم للهيحجز دلوقتى فى منتصف 2015!!! طبعا ممكن يحصل فيس ليفت للشكل و الكماليات تتغير و السعر يتضرب فى 2 و لكن التوكيل مش فى دماغه...
فى ناس بتحجز و تدفع 50 ألف كاش يبقى أشطه و لو زعل و لا حب يسحب الحجز مفيش مشكلة...استفدنا بفلوسه كام شهر و دورناهم فى بضاعة و فيه ألف غيره هيحجز......

كل المشكلة أن مفيش توكيل أو تاجر عامة بيحي يغير أسعاره كل شوية.....

الحل: ناخد أعلى قيمة متوقعة للدولار و ليكن .8.5 جنيه و نسعر عليها....نقص حبه عن كده يبقى فل الفل...زاد حبه عن كده نستحمله شوية بسيطة و بعدين نزود تانى مضطرين...
يعنى متفتكرش أن وكيل تويوتا هيسعر العربيات على 7.45 سعر الصرافة للدولار حاليا و طيب و بعد 3 شهور لما ييجى يسلم الحاجزين و الدولار يكون ب 7.80 يعمل ايه ساعتها؟؟!!!

التوكيل حاليا و مع ظروف البلد ده إذا مكنش عامل كده أساسا فى الدفعات القديمة هيسعر على 8.5 بس المشكلة أن ده هيخرج الكورولا من المنافسة مع فئة عربيات معينة و يدخلها مع فئة أخرى أشرس و أصعب
هى دى مشكلة التوكيل الحقيقية أن الطلب هيقل جامد نتيجة زيادة السعر و دخول السيارة فى فئة سعرية مع منافسين أقوى.....

**Yousef.Kamel** · 03-01-2014 08:15 PM

متابع

**abofandy** · 03-01-2014 08:24 PM

وانت طيب يا حبى
كلامك جميل ومقنع
وانا قولتها قبل كدة .. اى زيادة ف السعر مش ف صالحها .. لانه هيدخلها ف فئة سعرية اعلى وهتتقارن بعربيات اعلى ف الفئة ممكن تضيع الكورولا وسطهم او حقها يبقى مهضوم

**hossam_elwani** · 03-01-2014 10:15 PM

المشاركة الأصلية كتبت بواسطة meggieboy

للأسف يا فندم لأن أقتصادنا متدهور حاليا و مرتبط بالدولار بشكل أساسى....
طالما أقتصاد البلد هش و معتمد على ضخ كميات إضافية من الدولار من قبل البنك المركزى فى محاولة يائسة لتثبيته، كما أن إقتصاد البلد حاليا معتمد على منح و قروض مش على أنتاج فعلى و تجارة و سياحة و عوامل من شأنها تحسين الأقتصاد و جعله قويا فى وجه المتغيرات....

كل ده بيخلى البلد عامله زى البورصة الكبيرة....أى إشاعة و لا شوية فلوس تدخل و لا شوية سحب زيادة بيخلى سعر الدولار يتحرك ب 5 % مرة واحدة و معاه طبعا بيحرك أسعار جميع السلع لأننا بنستورد كل شىء تقريبا و حتى السلع البسيطة اللى بننتجها بنستورد مكونات أنتاجها....لاحظ أن البنك مش بيكفى المطلوب من الدولار و الكمية كلها فى أيد شركات الصرافة....

لاحظ من كام سنة فاتوا كان سعر الدولار عمره ما بيتحرك عن 6.30 و معاه أسعار كل السلع كانت ثابتة لأن كان فيه أقتصاد و سياحة و مستثمرين و مشروعات جديدة و عجلة دايرة.....

ربنا يعدلها من عنده أن شاء الله و البلد تستقر........

متفق معاك فى كل كلامك الا معاه أسعار كل السلع كانت ثابت

لا كان فيه تضخم وزاده فى اسعار السله الغذائيه بغباء

**Hany Saad** · 03-01-2014 11:10 PM

المشاركة الأصلية كتبت بواسطة hossam_elwani

متفق معاك فى كل كلامك الا معاه أسعار كل السلع كانت ثابت

لا كان فيه تضخم وزاده فى اسعار السله الغذائيه بغباء

انا معاك طبعا...كان فيه تضخم و كان فيه زيادة أسعار و لكن مرة او مرتين فى السنة على أقصى تقدير و ده شىء موجود فى كثير من الدول
دلوقتى حضرتك بنام و نصحى على زيادات مهولة فى كل شىء مفيش يوم زى التانى و أسعار غريبة و عجيبة و الناس عايشة
يكفى أن نعلم أن كل عربية فى شريحة من ١٠٠ ل ٢٠٠ ألف زايدة من ٢٠١١ لحد دلوقتى حوالى ٣٥ ألف جنيه عدا و نقدا

**hossam_elwani** · 03-01-2014 11:43 PM

المشاركة الأصلية كتبت بواسطة essam assem

والله حاجة تعكنن مفيش شك عموما القوة الشرائية اللى موجودة فى مصر هيا اى بتجرا اى وكيل ان يذود السعر بدون تردد خصوصا ان العرض اقل بكثير من الطلب يا جماعة اقسم بالله انا كنت عند سمير ريان يوم الخميس اللى فات وما شاء الله حجم المبيعات مهول مفيش بياع فاضى وقام عنية عربيا فيها اوفر سعر عالى جدا زى السبورتاج مثلا ومع ذلك الطلب عليها عالى طب ما لازم الوكيل يعلى يا جماعة انا م عارف هنروح لحد فين عموما المستعان ربنا

الشعب المصرى تركيبته عجيبه

بس ده نتاج عدم وجود عداله اجتماعيه حقيقه صدقنى

الموضوع: كورولا 2014 بتهنئكم بالسنة الجديده بزياده اسعارها

LinkBack

أدوات الموضوع

عرض

-

-

-

-

المواضيع المتشابهه

ارجو المساعدة بسرعة 508 موديل 2012 ولا كورولا 2014 و لا فلونس 2014

كورولا 2014 و سبورتاج 2014 و بيجو3008 و فلوانس 2014 و رابيد

مشكله في كورولا 2014 الجديده :(

الوان السيراتو الجديده بالفيديو 2014 الجديده

اشترى كورولا 2010 يابانى منين وايه اسعارها

الكلمات الدلالية لهذا الموضوع

المفضلات

المفضلات

ضوابط المشاركة