كورولا 2014 بتهنئكم بالسنة الجديده بزياده اسعارها

**bassem.naguib** · 04-01-2014 03:14 AM

المشاركة الأصلية كتبت بواسطة meggieboy

أولا كل سنة و حضرتك طيب....

للأسف مفيش توكيل بيوقف حجز علشان يكفى الحجوزات...الكلام ده مش موجود و خصوصا فى مصر....
حضرتك المرسيدس cla الجديدة عليها حجز سنة و نصف...التسليم للهيحجز دلوقتى فى منتصف 2015!!! طبعا ممكن يحصل فيس ليفت للشكل و الكماليات تتغير و السعر يتضرب فى 2 و لكن التوكيل مش فى دماغه...
فى ناس بتحجز و تدفع 50 ألف كاش يبقى أشطه و لو زعل و لا حب يسحب الحجز مفيش مشكلة...استفدنا بفلوسه كام شهر و دورناهم فى بضاعة و فيه ألف غيره هيحجز......

كل المشكلة أن مفيش توكيل أو تاجر عامة بيحي يغير أسعاره كل شوية.....

الحل: ناخد أعلى قيمة متوقعة للدولار و ليكن .8.5 جنيه و نسعر عليها....نقص حبه عن كده يبقى فل الفل...زاد حبه عن كده نستحمله شوية بسيطة و بعدين نزود تانى مضطرين...
يعنى متفتكرش أن وكيل تويوتا هيسعر العربيات على 7.45 سعر الصرافة للدولار حاليا و طيب و بعد 3 شهور لما ييجى يسلم الحاجزين و الدولار يكون ب 7.80 يعمل ايه ساعتها؟؟!!!

التوكيل حاليا و مع ظروف البلد ده إذا مكنش عامل كده أساسا فى الدفعات القديمة هيسعر على 8.5 بس المشكلة أن ده هيخرج الكورولا من المنافسة مع فئة عربيات معينة و يدخلها مع فئة أخرى أشرس و أصعب
هى دى مشكلة التوكيل الحقيقية أن الطلب هيقل جامد نتيجة زيادة السعر و دخول السيارة فى فئة سعرية مع منافسين أقوى.....

+1

المشاركة الأصلية كتبت بواسطة abofandy

وانت طيب يا حبى
كلامك جميل ومقنع
وانا قولتها قبل كدة .. اى زيادة ف السعر مش ف صالحها .. لانه هيدخلها ف فئة سعرية اعلى وهتتقارن بعربيات اعلى ف الفئة ممكن تضيع الكورولا وسطهم او حقها يبقى مهضوم

+1

لكن اختلافي الوحيد عن كلامكم أنه حيدخلها في فئه سعرية مع منافسين أعلى .. الكلام ده حيبقى مظبوط لو السعر زاد في الكرولا فقط ومش حيزيد في باقي العربيات .. واللي أنا متوقعه أن الأسعار حتزيد في كل العربيات .

بمعنى أخر هي الأسعار حتزيد في الكرولا بس وباقي العربيات لاه بسبب الدولار .. حتى السيارات التجميع المحلي حتزيد لأن أغلب مكوناتها من الخارج

**FAR!D** · 04-01-2014 04:39 AM

عموما ربنا يقوم اقتصادنا بالسلامه
ولو ده جنان اتجنن

**iUsef** · 04-01-2014 08:16 AM

انا بصراحه مش شايف اي مبرر لزياده السعر......!
العربيه نزلت في شهر 8 ولو قلنا علي اسوء الظروف انهم ابتدو يسعروا العربيه اول الشهر كان ساعتها الدولار 6.988 يعني اعلي من دلوقتي وممكن تشوفو المعدل خلال السنه كلها
XE.com - USD/EGP Chart

ده غير ان في حاجه تخلي من المستحيل حتي لو كل العربيات زادت كل العربيات التركي تقل لان عمله تركيا في انخفاض يعني ال 40% مكونات في العربيه سعرها قل والعماله قلت
الدولار كان 1-8-2013 عامل 1.946 ليره النهارده عامل 2.178 يعني العمله التركيه نزلت حوالي 20%
XE.com - USD/TRY Chart
يعني من الاخر المفروض تنزل متزدش وده في مصلحة الجميع.... العربيه والملاك واللي عايز يشتري

**hossam_elwani** · 04-01-2014 03:46 PM

والزياده المتوقعه كام ؟؟

**fighter4d** · 04-01-2014 05:22 PM

الزياده المتوقعه من كلام احدي المسئولين في التوكيل من 3 الي 5 وياريت تكون علي اد كده لاني بسمع اشاعات تزعل .
المعارض بتزود 15 اوفر للتسليم الفوري وده اقلت ادب
التوكيل بلغني ان السعر الجديد إن شاء الله احتمال كبير يظهر علي يوم الاتنين
وبخصوص اللي حجزوا قبل كده.بيقولولي بنفس سعر العربية القديم
والله اعلم

**bassem.naguib** · 04-01-2014 06:32 PM

المشاركة الأصلية كتبت بواسطة hossam_elwani

والزياده المتوقعه كام ؟؟

المشاركة الأصلية كتبت بواسطة fighter4d

الزياده المتوقعه من كلام احدي المسئولين في التوكيل من 3 الي 5 وياريت تكون علي اد كده لاني بسمع اشاعات تزعل .
المعارض بتزود 15 اوفر للتسليم الفوري وده اقلت ادب
التوكيل بلغني ان السعر الجديد إن شاء الله احتمال كبير يظهر علي يوم الاتنين
وبخصوص اللي حجزوا قبل كده.بيقولولي بنفس سعر العربية القديم
والله اعلم

الزيادة حتبقى 5000 جنية على كل فئة .. ده من كلام المندوب النهاردة