صديقي المواطن
الحمد لله أرجوك تعيب فيا تاني وتالت عشان أفضل تستفزني وننزل للراجل الطيب ده تاني ونعملهاله ببلاش وهو بصراحة يستاهل ﻷنه صاحب مصيبة وحضرتك بتتاجر بمصيبتة عارف إيه الفرق بيني وبينك الفرق أن كلامي أنا ألزم نفسي بيه يعني لما قال الراجل بسمع أسعار غريبة وأنا مش معايه فأنا وقفت جنبه ووفرتله بتاع 20 ألف ولما الراجل برضو حاسس نفسه تعبان وخايف ومحتاج حد يوقف جنبه بصيت عالعربية تاني وقلتله 30 ألف واﻷيرباج يتصلح ويبقه منظر بس لو زادت تكلفة تغييره عن 3 آلاف جنيه والفرق ببني وبين أي حد حضرتك تعرفه إني بلتزم بكلامي وقلت لو كلفت فوق ال 30 ألف مش حعمل حجج وحكمل من جيبي ألخاص ومش حعمل أفلام وأقول أصل وفصل ثم حادثة العربية بسيطة مش صعبة أوي وأنا لسه تحت إيدي عربية كانت حالتها متدهورة عن دي بكتير أوي
ثم حضرتك قدمت إيه مساعدة لصاحب المشكلة لا دليته على واحد من معارفك الكتير ولا قلت تكلف كام ولا تطوعتله توقفله عليها كل اللي سمعناه مناك تريقة على الناس ﻷن ده آخرك وحتى الزملاء اﻷفاضل تاج رأسي عملوا لصاحب المصيبة إيه غير دعوتين وربنا يصبرك والسلام وأنا دليته على ورشة كريم منير وهونت عليه وقلتله حادثتك بسيطة وأنا حساعدك وإديته تكلفة معقولة وهو حيعملها بره وحيخلصوهاله بشهرين تلاتة وجايز يريحوه وجايز يطلعوا عينه وجايز تطلع وحشة وجايز تطلع زيرو وأكيد هو حيورينه صورها بعد متخلص والتكاليف كام
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صاحب الموضوع الكريم اﻷخ اللي بيهاجمني أعلاه بيحاول يوصللك صورة إنك لو جبت العربية عندي حتروح عليك وال 30 ألف اللي حاخدها مقدما حتروح عليك برضو وأحب أريحك وأريحه إعتبر كلامه صح ولو جبتلي العربية إعتبرها مسروقة 4 شهور وفلوسك إعتبرني سرقتها تمام ولو خلصت عربيتك بعد 4 شهور وكلمتك وقلتلك تعال إستلم خير وبركة مقلتلكش إستلم يبقه عوضك على الله في فلوسك وعربيتك إيه اللي خلاك توقع في واحد نصاب زيي مش نصحناك وقلنالك روح لورشة المواطن المؤسس كريم منير هو حيعملهالك جايز أرخص وأسرع وعنده مكان كل شوية تبص على عربيتك إنما أنا راجل مش متزن باخد العربية ومخليش صاحبها يشوفها طول فترة اﻹصلاح بس بصورله كل مراحل اﻹصلاح عشان لو شيطانه وسوس له بحاجة أوريه بعينه
ومرة تانية ربنا يعينك على مصابك وآسف ﻷنك دخلت وسط مهاترات ملكش فيها وحضرتك صاحب مصيبة
ونخش في الجد يا مواطن لف بعربيتك كذا واحد وشوف حيقولولك إيه ولو عايز تجيني أنزل ألف معاك واتفق أنا معاهم عشان فرق الخبرة ونروح لكذا ورشة فأنا معاك مجانا مجانا مجانا ومش كلام الأعضاء هنا عارفين إني قولا واحدا وعمري مرجعت حد عشمان
المفضلات