سؤال عن الفيكترا

**m_eltohh** · 23-09-2008 06:01 AM

عاوز اعرف ايه موديلات الفيكترا النازلة من منصور فيها محرك ايكوتك(Ecotec) علشان عاوز اشترى اوبل 98 او 99 او 2000 اتوماتيك 2000 سى سى كاملة وعاوز اعرف اذا كان فيها محرك ايكوتك(Ecotec) ولا لا ....... واسف على التطويل

**blazer** · 23-09-2008 06:19 AM

تقريبا والله اعلم ان الفيكترا بدايه من موديلات 2000
الاوتوماتيك 2كامه 16 فالف سواء 1600 او 2000

**د. علاء ابراهيم** · 23-09-2008 06:25 AM

الوالد معاه فيكترا 2003 اوتوماتيك كاملة
محرك ecotec

**Ahmad Allawy** · 23-09-2008 09:58 AM

المشاركة الأصلية كتبت بواسطة blazer

تقريبا والله اعلم ان الفيكترا بدايه من موديلات 2000
الاوتوماتيك 2كامه 16 فالف سواء 1600 او 2000

السلام عليكم..
انا كمان كنت فاكر كده..
لكن احمد (نو نيم) صحح ليا المعلومة..
ان المواتير ال2000 سي سي بس من اول موديل 2000 فما فوق هي اللي ايكوتك..
لكن ال1600 عادي

**m_eltohh** · 23-09-2008 12:22 PM

الف شكر يا جماعة على المعلومات المفيده دى
ولكن انا شوفت قبل كده محرك ايكوتك فى اوبل 1998 بس كانت تقفيل المانى فانا حبيت اتأكد ان كان موديل 1998 ال2000 سى سى الى بينزل لمنصور نفس الموتور ولا لا

**farahat** · 23-09-2008 12:53 PM

أحمد باشا علاوي ، ال-١٦٠٠ بعد ٢٠٠٠ مش كلها عادي ، المانوال كله عادي انما الأتوماتيك في منه Ecotec ، تحديداً ٢٠٠٣ كله Ecotec (منزلش مانوال خالص في ٢٠٠٣ )

بالنسبة لصاحب الموضوع، الموتور ال-Ecotec سهل أوي تعرفه لأنه بيكون لونه أبيض من فوق و عليه Ecotec مكتوبة بالأصفر كبيرة انما العادي لونه اسود و شكله رفيع من فوق (عشان كامة وحدة ).

**m_eltohh** · 23-09-2008 01:19 PM

انا عارف شكل الايكوتك بس حبيت اعرف موديل 1998 2000 سى سى اتوماتيك موتور ايكوتك ولا انجكشن

**superkenwood** · 23-09-2008 02:18 PM

شكرا على المعلومات المفيدة اللي استفدت منها كثييير ... بس أسف على السؤال ده ((يعني ايه ايكوتك))؟ أنا شفته في عربيات كثير .. هوه فعلا بيكون لونه أبيض ومكتوب عليه بالاصفر .. أنا عندي أوبل فيكترا 1600 سي سي موديل 2000 عادة .. الموتور بتاعي لونه اسود ورفيع ومكتوب عليه Opel طبعا ده مش ايكوتك .. السؤال هنا .. ايه الفرق الموتور العادي والموتور الايكوتك ؟ وايه الفرق بين الكامة الواحدة والاثنين كامة .. ويعني ايه كامة .. وهل بتأثر في السحب أو استهلاك البنزين ؟ هل الموتور يكون انجكشن أو لا على حسب كونه عادي أم ايكوتك ؟ وهل بتفرق في الحصان ؟ و ياترى عربيتي كام حصان ؟؟؟ وشكـــــرا للجميع

**M.Mokhtar** · 23-09-2008 02:25 PM