أول كروس أوفر من جيلي ‏Emgrand EX7

**Ahmed_m7md_A5** · 03-01-2014 06:46 PM

واضح أن قسم جيلي نايم علي ودانه من مشاكل الأيمي لكن
الخبر أن عمو غبور بالفعل جمع أول كروس أوفر ‏EX7‏ و أترخصت كمان وليها صور علي جوجل لو كتبتو بالعربي
المهم ان انطلاقها تأخر لشهر أكتوبر ( اللي فات ) في العالم
أما عمو غبور يظهر أنه قرر يسيف ( ‏‎ (save‏ العربية لحد شهر مارس لمعرض أتوماك فورميلا اللي تأكد أقامته بعد تردد طويل
العربية ( كالعادة عند الصين ) مبنية علي تويوتا راف 4 ( تحس كده أنه في تار بين الصينيين و الراف 4 هههه )
و بعد البحث لمدة 5 دقايق وجدت أن
العفشة هي نفس التويوتا
المواتير 1.8 2.0 وفي كمان تربو بس أنا يتهيألي أن غبور نزلها عن كده
هيكون في منها سبعة راكب
مانيوال و أتوماتيك غبور منزلها مانيوال
ملهاش أستبن علي باب الشنطة
نفس أبعاد التويوتا
أخيرا معلش مفيش صور عشان بكتب من الموبايل عشان الامتحانات حقوق و الكمبيوتر دخل الحظر ده غير عمليات التفتيش الدورية من قبل وزير الداخلية ماما
أتوقع لن يقل سعرها عن 120
أرجو من الأدارة وضع صور
وحد يكلم غبور و النبي و يسأل

**midooo_119** · 03-01-2014 07:11 PM

هو فيه احلى من النوم فالشتا
بس جيلى دى شركه جامده اوى بتعمل عربيات فيها مشاكل و ناجحه و بتبيع .. ماهو ياما الشركه ناجحه و مفيش مشاكل كبيرة ياما الى بيشترى منها مبيفهمش فالعربيات