عاجل: عايز شركة عمرة حالا

**egyboy** · 04-01-2014 11:48 AM

السلام عليكم

عايز شركة عمرة علشان عايز اطلع عمرة فى اول شهر 2 ان شاء الله

اهم حاجة تكون شركة مجربة ومضمونة وبتوفر معاملة كويسة واقامة فى مكان مميز

انا روحت لشركة وقالى مفيش عمرة للشباب عنده !! حاجة غريبة

المهم ياريت بسرعة حاجة مجربة وموثوقة يارجالتنا ومتبقاش اقامتها بعيدة قوووى برضه

وربنا يكرمكم كلكم

**ابو لؤى** · 04-01-2014 12:46 PM

فى شركات كتير جدااا عندك مثلا وندر للسياحه فى شركه جازتورز فى شركه ايجيبشيان نايل او ستار وبالنسبه للشركه اللى قالت لحضرتك ممنوع الشباب الكلام ده فى البرى مش الطيران دول عالم حافظه مش فاهمه وياريت اسم الشركه دى

**egyboy** · 04-01-2014 12:53 PM

شكرا جزيلا لحضرتك

بس انا مش عايز شركات وخلاص انا عايز حاجة تكون متجربة وحد جربها فعليا وراح ولقى الكلام كويس

الشركة اللى قصدى عليها فى احدى المحافظات ..علشان كده انا ريحت دماغى وهطلع من القاهرة على طووول

ايه رايك فى شركة دى

عن الشركة

**egyboy** · 04-01-2014 12:55 PM

كمان لو حد يعرف هو تصريح السفر من الجيش بيطلب تاشيرة السفر ولا الجواز بس ولا ايه

يعنى اعمل التصريح قبل ما اروح لشركة العمرة ولا اعمله فى الاخر

كمان لقيت شركات العمرة بتطلب شهادة طبية دى اعملها ازاى ومن فين وبتبقى كشف ايه بالظبط ؟؟

سؤال اخير بقى :)

هى الوجبات الاكل وكده بتبقى شاملة مصاريف الرحلة ولا دى على حسابى هناااك

**ابو لؤى** · 04-01-2014 01:19 PM

الشركه اللى حضرتك قولتلى عليها دى معروفه بالسياحه الداخليه مجال السياحة الدينيه له شركات معينه لانها بتكون متخصصه فى فقط ودى افضل شركات بالنسبه للشهاده الصحيه دى فى شركات بتعملهالك هيا مضروبه طبعا بس بتوفر عليك جهد ووقت انا شغال فى مجال الطيران وكل الشركات دى اتعاملت معاهم وسمعتهم كويسه بالنسبه للوجبه غالبا بتكون فطار فقط تمام ودى شامله مصاريف الرحله طبعا ماتنساش انك هتصرف هناك غدا وعشاء مثلا

**egyboy** · 04-01-2014 01:49 PM

جزاك الله خيرااا
انا شوفت الشركات اللى قولت عليها
لقيت تقريبا افضل حاجة هى ايجيبشن نايل
toumra.com/main
ياريت مميزاتها وعيوبها لو عندك خلفية

معرفش ليه الشركات دى مبتهتمش تعمل موقع صح زى الناس :)

وحتى الشهادة مضروبة يعنى انا طالع اعمل عمرة اقوم اول حاجة اعملها اضرب شهادة:)

بالنسبة لتصريح الجيش لو عنك خلفية اكون شاكر ..

ربنا يكرمك يارب

**lemo147** · 04-01-2014 07:17 PM

تصريح الجيش انا عامله من فتره لسفريه عمل
محتجتش لا التأشيره ولا الجواز مجرد شهاده التجنيد وبتفع الرسوم وتقولهم السفر فين وبتتعمل وانت واقف
وان شاء الله حد يأكد كلامي

**hugan** · 04-01-2014 08:00 PM

يعني ايه مفيش عمره للشباب
مش مفهومه

**egyboy** · 05-01-2014 11:56 AM

المشاركة الأصلية كتبت بواسطة lemo147

تصريح الجيش انا عامله من فتره لسفريه عمل
محتجتش لا التأشيره ولا الجواز مجرد شهاده التجنيد وبتفع الرسوم وتقولهم السفر فين وبتتعمل وانت واقف
وان شاء الله حد يأكد كلامي

شكرا ياباشا
طيب عندك خلفية لو ممكن اعملها فى القاهرة بالرغم انى منطقة التجنيد فى محافظة تانية

هل هينفع ولو هينفع يبقى فين ؟؟

-

الموضوع: عاجل: عايز شركة عمرة حالا

LinkBack

أدوات الموضوع

عرض

-

-

-

المواضيع المتشابهه

مطلوب شركة عمرة محترمة

عاجل بخصوص عمرة

عاجل بخصوص عمرة

عاجل مطلوب حالا الله يكرمكم ضروررري

عاجل : الماتور عايز طقم شنبر - اعمل نص عمرة ولا اغير الماتور

الكلمات الدلالية لهذا الموضوع

المفضلات

المفضلات

ضوابط المشاركة