الموضوع: تقرير مصور تركيب بارك سنسور وكاميرا خلفية للفلوانس 2014

المشاركة الأصلية كتبت بواسطة ahmedelfeky

إن شاء الله خير وتشتغل وهم ناس محترمين جدا يعني لو حت ركبتها في اسكندريه وفي اي حاجه مش شغاله هيغيروها ماتقلقش عامه المفروض ان في اوبشن في الشاشه صوت كلام غير البيب بيقولك باقي كام متر ورا لو في اي عائق تقدر توقفه بس انا بصراحه بعتمد عليه وانا برجع لوار ببص ع الشاشه مره واحده بس اشوف في اي حاجه حفره او حجر كبير مثلا بعد كده بعتمد علي صوت البيب والكلام بس لو انت جبت الكاميرا اللي بتركب في الاكصدام نفسه مش اللي ع النمر اختار التراك الاخير ناحيه اليمين رقم 6 هو افضل صوره فيهم واقعي وخلي بالك الايقونه اللي جنب التراك ده بتوقف اوبشن التراك ومبروك مره تانيه وان شاء الله تستمع بيه وماتنساش تنقلنا تجربه التركيب لاني بصراحه باحترم فرعين رينو بتوع اسكندريه وان شاء الله هبقي اعمل صيانتي الجايه في اسكندريه انا بيني وبين القاهره او اسكندريه 100 كيلو ف النص بالظبط بس ياريت تقولي اي فرع احسن فرع العامريه ولا فرع سموحه خصوصا في السمكره والدهان

طيب تماام هركبها و ربنا يسهل .. بص يا باشا العامرية هو بس اللي فيه ورشة سمكرة و دهان, سموحة مفيهوش. و حاليا بيركزوا اكتر ان سموحة يبقى للصيانات البسيطة و العامرية للاصلاحات و كده. بس عموما نصيحة يعني سيبك من سمكرة و دهان بتاعهم.. هم ممتازين في كل حاجة عدا ورشة الدهان "زفت" سواء توقيتات/اسعار/حرفية .. في واحد و بيتعامل معاهم ساعات برضه في الحرفيين بس هو اسعاره عالية طبعا زيهم بظبط بس على الاقل شغله رائع و توقيتات مظبوطة (لو حابب ابعتلك بياناته عرفني يا باشا).