موضوع خطوبة

**ابو لؤى** · 08-01-2014 02:26 PM

طلامه ماخرجتش من عندهم مبسوط حتى لو كانو كويسين طبعا عمرك ماهتعرف تقنع نفسك بيها تانى كل شئ قسمه ونصيب

**wawamoha** · 08-01-2014 02:58 PM

المشاركة الأصلية كتبت بواسطة moody_687

مانا قعدت بتاع ساعة الاربع وطلعت عادي اللي طلعت بيه انها مؤدبة ومحترمة

ساعه الا ربع .....؟؟؟؟؟؟
و طلعت محترمه مؤدبه ...طيب كويس جداااااا

مش عارف اقول ايه بصراحه ..

عموما بالتوفيق مره تانيه

**moody_687** · 08-01-2014 05:14 PM

المشاركة الأصلية كتبت بواسطة khaled_sabry

حقولك على حاجه
الاول ادى لنفسك فرصه تانيه - يعنى رد العزومه و اخلق اى ظروف تخليك تشوف البنت "يمكن" تعجبك
لكن اقفل ودانك خالص من ناحية زن والدتك - انتا كده كده سنك صغير فما تستعجلشى

و اسمحلى اقولك انا اتجوزت ازاى - انا اولا ماكنشى فى بالى موضوع الجواز اصلا و كنت ناوى افكر فى الجواز على سن 34 او 35 :)
لكن شائت الاقدار انى اتجوز زميله فى شغل سابق ليا - مش حقولك اول لما شفتها اتشديت و الحب من اول نظره و حوارات الافلام العربى دى
لأ عادى انا ابتديت اتشد ليها بعد مده من الشغل المشترك و رغم كده برضه ما اتسرعتش و اتقدمتلها لا فضلت سنه تقريبا ادرسها عن قرب بحكم الزماله

طبعا انا كان عندى فرصه للدراسه و لإتخاذ القرار بتأنى بحكم انها كانت زميله عمل (و الكلام ده مش متوافر فى الحاله اللى عندك ) لكن اللى عاوزك تاخده من القصه دى انك ماتستعجلشى و تحكم من اول مره و فى نفس الوقت ماتخضعشى للمؤثرات الخارجيه من والدتك
هما الامهات كلهم بيبقو مستعجلين فى النقطه دى بالذات بالنسبه للشباب و البنات
ياراجل مراتى من دلوقتى بتقول لمهاب ابنى (امتى تكبر و اشوفك عريس و اشيل اولادك) مهاب ده عنده 5 سنين بس !!!!

لا والله مش مستعجل انت عارف الام بقى وعاما انا ابلغت قراري بالرفض وربنا يخليلك مهاب وتفرح بيه ان شاء الله

**moody_687** · 08-01-2014 05:16 PM

المشاركة الأصلية كتبت بواسطة wawamoha

ساعه الا ربع .....؟؟؟؟؟؟
و طلعت محترمه مؤدبه ...طيب كويس جداااااا

مش عارف اقول ايه بصراحه ..

عموما بالتوفيق مره تانيه

ياباشا الانسان بيبان عليه واي نتيجة بناخدها من اول انطباع قابلة للتغير عندما تتعمق ف العلاقة ياباشا ف ناس متعرفهاش كويس من سنة ولا اتنين ولا حتة خمسة

**starlanos** · 08-01-2014 10:45 PM

انته الي هتعيش معاها مش امك هيا جبتلك العروسة مفيش مشكله بس ديه هتبقا شريكة حياتك وانته ادرا
اعزمهم زي منتا قولت ودمنها فرصة تاخد قرارك النهائي
في الزمن دة الجمال مش كل حاجة الاخلاق اهم اهم اهم حاجة
الجمال مش هيصونك شرفك في غيابك
دور علاخلاق

**moody_687** · 09-01-2014 03:30 PM

المشاركة الأصلية كتبت بواسطة starlanos

انته الي هتعيش معاها مش امك هيا جبتلك العروسة مفيش مشكله بس ديه هتبقا شريكة حياتك وانته ادرا
اعزمهم زي منتا قولت ودمنها فرصة تاخد قرارك النهائي
في الزمن دة الجمال مش كل حاجة الاخلاق اهم اهم اهم حاجة
الجمال مش هيصونك شرفك في غيابك
دور علاخلاق

انا خلاص ابلغت قراري بالرفض و انا معاك ان الجمال مش اهم حاجة وان الاخلاق اهم منها بس برده مينفعش اخطب واحدة مش شداني ومش شرط اللي تشدني تكون جميلة الجميلات فالجمال نسبي ف عيون البشر فانا ارى شخصا جميلا ف حين حضرتك لا تراه جميلا هو ده الجمال اللي اقصده ف موضوعي

**Ahmed_Adham** · 09-01-2014 03:48 PM

لو اتجوزت واحده مش مقتنع بيها قوي السكينه هتسرقك سنه ولا اتنين ولا تلاته وبعدين هتبدأ قلبك يقسا وأقل خلاف هتبقى مش مستحمله وبعدين تخش في دوامه انفصال بعد ما يكون عندكو طفل ولا اتنين. لازم يكون فيه اقتناع من الأول ومش اقتناع بس لازم تكون فرحان وحاسس انك خدت أحسن وأجمل واحده في الدنيا (على الاقل في نظرك) عشان الفرحه دي مش هتعيشها الا مره واحده في حياتك فمتخليهاش تفوتك.