موضوع خطوبة

**moody_687** · 04-01-2014 06:43 PM

دلوقتي انا اتقابلت مع بنوتة واهلها ومعايا امي واختي ووالدي مجاش لظروف شخصية
اهلها كويسين جدا ومستعدين يسعادوني ف موضوع الزواج وامي واختي مبسوطين باهل العروسة انا برده انبسطت من اهلها
المشكلة ان العروسة مش مالية عيني كجمال حاسس انها مش هي دي وطلعت من المقابلة امبارح حاسس انى عادي مش حاسس بسعادة صليت استخارة ومحستش بحاجة
ففتحت الموضوع مع والدي فقولتله اهلها كويسين وهى كويسة بس انا شايفها عادية مش جذباني نهائي فقالي خلاص كل شئ قسمة ونصيب وامي زعلانة مني عشان رافضها
دلوقتي ف حلين فبالي يااما اقابلها هى واهلها ومعايا ابويا ونرد العزومة وف نفس الوقت ادي لنفسي فرصة تانية
واما انى ابلغ قراري ليهم
انا كان ليا موضوع قبل ذلك مع خطوبة كنت رافض البنت ووافقت عشان امي تعبت وفي الاخر اتفكت وكانت خطوبة صالونات ومن ضغوطات من والدتي قريت فاتحة معاه عشان امي كانت مربياها وكان عندي اعتراض ع البنت واهلها وبالرغم من ذلك قريت فاتحة عشان قولت ان البنت مؤدبة ومش مشكلة الشكل وف الاخر الخطوبة اتفسخت
انا مش عايز اكرر نفس الغلطة تاني انا عندي 26 سنة وامي زعلانة والله ماعارف اعمل ايه

**mustafavet** · 04-01-2014 07:50 PM

هو طبعا رضي الام شيء مهم جدا
لكن
الواقع بيقول انك مش هتبقي مستريح وحتي لو حسيت براحله مع اول بنت هتشد انتباهك هتقلب حياتك
الافضل
ابعد عن فكرة الزواج حتي تجد من تتخيل نفسك معها ولا تتخيل ان ف الوجود من هو افضل منها
ربنا يرزقك الزوجه الصالحة

**nab!l** · 04-01-2014 07:59 PM

ادى لنفسك فرصة تانيه ... لكن متسيبش نفسك اوى لضغوط الوالدة لاانك انت الى هتتجوز مش حد تانى

**moody_687** · 04-01-2014 09:27 PM

المشاركة الأصلية كتبت بواسطة nab!l

ادى لنفسك فرصة تانيه ... لكن متسيبش نفسك اوى لضغوط الوالدة لاانك انت الى هتتجوز مش حد تانى

ازاي ادي لنفسي فرصة تانية ؟

**dede_dodo88** · 04-01-2014 09:41 PM

طب أنت معرفتك للبنت نفسها تمت أزاي ؟ صالونات برضه؟! يعني أيه درجة المعرفة بينكم ؟..

**samyyousef** · 04-01-2014 10:18 PM

يجب ان تتزوج عن اقتناع
يجب ان تكون راضي..او سترضى

**hossam_elwani** · 04-01-2014 10:54 PM

الانطباعات الاولى تدوم

اخلع من الموضوع

**amoor89** · 04-01-2014 10:55 PM

اسمحلى اقولك ان طاعة الوالدين طبعا شىء مفروغ منه لكن فى مواضيع الجواز دى بلاش يكون قرارك مبنى على وجهة نظر والدتك لانك هتتعب بعد كده واظن انت بنفسك جربت ولقيت مش نافع ومش معنى كده ان نظرة الوالدة للبنت دايما خطأ لا لكن لازم يكون القرار منك انت وبس وحط تحت دى مليون خط
عن تجربة شخصية فى خطوبتى لما اتقدمت لخطيبتى شفتها الأول ولما لقيت انى مستريح للموضوع قولت لأهلى انهم يسألوا عن أهل البنت فقط مش عليها هيا لان دى كانت مهمتى
من الأخر الأهل دورهم انهم يختاروا النسب من ناحية أهل البنت لكن مش يفرضوا حد معين عليك لمجرد انهم شايفين انها مناسبة ليك
متستعجلش القرار ده مش سهل لانك بتبنى حياة كاملة ومتبتديش حاجة انت مش مقتنع بيها من الأول

**medo_2060** · 05-01-2014 12:41 AM

طالما مش مقتنع من الانطباع الاول وزياده كمان تجربتك الى تمت تحت ضغط اقدر اقلك اوعى تاخد واحده استخسار لمجرد انها مؤدبه واهلك بيشرحوها.. اخلع من الموضوع دا بدرى.. دا مجرد رأى شخصى وربنا يوفقك لما فيه الخير.

**moody_687** · 05-01-2014 12:44 AM

انا خلاص اخذت قراري ووالدي مأيدني فيه وقالي مادام مش مليت عينك خالص وامي مشكلتها انها خايفة انها متفرحش بيا

الموضوع: موضوع خطوبة

LinkBack

أدوات الموضوع

عرض

-

-

-

-

المواضيع المتشابهه

استشارة عن فتاه مقبلة ع خطوبة

خطوبة د.وليد...إسكندرية

تجربة خطوبة فاشلة

خطوبة أحمد كار

الكلمات الدلالية لهذا الموضوع

المفضلات

المفضلات

ضوابط المشاركة