الموضوع: عندي ثلاث مشاكل و محتاج مساعده

1- محتاج بلوف الفتيس يعني مع العلم اني مركب البلوف دي من خمس او ست شهور تقريبا كان حتي الفينات اللي هيا خمسه بلف مش اربعه
2- البستم بتاعها هو المشكله و لا اشتري دماغي و اجيب واحده تانيه و خلاص و تمنها كام تقريبا
3- و اغير جوانات بالمره ولا كوتش الصبابات و بس ؟ و تتكلف كام تقريبا

صديقي المواطن
دي مش عايزة كشف نظري وفتاوي تخمينية دي عايزة حد يبص عليها ولكن مبدئيا كده يتراجع على الراديتير والسربنتينات داخله ومبرد زيت الفتيس ويراجع هل فيه ترشيح في مواسير و كرتيرات وأولسيهات زيوت المحرك وزيوت الفتيس ثم قولا واحدا ترمي زيت الفتيس وفلتره وتحط زيت غالي من 55 جنيه للتر الواحد فما فوق ثم نشوف الحياة حتمشي إزاي بعد كده وترجعلي تاني تبلغني عملت إيه وغلط الشد اللي إنت بتعمله ده يا مواطن والعربية بتمر بأزمة عاطفية شديدة اللهجة تستدعي منك تطبطب عليها وتغطيها بالبطانية مش تطلعلي عنيها وتجيب آر بي إم على 6 يعني مشفتش كده من تحت الرفارف قدام العربية مطلعة إيديها للسما وبتدعي عليك فخد بالك دعوة المظلوم مستجابة وعربيتك سوبر مظلوم بصراحة أنا لو إشتريتها منك أشربها حليب وعسل شهرين تلاته وأغطيها كويس لغاية منفسيتها تستعدل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لا و الله يا استاذ صدام هيا لسه مدعيتش عليا علي فكره :) كل الحكايه اني كنت عايز اتاكد الدخنه بتطلع امتي مع العلم اني لما بمشي بيها عادي و باحترام يعني :) مفيش اي دخنه بتحصل و قولت لما اقرص عليها يمكن الدخنه تروح و بس يا سيدي هيا ما بتصدق اني اقرص عليها تقوم مطلعه الدخنه و بالنسبه للزيت انا فعلا مغير زيت الفتيس قريب لما غيرت طقم البلوف و السربنتينه كان باين عليها ان فيها لحامات قبل كده عشان كده انا غيرتها لما لقيت تطحين في قربه المياه

طب هو حضرتك موجود يوم الاحد و لا اجازه برضه

المشاركة الأصلية كتبت بواسطة medosalah

رغم اني اتضايقت شويه انك حتي ما كلمتنيش علشان تلغي الموضوع...

بس ربنا ييسرلك الخير وتلم العربيه وتبقي تمام ان شاء الله

انا اسف جدا جدا جدا جدا يا دكتور بس الحمد لله علي كل حال بس ظروفي مش تمام بقالي اكتر من شهر و نص حصلي شويه حاجات مش كويسه بس الحمد لله علي كل حال باعتزرلك مره اخري و ربنا ييسر لنا و ييسر لك كل الاحوال يا رب